ദേവസ്വം ബോര്ഡ് ഇനി സി.പി.എമ്മിന്റെയും സര്ക്കാരിന്റെയും നോമിനി മാത്രം; ശബരിമല യുവതീപ്രവേശന വിഷയത്തില് സര്ക്കാരും മുഖ്യമന്ത്രി പിണറായി വിജയനുമായി ഇടഞ്ഞു നില്ക്കുന്ന ദേവസ്വം ബോര്ഡ് പ്രസിഡന്റ് എ.പത്മകുമാറിനു പിന്നാലെ സി്പി.ഐ മെമ്പര് കെ.പി ശങ്കര്ദാസും ഇടഞ്ഞു
ശബരിമല യുവതീപ്രവേശന വിഷയത്തില് സര്ക്കാരും മുഖ്യമന്ത്രി പിണറായി വിജയനുമായി ഇടഞ്ഞു നില്ക്കുന്ന ദേവസ്വം ബോര്ഡ് പ്രസിഡന്റ് എ.പത്മകുമാറിനു പിന്നാലെ സി്പി.ഐ മെമ്പര് കെ.പി ശങ്കര്ദാസും ഇടഞ്ഞു. നിയമാനുസൃതമുള്ള സ്വതന്ത്ര്യാധികാരങ്ങള് സി.പി.എമ്മിനും സര്ക്കാരിനുംവെച്ചൊഴിഞ്ഞ് എ.പതമകുമാര് കീഴടങ്ങിയതോടെ തിരുവിതാംകൂര് ദേവസ്വം ബോര്ഡ് സി.പി.എമ്മിന്റെയും സര്ക്കാരിന്റെയും ആജ്ഞാനുവര്ത്തി മാത്രമായി മാറിയിട്ട് നാളുകളായി. ഇന്നലെ സുപ്രീം കോടതിയില് യുവതീപ്രവേശനവുമായി ബന്ധപ്പെട്ട് ദേവസ്വം ബോര്ഡിനോട് ആലോചിക്കാതെ സര്ക്കാര് ഒരു എ.ഡി.ജി.പി തയ്യാറാക്കിയ ലിസ്റ്റ് സമര്പ്പിച്ചതിനെതിരെ ശങ്കര്ദാസ് രംഗത്ത് വന്നിരുന്നു. ഇതിനു പിന്നാലെ തനിക്കുള്ള അതൃപ്തി അദ്ദേഹം സര്ക്കാരിനെയും അറിയിച്ചു.
.ശബരിമലയിലെ സ്ത്രീപ്രവേശന കേസില് പലവട്ടം മലക്കംമറിഞ്ഞ പത്മകുമാര് ഒടുവില് വിശ്വാസികളുടെ വികാരത്തിനൊപ്പം നില്ക്കേണ്ടെന്നും വിധിയുമായി ബന്ധപ്പെട്ട് സുപ്രീം കോടതി വിധിക്കൊപ്പം നില്ക്കാമെന്നും തീരുമാനിക്കുകയായിരുന്നു.. ിത് സി.പി.എമ്മിന്റെയും സര്ക്കാരിന്റെയും സമ്മര്ദഫലമായിരുന്നു. പ്രസിഡന്റ് സ്ഥാനം നിലനിര്ത്തി അധികാരങ്ങളെല്ലാം ശങ്കര്ദാസിന് മുഖ്യമന്ത്രി ഇടപെട്ട് നല്കുകയായിരുന്നു. എന്നാല് തന്നെ വെറും റബര്സ്റ്റാമ്പാക്കി ശബരിമലയിലും ബോര്ഡിലും സര്ക്കാര് ഇടപെടല് വര്ദ്ധിക്കുന്നതായി തിരിച്ചറിഞ്ഞാണ് ശങ്കര്ദാസ് ഇപ്പോള് അതൃപ്തി അറിയിച്ചിരിക്കുന്നത്.
അടുത്തിടെ ദേവസ്വം ബോര്ഡ് യോഗത്തിനു മുന്പ് ക്ലിഫ് ഹൗസില് എത്തി മുഖ്യമന്ത്രി പിണറായി വിജയനെയും എ.കെ.ജി സെന്ററിലെത്തി സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണനെയും പത്മകുമാര് സന്ദര്ശിച്ചിരുന്നു. ഇതിനു ശേഷമാണ് ഏറ്റവും ഒടുവിലത്തെ മലക്കംമറിച്ചില്. ചിത്തര ആട്ടവിശേഷത്തിന് നട തുറന്നപ്പോള് വ്യക്തപരമായ കാരണമുണ്ടെന്ന് പറഞ്ഞ് ശബരിമലയില് നിന്ന് മാറി നിന്നിരുന്ന പത്മകുമാര് പക്ഷേ പിന്നീട് മദവസ്വം ബോര്ഡിന് സ്വതന്ത്ര നിലപാടാണ് ഉള്ളതെന്നും അതിനുമേല് കൈകടത്താന് ആരെയും അനുവദിക്കില്ലെന്നും ശീര്വാണം മുഴക്കിയിരുന്നു. മുഖ്യമന്ത്രിയുടെ കടുതത അതൃപ്തിക്ക് പാത്രമായിരുന്ന പത്മകുമാറിനെ മണ്ഡലകാലത്തിനു ശേഷം പ്രസിഡന്റു സ്ഥാനത്തു നിന്ന് മാറ്റാനായിരുന്നു പാര്ട്ടിതീരുമാനം. സി.പി.എം ജില്ലാ സെക്രട്ടേറിയറ്റില് നിന്നും സ്ഥാനചലനവും ഉണ്ടാകുമെന്ന് ഉറപ്പായിരുന്നു.ബോര്ഡ് പ്രസിഡന്റ് സ്ഥാനത്തു നിന്നുള്ള രാജി പാര്ട്ടിയും സര്ക്കാരും ആവശ്യപ്പെടുകയും ചെയ്തമതാടെയാണ് പത്മകുമാര് കീഴടങ്ങിയത്.
പാര്ട്ടിക്കും സര്ക്കാരിനും അനഭിമിതനായതിനാല് ഇനി മറ്റ് സ്ഥാനങ്ങളൊന്നും ലഭിക്കില്ലെന്ന തിരിച്ചറിവാണ് സി.പി.എമ്മിനും സര്ക്കാരിനും മുഖ്യമന്ത്രിക്കും മുന്നില് സമ്പൂര്ണ്ണകീഴടങ്ങല് നടത്തി തന്റെ സ്ഥാനം ഭദ്രമാക്കാന് എ.പത്മകുമാറിനെ പ്രേരിപ്പിച്ചത്. കോടതി എന്തു തീരുമാനം എടുത്താലും അതു നടപ്പിലാക്കാനുള്ള പൂര്ണബാധ്യത ഭരണഘടനാസ്ഥാപനമായ ദേവസ്വം ബോര്ഡിനുണ്ടെന്നും ഹര്ജികള് പരിഗണിക്കുന്ന വേളയില് ദേവസ്വം ബോര്ഡിനു കോടതിയില് അഭിപ്രായം പറയേണ്ട സാഹചര്യം വന്നാല് മാത്രം നിലപാടു വ്യക്തമാക്കുവെന്നുമായിരുന്നു ഇതിനു ശേഷം അമദ്ദഹം അറിയിച്ചത്.
ഇതിനിടെ ദേവസ്വം മന്ത്രിയായ തന്നോടു ആലോചിക്കാതെ സര്ക്കര് സുപ്രീം കോടതിയില് യുവതികളുടെ ലിസ്ററ് കൊടുത്തതില് മന്ത്രി കടകംപള്ളി സുരേന്ദ്രനും അസ്വസ്ഥനാണ്.ഇന്നലെ സെക്രട്ടേറിയറ്റില് പത്രസമ്മേളനത്തിനിടെയാണ് കടകംപള്ളി ഇക്കാര്യം അറിഞ്ഞത്. മാധ്യമപ്രവര്ത്തകരുടെ ചോദ്യങ്ങള്ക്ക് വ്യക്തമായ ഉത്തരം നലകാന അദ്ദേഹത്തിന് കഴിയാതെ പോയതും ഇതിനാലാണ്. തന്റെ അതൃപ്തി പാര്ട്ടി സെക്രട്ടറി കോടിയേരി ബാലകൃഷ്ണനെ കടകംപള്ളി അറിയിച്ചു. കഴിഞ്ഞ കുറേ ദിവസങ്ങളായി ശബരിമലയിലെ കാര്യങ്ങളും മുഖ്യമന്ത്രി പിണറായി വിജയന് പത്മകുമാറിനെ പോലെ കടകംപള്ളിയേയും അറിയിക്കുന്നുണ്ടായിരുന്നില്ല.
https://www.facebook.com/Malayalivartha
