കോട്ടയത്ത് കൊന്ന് കുഴിച്ചുമൂടിയ നിലയിൽ കണ്ടെത്തിയ പെൺകുട്ടിയെ ഹോളോബ്രിക്സ് കമ്പനിയിൽ കാമുകൻ എത്തിച്ചത് മൊബൈൽ വഴി പ്രണയിച്ച് വശീകരിച്ച്:- ലോറിയിൽ കയറ്റിൽ കമ്പനിയിൽ എത്തിച്ച ശേഷം ശാരീരിക ബന്ധത്തിന് ശ്രമിച്ചപ്പോൾ പെൺകുട്ടി എതിർത്തു: ദേഷ്യം അടക്കാനാകാതെ വന്നതോടെ അരങ്ങേറിയത് ക്രൂര കൊലപാതകം
മൂന്ന് ദിവസം മുമ്പ് കോട്ടയം അയര്കുന്നത്ത് നിന്നും കാണാതായ പെണ്കുട്ടിയെ കൊന്നു കുഴിച്ചിട്ട നിലയില് കണ്ടെത്തിയത്തിൽ കൂടുതൽ റിപ്പോർട്ടുകൾ പുറത്ത്. പീഡിപ്പിക്കാനുള്ള ശ്രമം എതിർത്തതിനെ തുടർന്നാണു പെൺകുട്ടിയെ കൊന്നതെന്നു പ്രതി മൊഴി നൽകി. മൊബൈൽ വഴിയാണു പെൺകുട്ടിയെ പരിചയപ്പെട്ടതും പ്രണയത്തിലായതും.
വ്യാഴാഴ്ച പെൺകുട്ടിയെ അനുനയിപ്പിച്ചു ലോറിയിൽ കയറ്റി കൊണ്ടു പോയി. ഹോളോബ്രിക്സ് കമ്പനിയിൽ എത്തിച്ചശേഷം പീഡിപ്പിക്കാൻ ശ്രമിച്ചപ്പോൾ പെൺകുട്ടി എതിർത്തു. ഇതിന്റെ ദേഷ്യത്തിൽ കുട്ടിയെ ഇയാൾ കൊല്ലുകയായിരുന്നു. കമ്പനിക്കു പിന്നിലെ വാഴത്തോപ്പിലാണു മൃതദേഹം കുഴിച്ചു മൂടിയത്. വെള്ളിയാഴ്ച പതിവു പോലെ അജേഷ് ലോറി ഓടിക്കാനും പോയി. വെള്ളിയാഴ്ചയാണു പെൺകുട്ടിയുടെ വീട്ടുകാർ പരാതി നൽകിയത്.
പെൺകുട്ടിയെ കാണാനില്ലെന്ന പരാതിയിൽ പൊലീസ് അന്വേഷണം നടക്കുകയായിരുന്നു. ഫോൺ വിളിപ്പട്ടികയിൽനിന്നു അജേഷുമായുള്ള ബന്ധം പിടികിട്ടിയതോടെയായിരുന്നു യുവാവിനെ കസ്റ്റഡിയിലെടുത്തു ചോദ്യം ചെയ്തത്. രാവിലെ മുതൽ ചോദ്യം ചെയ്തെങ്കിലും സമ്മതിച്ചിച്ചില്ല. ഉച്ചയോടെ കുറ്റം സമ്മതിക്കുകയും കുഴിച്ചിട്ട സ്ഥലം കാണിച്ചു കൊടുക്കുകയും ചെയ്തു. . ഡ്രൈവറായി ജോലി ചെയ്യുന്ന ഹോളോബ്രിക്സ് കമ്പനിയിലാണു പെൺകുട്ടിയുടെ മൃതദേഹം ഇയാൾ കുഴിച്ചിട്ടത്. പൊലീസ് സ്ഥലത്തെത്തി മൃതദേഹം കണ്ടെടുത്തു.
പാലാ സ്വദേശിയാണ് അജേഷ്. ലൈംഗികപീഡനം എതിര്ത്തതിനാണ് പ്രതി പെണ്കുട്ടിയെ കൊന്ന് കുഴിച്ചുമൂടിയതെന്ന് പൊലീസ് വ്യക്തമാക്കി. പെണ്കുട്ടിയുടെ അച്ഛന്റെ സുഹൃത്താണ് പ്രതി. വീട്ടിലെത്തി പെണ്കുട്ടിയുമായി പരിചയം സ്ഥാപിച്ച ഇയാള് കുട്ടിയ്ക്ക് സ്വന്തം മൊബൈല് നമ്ബര് കൈമാറിയിരുന്നു. മൊബൈല് പ്രണയത്തിനൊടുവിലാണ് പെണ്കുട്ടിയെ കൊന്ന് കുഴിച്ചുമൂടിയതെന്ന് ഇയാള് പൊലീസിനോട് സമ്മതിച്ചിട്ടുണ്ട്. ജോലി ചെയ്തിരുന്ന ഹോളോബ്രിക്സ് കമ്ബനിയിലാണ് ഇയാള് പെണ്കുട്ടിയുടെ മൃതദേഹം ചാക്കില് കെട്ടി കുഴിച്ചുമൂടിയത്.
ഇയാള് ഒറ്റയ്ക്കാണോ കൊലപാതകം നടത്തിയതെന്നും പൊലീസ് അന്വേഷിക്കുന്നുണ്ട്. ഇയാളെ അറസ്റ്റ് ചെയ്ത് കൂടുതല് ചോദ്യം ചെയ്താല് മാത്രമേ സംഭവത്തില് കൂടുതല് പേരുണ്ടോ എന്ന കാര്യം പൊലീസിന് വ്യക്തമാകൂ.
https://www.facebook.com/Malayalivartha