ശബരിമല സ്ത്രീ പ്രവേശനത്തിനെതിരായ സമരത്തിന് പൂര്ണ വിജയം കൈവരിക്കാനായില്ലെന്നു തുറന്നു സമ്മതിച്ച് ബിജെപി സെക്രട്ടേറിയറ്റിനു മുന്നിലെ നിരാഹാര സമരം അവസാനിപ്പിക്കുന്നു
ശബരിമല സ്ത്രീ പ്രവേശനത്തിനെതിരായ സമരത്തിന് പൂര്ണ വിജയം കൈവരിക്കാനായില്ലെന്നു തുറന്നു സമ്മതിച്ച്, ബിജെപി സെക്രട്ടേറിയറ്റിനു മുന്നിലെ നിരാഹാര സമരം അവസാനിപ്പിക്കുന്നു. ഇന്നു രാവിലെ പത്തരയോടെ സമരം അവസാനിപ്പിക്കുമെന്ന് ബിജെപി സംസ്ഥാന പ്രസിഡന്റ് പി.എസ്. ശ്രീധരന്പിള്ള സമരപ്പന്തലില് നടത്തിയ പ്രസംഗത്തില് അറിയിച്ചു. ഇതിനെ തുടര്ന്ന് രൂക്ഷ വിമര്ശനമാണ് പിള്ളയ്ക്ക് നേരെ പാര്ട്ടിയില്.
കൊട്ടിഘോഷിച്ച് തുടങ്ങിയ സമരത്തെ ഒരു വിഭാഗം നേതാക്കളും പ്രവര്ത്തകരും തുടക്കംമുതലേ വിമര്ശിച്ചിരുന്നു. ബിജെപിയിലെ ഗ്രൂപ്പ് വഴക്കിന്റെ ഭാഗമായി തുടങ്ങിയ നിരാഹാര സമരത്തോട് ഒരു വിഭാഗം എതിര്പ്പു ശക്തമാക്കിയിരുന്നു. മുന്നിര നേതാക്കളാരും തുടര്സമരം ഏറ്റെടുക്കാന് തയാറായില്ല എന്ന് പ്രചാരണം അഴിച്ചുവിട്ടു. സമരം അവസാനിപ്പിക്കുന്നതിന് മുന്നോടിയായിട്ടാണ് കഴിഞ്ഞദിവസം ദേശീയ നേതാവായ പി കെ കൃഷ്ണദാസിനെ നിരാഹാരം കിടത്തിയത് എന്ന ആക്ഷേപമുയര്ന്നിരുന്നു. നിരാഹാര സമരത്തോട് ശ്രീധരന് പിള്ളക്ക് അത്ര അനുഭാവമുണ്ടായിരുന്നില്ല.
ശബരിമലയില് ആചാരാനുഷ്ഠാനങ്ങള് സംരക്ഷിക്കുക, നിരോധനാജ്ഞയും നിയന്ത്രണങ്ങളും പൂര്ണമായി പിന്വലിക്കുക തുടങ്ങിയ ആവശ്യങ്ങളുന്നയിച്ചു ആരംഭിച്ച സമരം 49ാം ദിവസത്തിലേക്കു കടക്കുന്പോഴാണ് അവസാനിപ്പിക്കുന്നത്. നിലവില് ബിജെപി ദേശീയ സമിതിയംഗം പി.കെ കൃഷ്ണദാസാണ് നിരാഹാരം അനുഷ്ഠിക്കുന്നത്. ഇന്ന് മണ്ഡലകാലം അവസാനിക്കുന്നതോടെ സമരത്തിന്റെ പ്രസക്തി തീരുമെന്നുള്ളതും ബി ജെ പി യെ അലട്ടുന്നു. സമരം ഭംഗിയായി അവസാനിപ്പിക്കാന് കിട്ടിയ അവസരമൊന്നും വേണ്ട വിധത്തില് ഉപയോഗപ്പെടുത്തിയില്ല എന്ന തോന്നല് പാര്ട്ടിയില് പലര്ക്കുമുണ്ട്. ശക്തമായ നേതൃത്വമില്ലായ്മ ബി ജെ പി യെ കുഴക്കുന്നു. വരും ദിവസങ്ങളില് ഇത് പല ഉള്പ്പാര്ട്ടി പ്രശ്നങ്ങള്ക്കും കാരണമാകും. മുന്പ് ശബരിമല സമരം ബി ജെ പി ക്കു സുവര്ണ്ണാവസരമാണെന്നും ഇത് പരമാവതി പ്രയോഗനപ്പെടുത്തണമെന്നും പിള്ള പറഞ്ഞത് ഏറെ വിവാദമായിരുന്നു.
ബിജെപി സംസ്ഥാന ജനറല് സെക്രട്ടറി എ.എന് രാധാകൃഷ്ണനാണ് ആദ്യം നിരാഹാരമിരുന്നത്. പിന്നീട് നേതാക്കളായ സി.കെ പദ്മനാഭന്, ശോഭാ സുരേന്ദ്രന്, ശിവരാജന്, പി.എം. വേലായുധന്, വി.ടി. രമ എന്നിവര് നിരാഹാരം അനുഷ്ഠിച്ചു. ഇതിനു പിന്നാലെ കഴിഞ്ഞ ദിവസമാണ് പി.കെ. കൃഷ്ണദാസ് നിരാഹാര സമരം ആരംഭിച്ചത്. വിശ്വാസ സംരക്ഷണത്തിനുള്ള സമരം പൂര്ണ വിജയമായിരുന്നില്ലെങ്കിലും ഓരോ ഘട്ടത്തിലും സമരത്തിന് ജനപിന്തുണ ഏറിവരികയായിരുന്നെന്നും പോരാട്ടം തുടരുമെന്നും ശ്രീധരന്പിള്ള പറഞ്ഞു.
https://www.facebook.com/Malayalivartha
