പള്ളികളില് തിരുനാളിനും ക്ഷേത്രങ്ങളില് ഉത്സവത്തിനും കടലയും കപ്പലണ്ടിയും വിറ്റ് നടന്ന തേനി സ്വദേശിനിയായ ധനലക്ഷ്മിയെ ഭാഗ്യദേവത കടാക്ഷിച്ചു... കാരുണ്യ പ്ലസ് ഭാഗ്യക്കുറിയുടെ ഒന്നാം സമ്മാനമായ 80 ലക്ഷം കിട്ടിയ സന്തോഷം പങ്കുവച്ച് ധനലക്ഷ്മി
പള്ളികളില് തിരുനാളിനും ക്ഷേത്രങ്ങളില് ഉത്സവത്തിനും കടലയും കപ്പലണ്ടിയും വിറ്റാണ് ഇവര് ഉപജീവനം കഴിയുന്നത്. സമ്മാനം ലഭിച്ചിട്ടും ജോലിയില് വ്യാപൃതയാണ് ഈ യുവതി. വിശുദ്ധ സെബസ്ത്യാനോസിന്റെ അനുഗ്രഹത്താലാണു ഭാഗ്യകടാക്ഷമെന്ന വിശ്വാസത്തിലാണു കുടുംബം. എല്ലാവര്ഷവും വിശുദ്ധന് നേര്ച്ചയും നോട്ടുമാലയും സമര്പ്പിക്കുന്ന പതിവ് ഇവര്ക്കുണ്ട്.
നേരത്തേയും ചെറിയ സമ്മാനങ്ങള് ലഭിച്ചിട്ടുണ്ട്. തുക ഉപയോഗിച്ച് സ്വന്തമായി വീട് നിര്മിക്കണമെന്നാണ് ആഗ്രഹമെന്ന് ധനലക്ഷ്മി പറഞ്ഞു. കാരുണ്യ പ്ലസ് ഭാഗ്യക്കുറിയുടെ ഒന്നാം സമ്മാനമായ 80 ലക്ഷം തേനി സ്വദേശിനിയായ ധനലക്ഷ്മിക്കാണു ലഭിച്ചത്. പി.എല് 472837 എന്ന നമ്ബറിനാണ് സമ്മാനം ലഭിച്ചത്. അര്ത്തുങ്കല് സെന്റ് ആന്ഡ്രൂസ് ബസലിക്കയ്ക്ക് മുന്നില് വര്ഷങ്ങളായി കടല വില്ക്കുന്നതിനിടെ ബുധനാഴ്ചയാണ് ടിക്കറ്റ് എടുത്തത്. സമ്മാനാര്ഹമായ ടിക്കറ്റ് കാനറ ബാങ്ക് ശാഖയില് ഏല്പ്പിച്ചു. പരേതനായ ചിന്നയ്യന്റെയും അഴകമ്മയുടെയും എട്ടു മക്കളില് നാലാമത്തെയാളാണു ധനലക്ഷ്മി. 40 വര്ഷം മുന്പ് തേനിയില് നിന്നെത്തിയ കുടുംബം അര്ത്തുങ്കലില് വാടകയ്ക്ക് താമസിക്കുകയാണ്. 10 വര്ഷം മുന്പാണ് പിതാവ് മരിച്ചത്.
https://www.facebook.com/Malayalivartha
