ശബരിമലയില് പ്രവേശിച്ച യുവതികളില് ഒരാള് ദളിത് ആയതുകൊണ്ട് തന്ത്രി നടത്തിയ ശുദ്ധിക്രിയ അയിത്താചാരം: നടയടച്ച് ശുദ്ധികലശം നടത്തിയതിന് തന്ത്രിക്ക് സംസ്ഥാന പട്ടികജാതി-പട്ടികവര്ഗ കമ്മീഷന്റെ കാരണം കാണിക്കല് നോട്ടീസ്
ശബരിമലയില് രണ്ട് യുവതികള് കയറിയതിനു പിന്നാലെ നടയടച്ചു ശുദ്ധികലശം നടത്തിയതിനു തന്ത്രിക്കു സംസ്ഥാന പട്ടികജാതിപട്ടികവര്ഗ കമ്മീഷന്റെ കാരണം കാണിക്കല് നോട്ടീസ്. ശബരിമലയില് പ്രവേശിച്ച യുവതികളില് ഒരാള് ദളിത് ആയതുകൊണ്ടു തന്ത്രി നടത്തിയ ശുദ്ധിക്രിയ അയിത്താചാരം ആയി കണക്കാക്കാവുന്നതാണ്. അതിനാലാണു കാരണം കാണിക്കല് നോട്ടീസ് അയച്ചതെന്ന് കമ്മീഷന് അംഗം എസ്. അജയകുമാര് പറഞ്ഞു.
ഈ മാസം 17ന് ഹിയറിംഗിനായി ഹാജരാവാന് തന്ത്രിക്കു നോട്ടീസ് അയച്ചിരുന്നു. ഈ ദിവസം കമ്മീഷന് മുന്പാകെ ഹാജരാവാത്തതുകൊണ്ടു തുടര്നടപടി എന്ന നിലയ്ക്കാണ് തന്ത്രിക്ക് കാരണംകാണിക്കല് നോട്ടീസ് അയച്ചതെന്നും അദ്ദേഹം അറിയിച്ചു. കമ്മീഷന് അംഗം എസ് അജയകുമാര് ഫെയ്സ്ബുക്കിലൂടെയാണ് നോട്ടീസ് അയച്ച കാര്യം അറിയിച്ചത്.
ശബരിമലയില് പ്രവേശിച്ച യുവതികളില് ഒരാള് ദളിത് ആയതുകൊണ്ട് തന്ത്രി നടത്തിയ ശുദ്ധിക്രിയ അയിത്താചാരം ആയി കണക്കാക്കാവുന്നതാണ്. അതിനാലാണ് കാരണം കാണിക്കല് നോട്ടീസ് അയച്ചതെന്ന് എസ് അജയകുമാര് പറയുന്നു. ഈ മാസം 17ന് ഹിയറിങ്ങിനായി ഹാജരാവാന് തന്ത്രിക്ക് നോട്ടീസ് അയച്ചിരുന്നു. കമ്മിഷന് മുന്പാകെ ഹാജരാവാത്തതുകൊണ്ട് തുടര്നടപടി എന്ന നിലക്ക് കമ്മീഷന് അംഗമായ തന്ത്രിയക്ക് താന് ഷോകോസ് നോട്ടീസ് അയച്ചിട്ടിട്ടുണ്ടെന്നും അദ്ദേഹം അറിയിച്ചു. ഒരു തന്ത്രിയും ഈ നാട്ടിലെ ഭരണഘടനക്കും നിയമ വ്യവസ്ഥക്കും അതീതരല്ലെന്നും അദ്ദേഹം വ്യക്തമാക്കി.
ഫെയ്സ്ബുക്ക് പോസ്റ്റിന്റെ പൂര്ണ്ണ രൂപം
ശബരിമല യുവതി പ്രവേശനമായി ബന്ധപ്പെട്ട് തന്ത്രി നടത്തിയ ശുദ്ധിക്രിയ അയിത്താചാരം ആയി കണക്കാക്കാവുന്നതാണ്. അതില് ഒരു സ്ത്രീ ദളിത് ആയതുകൊണ്ട് സംസ്ഥാന പട്ടിക ജാതി വര്ഗ്ഗ കമ്മീഷന് ഇടപെട്ട് തന്ത്രിക്ക് ഈ മാസം 17ന് ഹിയറിങ്ങിനായി ഹാജര് ആവാന് നോട്ടീസ് അയച്ചിരുന്നു. കമ്മിഷന് മുന്പാകെ ഹാജരാവാത്തതുകൊണ്ട് തുടര്നടപടി എന്ന നിലക്ക് കമ്മീഷന് മെമ്പറായ ഞാന് തന്ത്രിയക്ക് ഷോ കോസ് നോട്ടീസ് അയച്ചിരിക്കുകയാണ് . ഒരു തന്ത്രിയും ഈ നാട്ടിലെ ഭരണഘടനക്കും നിയമ വ്യവസ്ഥക്കും അതീതരല്ല. ഭരണഘടനയ്ക്ക് മുകളില് പറക്കാന് സവര്ണാധിപത്യത്തെ അനുവദിച്ചുകൂടാ. സമൂഹത്തില് ഇത്തരത്തില് ഉള്ള അയിത്താചാരവും ജാത്യാചാരവും ശക്തിയുക്തം എതിര്ക്കേണ്ടതാണ്. ഇത്തരം വിഷയങ്ങളില് സംസ്ഥാന പട്ടിക ജാതി പട്ടിക വര്ഗ കമ്മീഷന് ശക്തമായി ഇടപെടുന്നതായിരിക്കും.
ഒരു തന്ത്രിയും ഈ നാട്ടിലെ ഭരണഘടനയ്ക്കും നിയമ വ്യവസ്ഥയ്ക്കും അതീതനല്ലെന്നും ഭരണഘടനയ്ക്ക് മുകളില് പറക്കാന് സവര്ണാധിപത്യത്തെ അനുവദിച്ചുകൂടായെന്നും അദ്ദേഹം പറഞ്ഞു. ഇത്തരത്തിലുള്ള അയിത്താചാരവും ജാത്യാചാരവും ശക്തിയുക്തം എതിര്ക്കപ്പെടേണ്ടതാണെന്നും അജയകുമാര് ഫേസ്ബുക്ക് പോസ്റ്റില് പറഞ്ഞു. ശബരിമലയില് ശുദ്ധികലശം നടത്തിയ തന്ത്രിയുടെ നടപടിക്കെതിരെ നിയമനടപടി സ്വീകരിക്കുമെന്ന് സന്നിധാനത്ത് പ്രവേശിച്ച ബിന്ദുവും കനക ദുര്ഗയും നേരത്തെ പറഞ്ഞിരുന്നു. ഇതിനായി സുപ്രീംകോടതിയില് കേസ് ഫയല് ചെയ്യുമെന്നും ഇരുവരും വ്യക്തമാക്കി.
https://www.facebook.com/Malayalivartha