ലോകസഭാതെരഞ്ഞെടുപ്പ് അടുത്തതോടെ സകല ഞാഞ്ഞൂലുകളും പ്രധാനമന്ത്രി നരേന്ദ്രമോദിക്കെതിരെ തിരിഞ്ഞിരിക്കുകയാണ്, ബി.ജെ.പിക്ക് ഭൂരിപക്ഷം കിട്ടും, മഹാസഖ്യം തമ്മിലടിച്ച് തുലയും- വെള്ളാപ്പള്ളി
ലോകസഭാതെരഞ്ഞെടുപ്പ് അടുത്തതോടെ സകല ഞാഞ്ഞൂലുകളും പ്രധാനമന്ത്രി നരേന്ദ്രമോദിക്കെതിരെ തിരിഞ്ഞിരിക്കുകയാണെന്ന്് എസ്.എന്.ഡി.പി യോഗം ജനറല്സെക്രട്ടറി വെള്ളാപ്പളളി നടേശന് ആരോപിച്ചു. തെരഞ്ഞെടുപ്പില് ബി.ജെ.പിക്ക് ഭൂരിപക്ഷം കിട്ടും. മോദിയുടെ പ്രസക്തി ചെറിതായി കാണരുത്. അദ്ദേഹം ചാക്കിടാന് മിടുക്കനാണ്. കാശ്മീരിലും ഗോവയിലും ഭരണം പിടിച്ചെടുത്തില്ലേ? കര്ണാടകയില് ഭരണം തിരിച്ചുപിടിക്കാനുള്ള നീക്കം നടക്കുന്നു. മോദിക്കെതിരെ പ്രതിപക്ഷ പാര്ട്ടികള് ചേര്ന്ന് രൂപീകരിച്ച മഹാസഖ്യം കൂട്ടത്തല്ലായി മാറുമെന്നും വെള്ളാപ്പള്ളി ചൂണ്ടിക്കാണിച്ചു. കൊല്ലത്ത് വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം.
മഹാസഖ്യം കൂട്ടത്തല്ലായി മാറുമെന്നും വെളളാപ്പള്ളി പറഞ്ഞു. പല കാര്യങ്ങളിലും യോജിക്കാത്തവര് തിരഞ്ഞെടുപ്പില് ഒരുമിച്ച് ജയിച്ചാല് മുഖ്യമന്ത്രിയാകാനും പ്രധാനമന്ത്രിയാകാനും തമ്മിലടിക്കും. അതുകൊണ്ട് ഈ സഖ്യം പ്രായോഗികമല്ല. സഖ്യത്തില് വിള്ളല് വീഴുമ്പോള് മോദി അവരെ ഹൈജാക്ക് ചെയ്യുമെന്നും വെള്ളാപ്പള്ളി ചൂണ്ടിക്കാട്ടി. അഞ്ച് സംസ്ഥാനങ്ങളിലെ നിയമസഭാ തെരഞ്ഞെടുപ്പുകളില് കനത്ത തിരിച്ചടി നേരിടേണ്ടി വന്ന മോദി സര്ക്കാര് വീണ്ടും അധികാരത്തില് വരുമെന്ന് വെള്ളപ്പള്ളി പറഞ്ഞത് ബി.ജെ.പിക്ക് ഗുണം ചെയ്യും. എന്നാല് രാഹുലിന്റെ പ്രഭയില് അധികാരം തിരിച്ച് പിടിക്കാന് ശ്രമിക്കുന്ന കോണ്ഗ്രസിന് ഉള്ള ആത്മവിശ്വാസം കൂടി നഷ്ടപ്പെടുത്തുന്ന പ്രസ്താവനയായിപ്പോയി.
മോദി അധികാരത്തില് വന്നത് മുതല് അദ്ദേഹവുമായി അടുത്തബന്ധമാണ് വെള്ളാപ്പള്ളി കാത്തുസൂക്ഷിക്കുന്നത്. ശിവഗിരിയിലെ പരിപാടികള്ക്ക് അടക്കം മോദിയെ പങ്കെടുപ്പിച്ചു. യോഗത്തിന്റെ നേതൃത്വത്തില് രൂപീകരിച്ച ബി.ഡി.ജെ.എസിനെ ബി.ജെ.പിയുടെ സഖ്യകക്ഷിയാക്കി. കേന്ദ്രസര്ക്കാരിന്റെ സുരക്ഷാ വലയത്തിലാണ് വെള്ളാപ്പള്ളി എപ്പോഴും. അങ്ങനെ പല നേട്ടങ്ങളും മോദി വഴി നേടി. അതിന്റെ നന്ദി അദ്ദേഹം കാണിക്കുകയാണെന്നാണ് കോണ്ഗ്രസിന്റെ ആരോപണം. സി.പി.എം ആകട്ടെ വെള്ളാപ്പള്ളിയെ പരസ്യമായി തള്ളാനും തയ്യാറല്ല. ശബരിമല വിഷയത്തില് സര്ക്കാരിനൊപ്പമാണ് അദ്ദേഹം.
വെള്ളാപ്പള്ളിയുടെ രാഷ്ട്രീയ നിലപാട് ഏറെ ദോഷം ചെയ്യുന്നത് യു.ഡി.എഫിനും രമേശ് ചെന്നിത്തലയ്ക്കുമാണ്. വരുന്ന ലോക്സഭാ തെരഞ്ഞെടുപ്പില് യു.ഡി.എഫ് തകര്ന്നടിയുമെന്ന് വെള്ളാപ്പള്ളി പറഞ്ഞത് ചെന്നിത്തലയ്ക്ക് വലിയ ക്ഷീണമാണ്. എന്.എസ്.എസിനെ മാത്രം ആശ്രയിച്ച്, അവര്ക്ക് വേണ്ട കാര്യങ്ങള് ചെയ്യുന്ന ആളായി പ്രതിപക്ഷനേതാവ് മാറിയെന്ന് വെള്ളാപ്പള്ളിയും സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണും ആരോപിച്ചിരുന്നു. അതേസമയം ഉമ്മന്ചാണ്ടിയെ വിമര്ശിക്കാനോ, അദ്ദേഹം വെള്ളാപ്പള്ളിക്കെതിരെ എന്തെങ്കിലും പറയാനോ തയ്യാറായിട്ടില്ല എന്നത് ശ്രദ്ധേയമാണ്. ഐ ഗ്രൂപ്പിന് വെള്ളാപ്പള്ളിയുടെ നിലപാടിനോട് പൊതുവേ സ്വീകാര്യതയാണെന്നാണ് അറിയുന്നത്.
https://www.facebook.com/Malayalivartha
