കള്ളവോട്ട് വിവാദം കനക്കുകയാണ്. കാസര്‍കോട് മണ്ഡലത്തില്‍ കള്ളവോട്ട് നടന്നെന്ന ആരോപണവുമായി കോണ്‍ഗ്രസും ആരോപണം പച്ചക്കള്ളമാണെന്ന പ്രതികരണവുമായി സിപി.എമ്മും രംഗത്തെതിയതോടെയാണ് സംഭവത്തില്‍ വിവാദം കൊഴുക്കുന്നത്. ഓപ്പണ്‍ വോട്ടുകളെയാണ് കള്ളവോട്ടായി ചിത്രീകരിക്കുന്നത് എന്നായിരുന്നു സി.പി.എമ്മിന്റെ വിശദീകരണം. സംഭവത്തില്‍ ജില്ലാകളക്ടര്‍മാരോട് മുഖ്യതിരഞ്ഞെടുപ്പ് ഓഫീസര്‍ ടിക്കാറാം മീണ റിപ്പോര്‍ട്ടും തേടിയിരുന്നു.

ഇതിനിടെ കള്ളവോട്ട് ആറോപണത്തില്‍ സി.പി.എമ്മിനെ പരിഹസിച്ച് രംഗത്തെത്തിയിരിക്കുകയാണ് കോണ്‍ഗ്രസ് നേതാവ് പി.സി.വിഷ്ണുനാഥ്. സി.പി.എം ആചാരങ്ങള്‍ക്ക് എതിരല്ലെന്ന് തെളിഞ്ഞെന്ന് വിഷ്ണുനാഥ് ഫേസ്ബുക്കില്‍ കുറിച്ചു. എല്ലാതിരഞ്ഞെടുപ്പിലും മുടങ്ങാതെ നടത്തുന്ന ആചാരം സി.പി.എം ഇത്തവണയും ആവര്‍ത്തിച്ചെന്ന് വിഷ്ണുനാഥ് പറയുന്നു. ഫാസിസത്തെയും സാമ്രാജ്യത്വത്തെയും പരാജയപ്പെടുത്താന്‍ കള്ളവോട്ടും ആയുധമാക്കാം എന്ന് പറയാം' എന്നും അദ്ദേഹം പരിഹസിച്ചു.

വിഷ്ണുനാഥിന്റെ ഫേസ്ബുക്ക് പോസ്റ്റ്

സി.പി.എം ആചാരങ്ങള്‍ക്ക് എതിരാണ് എന്ന് ആരാണ് പറഞ്ഞത്; എല്ലാ തിരഞ്ഞെടുപ്പിലും മുടങ്ങാതെ നടത്തുന്ന ആചാരം ഇത്തവണയും ആവര്‍ത്തിച്ചു; മരിച്ചവര്‍ തിരിച്ചു വരുന്ന ദിവസം ! പക്ഷെ ഇത്തവണ സാമ്രാജ്യത്വ ഉപകരണമായ ഇഇഠഢ ദൃശ്യങ്ങള്‍ പുറത്തുവിട്ടു. ഇനി സാംസ്‌കാരിക നായകന്മാര്‍ക്ക് പുറത്തുവരാം, ഫാസിസത്തെയും സാമ്രാജ്യത്വത്തെയും പരാജയപ്പെടുത്താന്‍ കള്ളവോട്ടും ആയുധമാക്കാം എന്ന് പറയാം . 'കള്ളവോട്ടും കലയും' എന്ന വിഷയത്തില്‍ ദേശിയ, സംസ്ഥാന അവാര്‍ഡ് നേടിയ ചലച്ചിത്ര സംവിധായകരുടെയും, നടീനടന്മാരുടെയും നേതൃത്വത്തില്‍ സെമിനാര്‍, 25 വര്‍ഷം തുടര്‍ച്ചയായി കള്ളവോട്ടു ചെയ്തവരെ ആദരിക്കല്‍,കള്ളവോട്ടും മൗലികതയും എന്ന മോഷ്ടിക്കാത്ത കവിതയുടെ പ്രകാശനം.വേഗമാകട്ടെ സാംസകാരിക കേരളം കാത്തിരിക്കുന്നു.