ആ​ല​പ്പു​ഴ പ​ട്ട​ണ​ക്കാ​ട് പ​തി​ന​ഞ്ച് മാ​സം പ്രാ​യ​മു​ള്ള പെ​ണ്‍​കു​ഞ്ഞി​ന്‍റെ മ​ര​ണം കൊ​ല​പാ​ത​ക​മെ​ന്ന് സ്ഥി​രീ​ക​രി​ച്ച് പോ​ലീ​സ്. കുഞ്ഞിനെ കൊലപ്പെടുത്തിയത് സ്വന്തം അമ്മ തന്നെയെന്നാണ് പ്രാഥമിക വിവരം. കു​ഞ്ഞ് മ​രി​ച്ച​ത് ശ്വാ​സം കി​ട്ടാ​തെ​യെ​ന്ന പോ​സ്റ്റ്മോ​ർ​ട്ടം റി​പ്പോ​ർ​ട്ടി​നെ കേ​ന്ദ്രീ​ക​രി​ച്ച് കു​ട്ടി​യു​ടെ മാ​താ​പി​താ​ക്ക​ളെ​യും ബന്ധുക്ക​ളെ​യും പോ​ലീ​സ് ചോ​ദ്യം ചെ​യ്തി​രു​ന്നു. ഇ​തി​ൽ നി​ന്നാ​ണ് അമ്മ തന്നെ കുഞ്ഞിനെ ശ്വാസം മുട്ടിച്ചു കൊലപ്പെടുത്തിയതെന്ന് സ്ഥി​രീ​ക​രി​ച്ച​ത്.

കുട്ടിയുടെ അമ്മയാണ് ശ്വാസം മുട്ടിച്ച് കൊലപ്പെടുത്തിയതെന്നും അമ്മ കുറ്റസമ്മതം നടത്തിയതായും ചേർത്തല എഎസ്പി ആർ വിശ്വനാഥ് വ്യക്തമാക്കി. കുട്ടിയുടെ അമ്മയുടെ അറസ്റ്റ് ഇന്ന് രേഖപ്പെടുത്തും. ഇന്ന് ഉച്ച മുതൽ നടത്തിയ ചോദ്യം ചെയ്യലിലായിരുന്നു അമ്മ കുറ്റം സമ്മതം നടത്തിയത്.

അതേസമയം അ​മ്മ കു​ഞ്ഞി​നെ എ​ന്നും ഉ​പ​ദ്രി​വി​ക്കാ​റു​ണ്ടാ​യി​രു​ന്നു​വെ​ന്നും സം​ഭ​വ ദി​വ​സം കു​ടും​ബ വ​ഴക്ക് ഉ​ണ്ടാ​യെ​ന്നും മു​ത്ത​ശ്ശി മൊ​ഴി ന​ൽ​കിയിരുന്നു. കു​ഞ്ഞി​നെ ഉ​പ​ദ്ര​വി​ച്ച​തി​ന് അ​മ്മ​യ്ക്കെ​തി​രെ മു​ത്ത​ശ്ശി നേ​ര​ത്തെ പോ​ലീ​സി​ൽ പ​രാ​തി ന​ൽ​കി​യി​രു​ന്നു. കുട്ടിയുടെ അച്ഛനും ക്രിമിനൽ പശ്ചാത്തലമുണ്ടെന്ന് പൊലീസ് പറയുന്നു. നാല് മാസം മുമ്പ് അമ്മായിയമ്മയെ അടിച്ച കേസിലെ പ്രതിയാണ് കുഞ്ഞിന്‍റെ അച്ഛന്‍.

ക​ഴി​ഞ്ഞ ദി​വ​സം, പു​തി​യ​കാ​വ് കൊ​ല്ലം​വ​ള്ളി കോ​ള​നി​യി​ലാ​ണ് കു​ട്ടി​യെ വീ​ട്ടി​ലെ ക​ട്ടി​ലി​ല്‍ മ​രി​ച്ച നി​ല​യി​ല്‍ ക​ണ്ടെ​ത്തി​യ​ത്. അ​മ്മ​യു​ടെ നി​ല​വി​ളി കേ​ട്ട് ഓ​ടി​യെ​ത്തി​യ നാ​ട്ടു​കാ​രും ബ​ന്ധു​ക്ക​ളും ചേ​ര്‍​ന്നാ​ണ് കു​ട്ടി​യെ ആ​ശു​പ​ത്രി​യി​ലെ​ത്തി​ച്ച​ത്.

പ​ട്ട​ണ​ക്കാ​ട് ഗ്രാ​മ​പ​ഞ്ചാ​യ​ത്ത് എ​ട്ടാം വാ​ര്‍ഡ് കൊ​ല്ലം​വെ​ളി കോ​ള​നി​യി​ല്‍ ഷാ​രോ​ണി​ന്‍റെയും ആ​തി​ര​യു​ടെ​യും മ​ക​ളായ ആ​ദി​ഷ​യയെയാ​ണ് ഇന്നലെ ദു​രൂ​ഹ ​സാ​ഹ​ച​ര്യ​ത്തി​ല്‍ മരിച്ച നിലയിൽ കണ്ടെത്തിയത്. ബ​ന്ധു​ക്ക​ളും പ്ര​ദേ​ശ​വാ​സി​ക​ളും ചേ​ര്‍ന്നാ​ണ് കു​ട്ടി​യെ ചേ​ർ​ത്ത​ല താ​ലൂ​ക്ക് ആ​ശു​പ​ത്രി​യി​ല്‍ എ​ത്തി​ച്ച​ത്. എന്നാൽ ആ​ശു​പ​ത്രി​യി​ലെ​ത്തു​മ്പോ​ഴേയ്ക്കും കു​ട്ടി മ​രി​ച്ചി​രു​ന്നു. വീ​ട്ടി​ലെ കി​ട​പ്പു​മു​റി​യി​ല്‍ ഉ​റ​ങ്ങി​ക്കി​ട​ക്കു​ക​യാ​യി​രു​ന്ന കു​ട്ടി​യെ ച​ല​ന​മി​ല്ലാ​ത്ത സാ​ഹ​ച​ര്യ​ത്തി​ല്‍ ക​ണ്ടെ​ത്തി​യെ​ന്നാ​ണ് ആ​ശു​പ​ത്രി​യി​ല്‍ അ​റി​യി​ച്ച​ത്. ഉ​ച്ച​വ​രെ കു​ട്ടി ഓ​ടി​ക്ക​ളി​ച്ചു ന​ട​ന്നി​രു​ന്ന​താ​യി പ​റ​യു​ന്നു​ണ്ട്.