ഈസ്റ്റര് ദിനത്തില് ശ്രീലങ്കയില് പള്ളികളിലടക്കം നടന്ന സ്ഫോടന പരമ്പരകളില് മലയാളികള്ക്ക് നേരിട്ട് ബന്ധമില്ലെന്ന് ദേശീയ അന്വേഷണ ഏജന്സി
ഈസ്റ്റര് ദിനത്തില് ശ്രീലങ്കയില് പള്ളികളിലടക്കം നടന്ന സ്ഫോടന പരമ്പരകളില് മലയാളികള്ക്ക് നേരിട്ട് ബന്ധമില്ലെന്ന് ദേശീയ അന്വേഷണ ഏജന്സി. അതേസമയം സ്ഫോടനം ആസൂത്രണം ചെയ്ത നാഷണല് തൗഹീദ് ജമാ അത്ത് നേതാവ് സഹ്രാന് ഹാഷിമിന് കേരളവുമായുള്ള ബന്ധത്തെക്കുറിച്ച് അന്വേഷണം തുടരുകയാണ്. സംസ്ഥാനത്തിന്റെ പല ഭാഗത്തും നിന്നും കസ്റ്റഡിയിലെടുത്ത മലയാളികള്ക്ക് ശ്രീലങ്കയിലെ സ്ഫോടനവുമായി ബന്ധമുണ്ടോ എന്നാണ് അന്വേഷിക്കുന്നത്. ഉത്തരകേരളത്തില് നിന്ന് കസ്റ്റഡിയിലെടുത്തവര് തീവ്ര വര്ഗീയത പ്രചരിപ്പിച്ചതായി കണ്ടെത്തി. സഹ്രാന് ഹാഷിമിന്റെ പ്രസംഗങ്ങളും ആശയങ്ങളും കസ്റ്റഡിയിലെടുത്തവര് പ്രചരിപ്പിച്ചെന്ന് എന്ഐഎ മാധ്യമപ്രവര്ത്തകരോട് പ്രതികരിച്ചു.
മലപ്പുറം വണ്ടൂരില് ഐ.എസ് അനുഭാവികളുടെ യോഗം ചേര്ന്നെന്ന വിവരത്തെ തുടര്ന്ന് അറസ്റ്റിലായ കോഴിക്കോട് സ്വദേശി ഷൈബുവിനെ ചോദ്യം ചെയ്തപ്പോഴാണ് കാസര്കോട്ടെ റിക്രൂട്ട്മെന്റ് സംബന്ധിച്ച നിര്ണായ വിവരങ്ങള് കിട്ടിയത്. കസ്റ്റഡിയിലുള്ള പാലക്കാട് സ്വദേശി തൗഹീദ് ജമാ അത്തിന്റെ തമിഴ്നാട് ഘടകവുമായി ബന്ധമുണ്ടെന്ന് എന്ഐഎ സ്ഥിരീകരിച്ചു. തുടര്ന്ന് കേസെടുത്ത് അന്വേഷിക്കുമെന്ന് എന്ഐഎ അറിയിച്ചു. കേരളത്തില് നിന്നുള്ളവരെ സിറിയയിലേക്ക് കടത്തിയതില് കസ്റ്റഡിയിലുള്ളവര്ക്ക് പങ്കുണ്ടോ എന്ന് അന്വേഷിക്കുന്നുണ്ട്. ശ്രീലങ്കയില് സ്ഫോടനം ആസൂത്രണം ചെയ്ത സഹ്രാന് ഹാഷിം മലപ്പുറത്ത് എത്തിയിരുന്നെന്ന് പ്രചരണം ഉണ്ടായിരുന്നെങ്കിലും അത് സംബന്ധിച്ച് തെളിവുകളൊന്നും ലഭിച്ചിട്ടില്ല. പക്ഷെ, അതേക്കുറിച്ച് എന്.ഐ.എ അന്വേഷിക്കുന്നുണ്ട്.
ഷൈബുവിനെ ചോദ്യം ചെയ്തപ്പോള് കിട്ടിയ വിവരത്തിന്റെ അടിസ്ഥാനത്തില് കാസര്കോട് സ്വദേശികളായ അബൂബക്കര് സിദ്ധിഖ്, അഹമ്മദ് അറാഫത്ത് എന്നിവരോട് ഹാജരാകാന് ആവശ്യപ്പെട്ട് എന്.ഐ.എ നോട്ടീസ് നല്കി. കൊച്ചിയിലെ ഓഫീസില് ഇവര് ഹാജരാകണം. വീടുകളില് നടത്തിയപരിശോധനയില് മൊബൈല് ഫോണുകളും സിംകാര്ഡുകള്, മെമ്മറി കാര്ഡുകള്, പെമ്#ഡ്രൈവറുകള്, ഡയറി കുറുപ്പുകള് എന്നിവ കണ്ടെത്തിയിരുന്നു. ഈ ഡിജിറ്റല് തെളിവുകള് ഫോറന്സിക് പരിശോധനയ്ക്ക് അയയ്ക്കുമെന്ന് എന്.ഐ.എ അറിയിച്ചു. കൊളംബോയില് ചാവേറായ സഹ്രാന് ഹാഷിമിന്റെ പ്രസംഗങ്ങള് സാമൂഹ്യ മാധ്യമങ്ങളിലൂടെ കേരളത്തിലും വ്യാപകമായി പ്രചരിച്ചിരുന്നതായി കണ്ടെത്തിയിട്ടുണ്ട്. അതിന്റെ അടിസ്ഥാനത്തിലാണ് എന്ഐഎ അന്വേഷണം.
കേരളത്തിലും തമിഴ്നാട്ടിലും തൗഹീത് ജമാഅതിന് വേരുകളുണ്ടെന്ന് വിവരം ലഭിച്ചിട്ടുണ്ട്. തുടര്ന്നാണ്് എന്ഐഎ പരിശോധന തുടങ്ങിയത്. ശ്രീലങ്കയിലെ ചാവേറുകള് കേരളത്തിലും തമിഴ്!നാട്ടിലുമെത്തിയതായി സംശയമുണ്ട്. ഇതാണ് കേരളത്തിലും തമിഴ്!നാട്ടിലും തെരച്ചില് ശക്തമാക്കാന് എന്.ഐ.എയെ പ്രേരിപ്പിച്ചത്. ശ്രീലങ്കയില് സ്ഫോടനം ആസൂത്രണം ചെയ്തവരുടെ പ്രസംഗങ്ങളും മറ്റ് വീഡിയോകളും സോഷ്യല്മീഡിയയിലൂടെ വ്യാപകമായി പ്രചരിപ്പിച്ചിരുന്നതായി കണ്ടെത്തിയിട്ടുണ്ട്. ഇന്ത്യയിലെ ഐ.എസ് റിക്രൂട്ട്മെന്റ് ഹബ്ബാണ് കേരളത്തിലെ കാസര്കോട് എന്നും പടന്നയിലാണ് ഇതിന്റെ കേന്ദ്രമെന്നും ദ ഗാര്ഡിയന് പത്രം 2017ല് റിപ്പോര്ട്ട് ചെയ്തിരുന്നു.
https://www.facebook.com/Malayalivartha
