വിവാദങ്ങളില് കഴമ്പില്ല... കെ.എസ്.ഇ.ബി 131 കോടി രൂപ ദുരിതാശ്വാസ നിധിയിലേക്ക് കൈമാറി
സാലറി ചലഞ്ച് തുക പ്രളയദുരിതാശ്വാസ നിധിയിലേക്ക് നല്കാന് വൈകിയെന്ന വിവാദങ്ങളില് കഴമ്പില്ലെന്ന് വൈദ്യുതി മന്ത്രി എം.എം മണി. 131 കോടി ദുരിതാശ്വാസ നിധിയലേക്ക് കൈമാറി. നേരത്തെ 50 കോടി കൊടുത്തിരുന്നു. ആകെ 181 കോടി രൂപ കൊടുത്തു. പത്ത് മാസത്തേക്കാണ് സാലറി ചലഞ്ച്. അത് പത്ത് മാസത്തിന് ശേഷമേ കിട്ടുകയുള്ളു. കിട്ടിയത് ഓരോ മാസത്തേതും അപ്പപ്പോള് കൊടുത്തില്ല എന്നത് ശരിയാണ്.
അങ്ങനെ ആരും കൊടുക്കാറില്ലെന്നും മന്ത്രി വ്യക്തമാക്കി. തങ്ങള്ക്ക് ഈ പണം കൊണ്ട് അരി വാങ്ങേണ്ടതില്ലെന്നും മന്ത്രി പറഞ്ഞു. ജീവനക്കാരുടെ ശമ്പളത്തുക മുഖ്യമന്ത്രിക്ക് കൈമാറിയ ശേഷം സംസാരിക്കുകയായിരുന്നു മന്ത്രി. മന്ത്രി എം.എം മണിയും കെ.എസ്.ഇ.ബി ചെയര്മാന് എന്.എസ് പിള്ളയും എത്തിയാണ് ദുരിതാശ്വാസ നിധിയിലേക്കുള്ള പണം കൈമാറിയത്. 2018 ഒക്ടോബര് മുതല് ഈ ജൂലൈ വരെയുള്ള പത്ത് മാസക്കാലത്ത് പിരിച്ച തുകയാണ് കൈമാറിയത്. ഇത് സര്ക്കാരിന് കൈമാറാത്തത് നേരത്തെ വിവാദമായിരുന്നു.
https://www.facebook.com/Malayalivartha