കനത്ത മഴയെ തുടര്ന്ന് വിവിധ ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി.... എം.ജി, കണ്ണൂര് സര്വകലാശാലകള് ഇന്ന് നടത്താനിരുന്ന പരീക്ഷകള് മാറ്റി, ഏഴ് ജില്ലകളില് യെല്ലോ അലര്ട്ടും അഞ്ച് ജില്ലകളില് ഓറഞ്ച് അലര്ട്ടും പ്രഖ്യാപിച്ചു
ശക്തമായ മഴയെ തുടര്ന്ന് സംസ്ഥാനത്ത് വിവിധയിടങ്ങളില് വെള്ളിയാഴ്ച വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. കണ്ണൂര്, കാസര്കോട് ജില്ലകളിലെ പ്രഫഷണല് കോളജുകള് ഉള്പ്പടെയുള്ള വിദ്യാഭ്യാസ സ്ഥാപനങ്ങള്ക്ക് കലക്ടര്മാര് വെള്ളിയാഴ്ച അവധി പ്രഖ്യാപിച്ചിട്ടുണ്ട്. മലപ്പുറം, തൃശൂര്, എറണാകുളം ജില്ലകളില് വിവിധ താലൂക്കുകള്ക്ക് അവധി പ്രഖ്യാപിച്ചിട്ടുണ്ട്.
മലപ്പുറം ജില്ലയില് തീരദേശ താലൂക്കുകളായ പൊന്നാനി, തിരൂര്, തിരൂരങ്ങാടി എന്നിവിടങ്ങളില് പ്രഫഷണല് കോളജ്, അംഗന്വാടികള്, മദ്രസകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും വെള്ളിയാഴ്ച അവധി പ്രഖ്യാപിച്ചു. മുന്കൂട്ടി നിശ്ചയിച്ച പരീക്ഷകള്ക്ക് അവധി ബാധകമല്ല. തൃശൂര് ജില്ലയില് തീരദേശ താലൂക്കുകളായ ചാവക്കാട്, കൊടുങ്ങല്ലൂര് എന്നിവിടങ്ങളില് പ്രഫഷണല് കോളജുകള് ഉള്പ്പടെയുള്ള വിദ്യാഭ്യാസ സ്ഥാപനങ്ങള്ക്ക് വെള്ളിയാഴ്ച അവധിയാണ്. എറണാകുളം ജില്ലയില് കൊച്ചി, കണയന്നൂര് താലൂക്കുകളിലും വെള്ളിയാഴ്ച അവധി പ്രഖ്യാപിച്ചു. എം.ജി, കണ്ണൂര് സര്വകലാശാലകള് വെള്ളിയാഴ്ച നടത്താനിരുന്ന പരീക്ഷകള് മാറ്റി. മഴയെ തുടര്ന്ന് ഏഴ് ജില്ലകളില് യെല്ലോ അലര്ട്ടും അഞ്ച് ജില്ലകളില് ഓറഞ്ച് അലര്ട്ടും പ്രഖ്യാപിച്ചിട്ടുണ്ട്.
"
https://www.facebook.com/Malayalivartha
