മലയാളികൾക്ക് നിരാശ; ഇപ്രാവശ്യവും സഞ്ജുവില്ല ; വെസ്റ്റ് ഇന്ഡീസിനെതിരായ ടി20, ഏകദിന പരമ്പരക്കുള്ള ഇന്ത്യന് ടീമിനെ പ്രഖ്യാപിച്ചു
വെസ്റ്റ് ഇന്ഡീസിനെതിരായ ടി20, ഏകദിന പരമ്പരക്കുള്ള ഇന്ത്യന് ടീമിനെ പ്രഖ്യാപിച്ചപ്പോൾ മലയാളികൾക്ക് വീണ്ടും നിരാശ. ഇത്തവണയും സഞ്ജുവിന് ഇടമില്ല. വെസ്റ്റ് ഇന്ഡീസിനെതിരായ ടി20, ഏകദിന പരമ്പരകള്ക്കുള്ള ഇന്ത്യന് ടീമിനെ ഇന്നലെ പ്രഖ്യാപിക്കുകയായിരുന്നു. മുഹമ്മദ് ഷമിയും ഭുവനേശ്വര് കുമാറും രവീന്ദ്ര ജഡേജയും ഏകദിന, ടി20 ടീമുകളില് ഉണ്ട്. മോശം ഫോമിലുള്ള ശിഖര് ധവാന് ഇരു ടീമിലും സ്ഥാനം നിലനിര്ത്തുകയുണ്ടായി. ബംഗ്ലാദേശിനെതിരായ ടി20 പരമ്പരക്കുള്ള ടീമിലുണ്ടായിരുന്ന സഞ്ജു സാംസണെ ടീമില് നിന്ന് പുറത്താക്കി.
ബംഗ്ലാദേശിനെതിരായ പരമ്പരയില് ഒരു മത്സരത്തില് പോലും സഞ്ജുവിന് പ്ലേയിംഗ് ഇലവനില് അവസരം കൊടുത്തിരുന്നില്ല. വലിയ പ്രകടനങ്ങളൊന്നും പുറത്തെടുത്തില്ലെങ്കിലും ശിഖര് ധവാനും ഋഷഭ് പന്തും കെ.എല്.രാഹുലും ടീമിലുണ്ട്. ബംഗ്ലാദേശിനെതിരെ പ്ലേയിംഗ് ഇലവനില് അവസരം ലഭിച്ച ശിവം ദുബെ ടീമില് സ്ഥാനം നിലനിര്ത്തിയപ്പോള് ഖലീല് അഹമ്മദും ക്രുനാല് പാണ്ഡ്യയും ടീമില് നിന്ന് പുറത്തായി. കേദാര് ജാദവ് ഏകദിന ടീമില് തിരിച്ചെത്തി.
https://www.facebook.com/Malayalivartha
