ഫ്ളാറ്റ് ഉടമകളുടെ പുനഃപരിശോധന ഹര്ജി തുറന്ന കോടതിയില് കേള്ക്കാമെന്ന് കോടതി... ഉടമകള്ക്ക് നഷ്ട പരിഹാരം നല്കാന് കൂടുതല് സമയം വേണമെങ്കില് സംസ്ഥാന സര്ക്കാരിന് കെ. ബാലകൃഷ്ണന് നായര് സമിതിയെ സമീപിക്കാമെന്നും സുപ്രീം കോടതി
മരട് ഫ്ളാറ്റ് ഉടമകള്ക്ക് നഷ്ട പരിഹാരം നല്കാന് കൂടുതല് സമയം വേണമെങ്കില് സംസ്ഥാന സര്ക്കാരിന് കെ. ബാലകൃഷ്ണന് നായര് സമിതിയെ സമീപിക്കാം എന്ന് സുപ്രീം കോടതി വ്യക്തമാക്കി. ഫ്ളാറ്റ് ഉടമകളുടെ പുനഃപരിശോധന ഹര്ജി തുറന്ന കോടതിയില് കേള്ക്കാം എന്ന് കോടതി വാക്കാല് ഉറപ്പ് നല്കി. ചീഫ് സെക്രട്ടറി ടോം ജോസിന് എതിരെ മേജര് രവി നല്കിയ കോടതി അലക്ഷ്യ ഹര്ജി പിന്നീട് പരിഗണിക്കാന് ആയി മാറ്റി. മരടിലെ ഫ്ളാറ്റുകള് പൊളിക്കണം എന്ന ഉത്തരവ് നടപ്പിലാക്കിയതിന്റെ പുരോഗതി വ്യക്തമാക്കി സംസ്ഥാന സര്ക്കാര് സുപ്രീം കോടതിയില് റിപ്പോര്ട്ട് നല്കി.
ജനുവരി 11 ാം തീയതി ഹോളി ഫെയ്ത്ത്, ആല്ഫാ സറീന് ഫ്ളാറ്റുകള് സ്ഫോടനത്തിലൂടെ പൊളിക്കും എന്ന് റിപ്പോര്ട്ടില് വ്യക്തമാക്കിയിട്ടുണ്ട്. 12 ആം തീയതി ആണ് ഗോള്ഡന് കായലോരവും, ജെയിന് കോറലും പൊളിക്കുന്നത്. ഇതിനോടകം ഫ്ളാറ്റ് ഉടമകള്ക്ക് നഷ്ടപരിഹാരം ആയി 27 കോടി 99 ലക്ഷം നല്കിയിട്ടുണ്ട് എന്ന് സര്ക്കാര് കോടതിയെ അറിയിച്ചു. ബാക്കി തുക കൈമാറാന് സാവകാശം വേണം എന്ന് ആവശ്യപ്പെട്ടു. ഈ ആവശ്യം കെ ബാലകൃഷ്ണന് നായര് സമിതിക്ക് മുമ്പാകെ ഉന്നയിക്കാന് കോടതി സര്ക്കാരിന് അനുമതി നല്കി. നഷ്ടപരിഹാര തുക നല്കാന് വസ്തുക്കള് വില്ക്കണം എങ്കില് അനുമതിക്കായി സമിതിയെ സമീപിക്കാന് കെട്ടിട നിര്മാതാക്കള്ക്കും കോടതി അനുമതി നല്കി.
ഇതിനിടെ തങ്ങളുടെ പുനഃ പരിശോധന ഹര്ജി തുറന്ന കോടതിയില് വാദം കേള്ക്കണം എന്ന ഫ്ളാറ്റ് ഉടമകളുടെ ആവശ്യം ജസ്റ്റിസ് അരുണ് മിശ്ര വാക്കാല് അംഗീകരിച്ചു. എന്നാല് ഉത്തരവില് അത് രേഖപ്പെടുത്തിയിട്ടില്ല. ചീഫ് സെക്രട്ടറി ടോം ജോസിന് എതിരെ മേജര് രവി ഫയല് ചെയ്ത കോടതി അലക്ഷ്യ ഹര്ജി പിന്നീട് പരിഗണിക്കാം എന്ന് കോടതി വ്യക്തമാക്കി. കേരളത്തില് തീരദേശ നിയമങ്ങള് ലംഘിച്ച് പണിത കെട്ടിടങ്ങളുടെ പട്ടിക ചീഫ് സെക്രട്ടറി കോടതിക്ക് കൈമാറിയില്ല എന്ന് ആരോപിച്ചാണ് കോടതി അലക്ഷ്യ ഹര്ജി.
https://www.facebook.com/Malayalivartha
