സുല്‍ത്താന്‍ ബത്തേരിയിലെ സര്‍വജന സ്‌കൂളില്‍ വച്ച് പാമ്പുകടിയേറ്റ് അഞ്ചാം ക്ലാസ് വിദ്യാര്‍ഥി ഷെഹ്‌ല ഷെറിന്‍ മരിച്ച സംഭവത്തില്‍ കര്‍ശന നടപടിയാവശ്യപ്പെട്ട് എസ്.എഫ്.ഐ പ്രവര്‍ത്തകര്‍ നടത്തിയ കലക്ടറേറ്റ് മാര്‍ച്ചില്‍ സംഘര്‍ഷം. 
പൊലീസ് വലയം ഭേദിക്കാന്‍ ശ്രമിച്ച് പ്രവര്‍ത്തകര്‍ കലക്‌റേറ്റിനുള്ളിലേക്ക് ഇരച്ചുകയറി. എസ്.എഫ്.ഐയും ഡി.വൈ.എഫ്.ഐയും കലക്ടറേറ്റ് ഉപരോധിക്കുകയാണ്.പെണ്‍കുട്ടികള്‍ അടക്കമുള്ള പ്രതിഷേധക്കാര്‍ രണ്ടാം ഗേറ്റിന് സമീപത്തെ മതില്‍ വഴി ഓഫീസിനകത്തേക്ക് ഇരച്ചുകയറുകയായിരുന്നു. തുടര്‍ന്ന് വിവിധ ഓഫീസുകളുടെ പ്രവര്‍ത്തനം തടസപ്പെട്ടു. സ്‌കൂള്‍ വിദ്യാര്‍ഥികള്‍ ഉള്‍പ്പെടെയുള്ള പ്രതിഷേധക്കാരാണ് കലക്ടറേറ്റിലേക്ക് മാര്‍ച്ച് നടത്തിയത്.