വ്യവസായം, ടൂറിസം, വിദ്യാഭ്യാസം, ഫിഷറീസ് മേഖലകളിലെ സാമ്പത്തിക-സാങ്കേതിക-വിജ്ഞാന സഹകരണം ലക്ഷ്യമാക്കി മുഖ്യമന്ത്രി പിണറായി വിജയന്റെ നേതൃത്വത്തിലുള്ള ഉന്നതതല സംഘം ജപ്പാനും കൊറിയയും സന്ദര്ശിക്കും
വ്യവസായം, ടൂറിസം, വിദ്യാഭ്യാസം, ഫിഷറീസ് മേഖലകളിലെ സാമ്പത്തിക-സാങ്കേതിക-വിജ്ഞാന സഹകരണം ലക്ഷ്യമാക്കി മുഖ്യമന്ത്രി പിണറായി വിജയന്റെ നേതൃത്വത്തിലുള്ള ഉന്നതതല സംഘം ജപ്പാനും കൊറിയയും സന്ദര്ശിക്കും. നവംബര് 24 മുതല് 30 വരെ ജപ്പാനിലും ഡിസംബര് 1 മുതല് 4 വരെ കൊറിയയിലുമാണ് പരിപാടികള്. 23ന് ശനിയാഴ്ച മുഖ്യമന്ത്രി ജപ്പാനിലേക്ക് യാത്രതിരിക്കും. വ്യവസായ മന്ത്രി ഇ പി ജയരാജന്, ഗതാഗതമന്ത്രി എ കെ ശശീന്ദ്രന്, ആസൂത്രണ ബോര്ഡ് വൈസ് ചെയര്മാന് ഡോ വി കെ രാമചന്ദ്രന്, ചീഫ് സെക്രട്ടറി ടോം ജോസ് തുടങ്ങിയവര് മുഖ്യമന്ത്രിയോടൊപ്പമുണ്ടാകും.ഒസാക്കയിലും ടോക്യോയിലും നിക്ഷേപ സെമിനാറുകളില് മുഖ്യമന്ത്രി പങ്കെടുക്കും. ജപ്പാന് ഗവര്ണ്മെന്റിലെ മന്ത്രിമാരുമായും കൂടിക്കാഴ്ചകളുണ്ട്.
ഒസാക്ക സര്വകലാശാല, ഷൊനാന് ഗവേഷണ കേന്ദ്രം, സകെമിനാറ്റോ തുറമുഖം, സാനിന് മേഖലയിലെ മാലിന്യ സംസ്ക്കരണ പ്ലാന്റ് എന്നിവ മുഖ്യമന്ത്രി സന്ദര്ശിക്കും. ജപ്പാന് ഇന്റര്നാഷണല് കോര്പ്പറേഷന് ഏജന്സി (ജൈക്ക), നിസ്സാന്, തോഷിബ, ടൊയോട്ട എന്നിവയുടെ സാരഥികളുമായും ഷിമെയ്ന് ഗവര്ണറുമായും മുഖ്യമന്ത്രി ചര്ച്ച നടത്തുന്നുണ്ട്. ജപ്പാനിലെ മലയാളി സമൂഹം സംഘടിപ്പിക്കുന്ന യോഗങ്ങളിലും മുഖ്യമന്ത്രി പങ്കെടുക്കും
L
https://www.facebook.com/Malayalivartha
