ഷഹലയുടെ മരണത്തിന് പിന്നാലെ വയനാട് സർവജന സ്കൂൾ പ്രിൻസിപ്പാളിനെയും ഹെഡ്മാസ്റ്ററെയും സസ്പെൻഡ്‌ ചെയ്തു. സ്കൂൾ പി ടി എ പിരിച്ച് വിട്ടു. വിദ്യാഭ്യാസ ഡയറക്ടറാണ് ഈ നടപടികൾ സ്വീകരിച്ചത്.സംഭവത്തിൽ ആരോപണ വിധേയനായ അദ്ധ്യാപകനെ കഴിഞ്ഞ ദിവസം സസ്പെൻഡ് ചെയ്തിരുന്നു. ഈ വിഷയത്തിൽ കൂടുതൽ പേർക്കെതിരെ നടപടിയെടുത്തിട്ടുണ്ട്. അതേ സമയം പ്രതിഷേധങ്ങൾ കനക്കുകയാണ്. മറ്റു നടപടികള്‍ വകുപ്പുതല അന്വേഷണത്തിന് ശേഷം ഉണ്ടാകും.

ബത്തേരി സര്‍വജന സ്‌കൂളിലെ ക്ലാസ് മുറിയില്‍നിന്നാണ് ഷെഹ്ലയെ പാമ്പ് കടിച്ചത്. പാമ്പ് കടിച്ചുവെന്ന് പറഞ്ഞിട്ടും അവശയായിട്ടും കുട്ടിയെ ആശുപത്രിയില്‍ എത്തിക്കാന്‍ സ്‌കൂള്‍ അധികതര്‍ ശ്രമിച്ചില്ല. കുട്ടിയുടെ ഉപ്പ സ്‌കൂളിലെത്തിയാണ് കു ട്ടിയെ ആശുപത്രിയില്‍ കൊണ്ടുപോയത്. അതിനിടയിൽ കുട്ടി മരിച്ചിരുന്നു.