ബത്തേരി സർവജന സ്‌കൂൾ വിദ്യാർത്ഥിനി ഷഹ്‌ല ഷെറിൻ എന്ന കുഞ്ഞുമകൾ... അവൾ നമ്മുടെ ഓരോരുത്തരുടെയും മനസ്സിൽ ഒരു വിങ്ങലായി മാറുമ്പോൾ ...കേരളം ഒരുമിച്ച് പറയുന്ന ഒന്നുണ്ട് ..രക്ഷിക്കാമായിരുന്നാലോ ആ പാവം മോളെയെന്ന്...വേണ്ടസമയത്ത് ചികിത്സ നല്കാത്തതിനെത്തുടർന്നാണ് ഷെഹല മരണപ്പെട്ടതെന്ന് റിപ്പോർട്ടുകൾ വ്യക്തമാക്കുന്നു. ഏറ്റവും വേദനാജനകമായ സംഭവത്തിൽ സ്‌കൂൾ അധികൃതരുടെ അനാസ്ഥയ്‌ക്കെതിരെ സോഷ്യൽ മീഡിയയിൽ അടക്കം വ്യാപക പ്രതിഷേധവും ഉയരുകയാണ്. ഷെഹലയ്ക്ക് നിഷേധിക്കപ്പെട്ട നീതിയെ കുറിച്ച് ശക്തമായ ഭാഷയിൽ തനിക്കറിയാവുന്നതെല്ലാം മാധ്യമങ്ങൾക്ക് മുന്നിൽ നിന്ന് വീറോടെ വിളിച്ചു പറയുന്ന ഒരു പെൺകുട്ടിയും ശ്രദ്ധ നേടുകയാണ് ആ മിടുക്കിയുടെ പേര് നിദാ ഫാത്തിമയെന്നാണ്.

സർവജന സ്‌കൂളിലെ തന്നെ ഏഴാം ക്ലാസ് വിദ്യാർത്ഥിനിയായ നിദ ഫാത്തിമയാണ് ആ മിടുക്കി. സഹപാഠിയുടെ വിയോഗത്തിൽ കടുത്ത പ്രതിഷേധം രേഖപ്പെടുത്തതാണ് മുന്നിൽ നിന്ന നിദ പോയ മാസം ബത്തേരി – മൈസൂർ ദേശീയ പാതയിലെ യാത്രാ നിരോധനത്തിനെതിരെ നടന്ന സമരത്തിൽ പങ്കെടുത്തപ്പോഴുള്ള ചിത്രമാണ് ഇപ്പോൾ സോഷ്യൽ മീഡിയയിൽ വ്യാപകമായി പ്രചരിക്കുന്നത്. നാളെയുടെ പ്രതീക്ഷ എന്ന തലക്കെട്ടിൽ നിരവധി പേരാണ് ചിത്രം പങ്കു വയ്ക്കുന്നത്.കൈ ചുരുട്ടി മുദ്രാവാക്യം വിളിക്കുന്ന നിദയുടെ ചിത്രം ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്. മിക്കവരുടെയും കവർ‌ഫോട്ടോ ആയി നിദ ഫാത്തിമ മാറിക്കഴിഞ്ഞു എന്ന് തന്നെ പറയാം . ഷെഹലയ്ക്ക് എന്താണ് സംഭവിച്ചതെന്ന്, ഇക്കാര്യം പറഞ്ഞ് ചെന്നപ്പോൾ അധ്യാപകർ എങ്ങനെയാണ് തങ്ങളോട് പെരുമാറിയതെന്ന് വളരെ വ്യക്തമായി പൊതുസമൂഹത്തോട് അവൾ വെളിപ്പെടുത്തുന്നുണ്ട്.

നിദ ഫാത്തിമ..സത്യം തുറന്ന് പറയാൻ അവൾ കാണിച്ച ചങ്കുറ്റം അത് എവിടെയൊക്കെയോ നമ്മളിൽ പലർക്കും കൈമോശം വന്ന ആ ഉറച്ച നിലപാട് അവിടെയാണ് ഈ ഏഴാം ക്ലാസ്സുകാരി വ്യതസ്തയാവുന്നത്. സമൂഹമാധ്യമങ്ങളിൽ നിറഞ്ഞു നിൽക്കുന്ന വാനോളം ഉയർത്തിയ അവളുടെ കുഞ്ഞികൈകൾ..ഒക്ടോബർ 6 ന് പ്രമുഖ ഫോട്ടോഗ്രാഫർ ആയ ജോൺസൺ പട്ടുവയൽ പകർത്തിയ ചിത്രമാണ് . യാത്രാ നിരോധനത്തിനെതിരെ വിവിധ സ്‌കൂളിലെ കുട്ടികൾ പങ്കെടുത്ത സമരത്തിൽ വളരെ ചുറുചുറുക്കോടെ പങ്കെടുത്ത ആ മിടുക്കി മറ്റുള്ള വരിൽ നിന്നും വേറിട്ട് നിന്നതായി ഫോട്ടോഗ്രാഫർ ജോൺസനും വ്യക്തമാക്കുന്നു. നിദാ സമൂഹത്തിന് മുതൽക്കൂട്ടായി ഉറച്ച നിലപാടോടെ മിടുക്കിയായി മുന്നേറുക.