ഏറ്റുമാനൂരിനുസമീപം കെ.എസ്.ആര്‍.ടി.സി. ബസും ശബരിമല തീര്‍ത്ഥാടകരുടെ ട്രാവലറും കൂട്ടിയിടിച്ച് 12 പേര്‍ക്ക് പരിക്ക്. ഒരാളുടെ നില ഗുരുതരം. അയ്യപ്പന്‍മാര്‍ സഞ്ചരിച്ച ടെമ്പോ ട്രാവലറും കെ.എസ്.ആര്‍.ടി.സി ബസും തമ്മില്‍ കൂട്ടിയിടിച്ചാണ് അപകടമുണ്ടായത്. ഏറ്റുമാനൂരില്‍ വെള്ളിയാഴ്ച ഉച്ചകഴിഞ്ഞായിരുന്നു സംഭവം.

അപകടത്തില്‍ തകര്‍ന്ന ട്രാവലര്‍ വെട്ടിപ്പൊളിച്ചാണ് പരിക്കേറ്റവരെ പുറത്തെടുത്തത്. പരിക്കേറ്റ എല്ലാവരെയും കോട്ടയം മെഡിക്കല്‍ കോളേജില്‍ പ്രവേശിപ്പിച്ചിരിക്കുകയാണ്.