അവധി എടുത്ത് കറങ്ങേണ്ടാ.... സര്വീസില് നിന്നും വിട്ടു നില്ക്കുന്ന ജീവനക്കാര്ക്ക് ആരോഗ്യവകുപ്പിന്റെ അന്ത്യശാസനം
ആരോഗ്യവകുപ്പില് നിന്നും വിരമിക്കുകയോ രാജിവെയ്ക്കുകയോ ചെയ്യാതെ അനധികൃതമായി സര്വീസില് നിന്നും വിട്ടു നില്ക്കുന്ന ജീവനക്കാര്ക്ക് ആരോഗ്യവകുപ്പ് മന്ത്രി കെകെ ഷൈലജയുടെ അന്ത്യശാസനം. 483 ഡോക്ടര്മാരും 97 മറ്റ് ജീവനക്കാരും ഉള്പ്പെടെ 580 ജീവനക്കാരാണ് സര്വീസില് നിന്ന് വിട്ടുനില്ക്കുന്നത്. 2019 നവംബര് 30ന് മുമ്ബായി സര്വീസില് തിരികെ പ്രവേശിക്കാനാണ് അന്ത്യശാസനം നല്കിയിരിക്കുന്നത്.
ഈ മാസം 30 ന് മുമ്ബ് ഹാജരാകാത്തവര്ക്ക് ഇനി ഒരു അവസരം ഉണ്ടാകില്ലെന്ന് ആരോഗ്യവകുപ്പ് അറിയിച്ചിട്ടുണ്ട്. നല്കിയിരിക്കുന്ന സമയപരിധിക്കുള്ളില് സര്വീസില് തിരികെയെത്തിയില്ലെങ്കില് പിരിച്ചുവിടല് അടക്കമുള്ള നടപടിയിലേക്ക് ആരോഗ്യ വകുപ്പ് കടക്കുമെന്ന് മന്ത്രി കെകെ ഷൈലജ വ്യക്തമാക്കി.
അവസരം നല്കിയിട്ടും അനധികൃതമായി ജോലിക്ക് ഹാജരാകാതിരുന്ന 36 ഡോക്ടര്മാരെ മന്ത്രിയുടെ കര്ശന നിര്ദേശത്തെ തുടര്ന്ന് നേരത്തെ പുറത്താക്കിയിരുന്നു. അതിന് പിന്നാലെ ജീവനക്കാര്ക്കും സര്വീസില് പുനഃപ്രവേശിക്കാന് ഒരവസരവും നല്കിയിരുന്നു. അന്ന് ഹാജരാകാന് സാധിക്കാത്തവര്ക്കാണ് സര്വീസില് പുനഃപ്രവേശിക്കാന് അവസാന അവസരം ഇപ്പോള് നല്കിയിരിക്കുന്നത്.
https://www.facebook.com/Malayalivartha