താന് നോവലെഴുത്ത് നിര്ത്തുകയാണെന്ന് സാഹിത്യകാരന് സി രാധാകൃഷ്ണന്; ഊര്ജവും ജൈവചൈതന്യവും തന്നില് നിന്ന് ഇല്ലാതാവുന്നു;ഇനി എഴുതുക കുഞ്ഞുങ്ങൾക്കു വേണ്ടി മാത്രം
23 NOVEMBER 2019 10:06 AM IST
മലയാളി വാര്ത്ത
തീക്ഷ്ണമായ രീതിയില് തപിപ്പിക്കുന്ന ഒരു നോവല് എഴുതാനുള്ള ഊര്ജവും ജൈവചൈതന്യവും തന്നില് നിന്ന് ഇല്ലാതാവുന്നുവെന്ന് തോന്നുന്നുവെന്നും രാധാകൃഷ്ണന് കൂട്ടിച്ചേര്ത്തു. നോവല് എഴുതുന്നതില് നിന്ന് പിന്മാറിയെങ്കിലും കുട്ടികള്ക്കുള്ള കൃതികളും ചെറിയ കൃതികളും എഴുതുമെന്ന് അദ്ദേഹം വ്യക്തമാക്കി.
ഇപ്പോള് എഴുതുന്ന നോവല് ഏതാണ്ട് തീരാറാവുകയാണെന്നും അദ്ദേഹം പറഞ്ഞു. പാലക്കാട് ജില്ലാ പബ്ലിക് ലൈബ്രറി ഹാളില് വിടി വാസുദേവന്റെ 'സഹശയനം' എന്ന പുസ്തകം പ്രൊഫ. പിഎ വാസുദേവന് നല്കി പ്രകാശനം ചെയ്യുകയായിരുന്നു അദ്ദേഹം. ചടങ്ങില് ഡോ. പി മുരളി അധ്യക്ഷനായി.
സാഹിത്യകാരൻ, പത്രപ്രവർത്തകൻ, ശാസ്ത്ര ലേഖകൻ, സിനിമാ സംവിധായകൻ, തിരക്കഥാകൃത്ത് എന്നിങ്ങനെ പല തിളങ്ങിയ സി.രാധാകൃഷ്ണൻ 1939 ഫെബ്രുവരി 15ന് മലപ്പുറം ജില്ലയിലെ ചമ്രവട്ടത്താണു ജനിച്ചത്.
തീക്കടല് കടഞ്ഞ് തിരുമധുരം, ഉള്ളില് ഉള്ളത്, ഇനിയൊരു നിറകണ്ചിരി, മുന്പേ പറക്കുന്ന പക്ഷികള്, കരള് പിളരും കാലം, എല്ലാം മായ്ക്കുന്ന കടല്, ഇവിടെ എല്ലാവര്ക്കും സുഖം തന്നെ, സ്പന്ദമാപിനികളേ നന്ദി, പുള്ളിപ്പുലികളും വെള്ളിനക്ഷത്രങ്ങളും തുടങ്ങി നാല്പതിലധികം കൃതികള്.
അടിയന്തരാവസ്ഥയുടെ നിഴലിലേക്കു നീങ്ങുന്ന ഇന്ത്യൻ സമൂഹത്തിന്റെ കഥയാണ് മുൻപേ പറക്കുന്ന പക്ഷികൾ. അടിന്തരാവസ്ഥ കവർന്നെടുത്ത വ്യക്തി സ്വാതന്ത്ര്യത്തിന് ഇരയാകേണ്ടിവന്നവരെ കരൾപിളരും കാലത്തിൽ കാണാം.
ആയുധങ്ങളുടെ ലഹരിക്ക് അടിമപ്പെട്ടുപോയവരുടെയും അവരുടെ അമ്മമാരുടെയും ഹൃദയസ്പര്ശിയായ അപൂര്വ കഥയാണ് കരൾപിളരും കാലത്തിനു പറയാനുണ്ടായിരുന്നത്.
വയലാർ അവാർഡ് നേടിയ മുൻപേ പറക്കുന്ന പക്ഷികൾക്ക് പറയാനുണ്ടായിരുന്നത് മറ്റൊന്നാണ്.സായുധ വിപ്ലവത്തെ അനുകൂലിച്ചും പ്രതികൂലിച്ചുമുള്ള ആശയ സംഘട്ടനങ്ങളെ കുറിച്ച്..ഗൗരവപൂർണമായ എഴുതിത്തിലേക്ക് വായനക്കാരെ തള്ളിവിടുന്ന വായനാനുഭവം..മുൻപേ പറക്കുന്ന പക്ഷികളിലെ അജ്ഞാത കഥാപാത്രമാണ് അർജുൻ..വായനവഴികളിലെവിടെയോ മറഞ്ഞു പോകുന്ന അർജ്ജുനെ വായനക്കാർക്കു പിന്നീട് കാണാനാവുക ഇനിയൊരു നിറകൺചിരിയിലാണ്. എഴുത്തുകാരനെ തിരഞ്ഞ് കഥാപാത്രമെത്തുന്ന പോലെ. തന്നോടൊപ്പം പത്രം ഓഫിസിൽ പണിയെടുത്തിരുന്ന സഹപ്രവർത്തകൻതന്നെയാണതെന്ന് കഥാകാരൻ തിരിച്ചറിയുന്നു. അതോടൊപ്പം ദേശീയ രാജ്യാന്തര രാഷ്ട്രീയം കടന്നു പോയ ഗൂഡാലോചനകളുടെ ചുരുളും ഇതിലൂടെ അനാവരണം ചെയ്യുന്നുണ്ട്. ഇതൊക്കെ കഴിയുമ്പോൾ നമുക്കു ചിരിക്കാനേ ആകൂ. ആചിരി നിറകണ്ണുകളോടെയാവുമെന്ന്മാത്രം.
നിരവധി നോവലുകളിലൂടെ വായനക്കാരിൽ തീക്ഷ്ണാനുഭവങ്ങൾ പകർന്നു തന്ന എഴുത്തുകാരൻ ഇനി തൂലിക ചലിപ്പിക്കുന്നത് കുഞ്ഞുങ്ങൾക്കു വേണ്ടി എന്നറിയുമ്പോൾ അവിടെയും നിറകൺ ചിരിതന്നെ..അക്ഷരങ്ങളുടെ മാസ്മരിക ലോകത്തേക്കു കൊണ്ടുപോകാൻ സി രാധാകൃഷ്ണന്റെ നോവലുകൾ നമുക്ക് മുൻപിൽ ഇനി പിറക്കില്ല എന്ന നൊമ്പരത്തോടൊപ്പം കുഞ്ഞുങ്ങൾക്കു അക്ഷര ലോകത്തേക്ക് പിച്ച വെയ്ക്കാൻ ഏറ്റവും അനുയോജ്യനായ ഒരാളുടെ എഴുത്തുകളിലൂടെ അവർക്കു സാധിക്കും എന്നറിയുമ്പോൾ സി രാധാകൃഷ്ണനെ വായിച്ചവരിൽ തെളിയുന്നതും ആ നിറകൺ ചിരി തന്നെ..
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
