ഹൈറേഞ്ച് മേഖലയിലെ വിനോദ സഞ്ചാരകേന്ദ്രത്തിലെത്തി ആത്മഹത്യ ചെയ്യുമെന്നാണ് പോലീസ് ഉദ്യോഗസ്ഥന്‍ പോസ്റ്റിട്ടത്. വെള്ളിയാഴ്ച ഉച്ചയ്ക്കുശേഷമാണ് മുഖപുസ്ത്തകത്തില്‍ പോസ്റ്റിട്ടത്. കാരണം അന്വേഷിച്ചുള്ള കമന്റുകളും ആത്മഹത്യയില്‍ നിന്നും പിന്‍മാറണമെന്നുള്ള കമന്റുകളും ഇതിനു താഴെ നിറഞ്ഞു. പിണങ്ങിപ്പോയ ഭാര്യയുടെ ചിത്രത്തോടെയായിരുന്നു പോസ്റ്റ്. വിനോദസഞ്ചാര കേന്ദ്രത്തിനു ഏറ്റവും അടുത്തുള്ള പോലീസ് സ്റ്റേഷനിലെ ഉദ്യോഗസ്ഥരും ഉദ്യോഗസ്ഥന്റെ ബന്ധുക്കളും ചേര്‍ന്നു തിരച്ചില്‍ നടത്തിയെങ്കിലും പോലീസ് ഉദ്യോഗസ്ഥനെ കണ്ടെത്താനായില്ല. പിന്നീട് പോലീസ് ഉദ്യോഗസ്ഥനെ കേരള-തമിഴ് നാട് അതിര്‍ത്തി മേഖലയില്‍ നിന്നും കണ്ടെത്തി തിരികെ വീട്ടിലെത്തിച്ചത്തോടെ പ്രശ്നം പരിഹരിച്ചു.