ചരിത്ര കോണ്ഗ്രസില് പരത്വനിയമഭേദഗതിയെ കുറിച്ച് സംസാരിച്ച ഗവര്ണര് ആരിഫ് മുഹമ്മദ് ഖാന് സംസ്ഥാന സര്ക്കാരിനെയും സി.പി.എമ്മിനെയും മാത്രമല്ല കോണ്ഗ്രസിനെയും മുള്മുനയിലാക്കിയിരിക്കുകയാണ്
30 DECEMBER 2019 04:56 PM IST
മലയാളി വാര്ത്ത
പ്രതിഷധക്കാര്ക്കെതിരെ രാഷ്ട്രീയക്കാരുടെ ശൈലിയില് സംസാരിച്ച് ഗവര്ണര് ജനശ്രദ്ധ പിടിച്ചുപറ്റി. അതിന് പിന്നാലെ ബി.ജെ.പിയുടെ രാജ്യസഭാ എം.പി ചെയര്മാനായ ചാനലിന് അഭിമുഖവും നല്കി. ഇത് അസാധാരണമായ സംഭവമാണ്. സാധാരണ ഗവര്ണര്മാര് മാധ്യമങ്ങള്ക്ക് അഭിമുഖം നല്കാറില്ല. തനിക്ക് അധികാരം ഉണ്ടായിരുന്നെങ്കില് ബലംപ്രയോഗിച്ചും പൗരത്വഭേദഗതി നിയമം നടപ്പാക്കുമായിരുന്നു. അതിന് സര്ക്കാരിനെ ബലിയാടാക്കാനും മടിക്കില്ല- എന്നാണ് അദ്ദേഹം അഭിമുഖത്തില് പറയുന്നത്. വ്യക്തമായ ആസൂത്രണത്തോടെയാണ് ചരിത്ര കോണ്ഗ്രസില് ഗവര്ണര് പങ്കെടുത്തതെന്ന് അഭിമുഖത്തില് നിന്ന് മനസ്സിലാക്കാം. ഇക്കാര്യങ്ങള് മുന്കൂട്ടി മനസ്സിലാക്കുന്നതില് സി.പി.എമ്മും സര്ക്കാരും പരാജയപ്പെട്ടു എന്നാണ് രാഷ്ട്രീയ നിരീക്ഷകര് വിലയിരുത്തുന്നത്.
തുടക്കം മുതല് സര്ക്കാരിനെതിരെ പരസ്യമായി രംഗത്തെത്താതെ തന്ത്രപരമായ നിലപാടാണ് ഗവര്ണര് സ്വീകരിച്ചത്. എം.ജി സര്വ്വകലാശാല മാര്ക്ക് ദാനവിവാദം പരിശോധിച്ചാല് ഇക്കാര്യം വ്യക്തമാകും. സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന് കാര്യങ്ങള് വൈകിയാണെങ്കിലും മനസ്സിലാക്കി. അതുകൊണ്ടാണ് ഗവര്ണര് ചരിത്ര കോണ്ഗ്രസില് രാഷ്ട്രീയ പ്രസംഗമാണ് നടത്തിയതെന്ന് ആഞ്ഞടിച്ചത്. പാര്ലമെന്റ് പാസാക്കിയ നിയമം ഭരണഘടനയ്ക്ക് അനുസൃതമാണോ എന്ന് പരിശോധിക്കേണ്ടത് സുപ്രീംകോടതിയാണെന്നും ഗവര്ണര്ക്ക് അതില് യാതൊരു അധികാരവുമില്ലെന്നും കോടിയേരി ചൂണ്ടിക്കാട്ടി. അങ്ങനെ സര്ക്കാരും ഗവര്ണറുമായുള്ള പോര് സി.പി.എമ്മിലേക്കും നീണ്ടിരിക്കുകയാണ്.
അന്തരിച്ച കോണ്ഗ്രസ് നേതാവ് കെ.കരുണാകരന്റെ ചരമവാര്ഷികത്തിന് ഗവര്ണറെ ക്ഷണിച്ച ശേഷം പിന്നീട് ഒഴിവാക്കിയാണ് കോണ്ഗ്രസ് തങ്ങളുടെ അഭിപ്രായഭിന്നത പ്രകടിപ്പിച്ചത്. അതേക്കുറിച്ച് പ്രതികരിക്കാന് ഗവര്ണര് തയ്യാറായില്ല. പൗരത്വഭേദഗതി നിയമത്തെ പിന്തുണയ്ക്കുന്ന ഗവര്ണറെ ഒരു പരിപാടിയിലും പങ്കെടുപ്പിക്കരുതെന്ന് കോണ്ഗ്രസില് ആവശ്യം ഉയര്ന്നിരുന്നു. ഗവര്ണറെ ബഹിഷ്ക്കരിക്കണമെന്ന് കെ.മുരളീധരന് എം.പിയും ആഹ്വാനം ചെയ്തു. അതിന് പിന്നാലെയാണ് ചരിത്ര കോണ്ഗ്രസില് പങ്കെടുക്കാനെത്തിയ ഗവര്ണറെ യൂത്ത് കോണ്ഗ്രസും കെ.എസ്.യുവും കരിങ്കൊടി കാണിച്ചത്. അത് അസാധാരണ സംഭവമായിരുന്നു. സര്ക്കാര് തലത്തിലെ സുരക്ഷാവീഴ്ചയാണിതെന്നാണ് ഗവര്ണര് ആരോപിക്കുന്നത്. അങ്ങനെ സി.പി.എമ്മിനേയും കോണ്ഗ്രസിനേയും വെട്ടിലാക്കി ഗവര്ണര് മുന്നേറുകയാണ്... കളി എന്താകുമെന്ന് കാത്തിരുന്ന് കാണാം.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
