സംസ്ഥാന പ്രസിഡന്റായിരുന്ന ഉഴവൂര് വിജയന്റെ നിര്യാണത്തിന് ശേഷം എന്.സി.പി കേരളഘടകത്തില് തമ്മിലടി പല രൂപത്തില് രൂക്ഷമായിരിക്കുകയാണ്. ഉഴവൂര് ജീവിച്ചിരുന്നപ്പോള് പ്രശ്നങ്ങളുണ്ടായിരുന്നെങ്കിലും കാര്യങ്ങള് അദ്ദേഹം പറയുന്ന വഴിക്കേ നടക്കുമായിരുന്നുള്ളൂ...
സംസ്ഥാന പ്രസിഡന്റായിരുന്ന ഉഴവൂര് വിജയന്റെ നിര്യാണത്തിന് ശേഷം എന്.സി.പി കേരളഘടകത്തില് തമ്മിലടി പല രൂപത്തില് രൂക്ഷമായിരിക്കുകയാണ്. ഉഴവൂര് ജീവിച്ചിരുന്നപ്പോള് പ്രശ്നങ്ങളുണ്ടായിരുന്നെങ്കിലും കാര്യങ്ങള് അദ്ദേഹം പറയുന്ന വഴിക്കേ നടക്കുമായിരുന്നുള്ളൂ... അതോടെ അദ്ദേഹത്ത പലതരത്തിലുുള്ള സമ്മര്ദ്ദങ്ങള് പല നേതാക്കളും അദ്ദേഹത്തിന് മേല് ചെലുത്തിയിരുന്നു. എല്.ഡി.എഫ് സര്ക്കാര് അധികാരത്തിലേറിയപ്പോള് അന്തരിച്ച തോമസ്സ് ചാണ്ടി മന്ത്രിയാകണമെന്ന് വാശിപിടിച്ചിരുന്നു. സീനിയര് എം.എല്.എയും നേതാവുമായ എ.കെ ശശീന്ദ്രന് തന്നെ മന്ത്രിയാകുമെന്ന നിലപാടില് ഉഴവൂര് ഉറച്ചുനില്ക്കുകയും ദേശീയ അധ്യക്ഷന് ശരത്പവാര് അക്കാര്യം അംഗീകരിക്കുകയും ചെയ്തിരുന്നു. എ.കെ ശശീന്ദ്രന് ഫോണ്കെണി വിവാദത്തെ തുടര്ന്ന് രാജിവച്ച് പോവുകയും തോമസ് ചാണ്ടി മന്ത്രിയാവുകയും ചെയ്തു. റിസോര്ട്ട് വിവാദത്തില് അദ്ദേഹത്തിന് മന്ത്രിസഭയില് നിന്ന് രാജിവയ്ക്കേണ്ടിയും ശശീന്ദ്രന് വീണ്ടും മന്ത്രിയാവുകയും ചെയ്തു.
തോമസ് ചാണ്ടി സംസ്ഥാന പ്രസിഡന്റ് ആവുകയും അതിന് ശേഷം അടുത്തിടെ മരിക്കുകയും ചെയ്തു. അപ്പോഴും അടി രൂക്ഷമായി തുടരുകയാണ്. ആരാകും അധ്യക്ഷന് എന്നതാണ് പ്രധാന തര്ക്കും അതിന് ശേഷം മന്ത്രിക്കസേര, പിന്നെ കുട്ടനാട് സീറ്റ്. ഒരു പെട്ടിയോട്ടോയില് കൊള്ളാനുള്ള എം.എല്.എമാരോ, വലിയൊരു സമ്മേളനം നടത്താനുള്ള പ്രവര്ത്തകരോ ഇല്ലാത്ത എന്.സി.പി ഇങ്ങിനെ തമ്മിലടിക്കുന്നത് ഇടത് മുന്നണിയുടെ ശക്തിയിലാണെന്ന യാഥാര്ത്ഥ്യം എല്ലാവര്ക്കും അറിയാം. ഇടക്കാല പ്രസിഡന്റായിരുന്ന ടി.പി പീതാംബരന് മാസ്റ്ററും മന്ത്രി എ.കെ ശശീന്ദ്രനുമാണ് അധ്യക്ഷപദവിക്കായി ചരടുവലിക്കുന്നത്. അധ്യക്ഷനാകാന് വേണ്ടി മന്ത്രിപദം വരെ ഉപേക്ഷിക്കാന് അദ്ദേഹം തയ്യാറാണെന്ന് അറിയുന്നു.
അങ്ങനെയെങ്കില് പാലാ എം.പി മാണി സി.കാപ്പന് മന്ത്രിയാകും. കുട്ടനാട് ഉപതെരഞ്ഞെടുപ്പിന് മുമ്പ് അധ്യക്ഷനെ കണ്ടെത്തണമെന്നാണ് ദേശീയനേതൃത്വം നല്കിയിരിക്കുന്ന നിര്ദ്ദേശം. സര്ക്കാരിന്റെ കാലാവധി അവസാനിക്കാന് ഇനി ഒന്നര വര്ഷത്തോളമേ ഉള്ളൂ. അതുകൊണ്ട് ഇപ്പോള് അധ്യക്ഷനായാല് അധികാരമില്ലെങ്കിലും സജ്ജീവമായി തുടരാം. അടുത്തതവണ ഇടത് മുന്നണി അധികാരത്തിലെത്തുമെന്ന് വലിയ ഉറപ്പൊന്നുമില്ല. ദേശീയ നേതൃത്വത്തിനും അധ്യക്ഷന് ശരത് പവാറിനും പീതാംബരന് മാസ്റ്ററെ അധ്യക്ഷപദവിയിലേക്ക് കൊണ്ടുവരുന്നതിനാണ് താല്പര്യമെന്ന് അറിയുന്നു. പീതാംബരന്മാസ്റ്റര്ക്കും താല്പര്യമുള്ളതിനാല് ആകെ ചളകുളമായ അവസ്ഥയിലാണ് ഈ കുഞ്ഞുപാര്ട്ടി. സംസ്്ഥാനത്ത് നിന്നുള്ള ദേശീയ സെക്രട്ടറി കെ ജെ ജോസ്മോന്റെ നിലപാട് നിര്ണ്ണായകമാണ്.
സംസ്ഥാന ഘടകത്തില് ശശീന്ദ്രന് ശക്തമായ സ്വാധീനമുണ്ട്. അതുകൊണ്ട് അദ്ദേഹത്തെ പിണക്കിക്കൊണ്ട് മുന്നോട്ട് പോവുക അസാധ്യമാണ്. അതുകൊണ്ട് പ്രസിഡന്റിനെ തെരഞ്ഞെടുക്കുക കീറാമുട്ടിയാകും. തോമസ് ചാണ്ടി അന്തരിച്ചതിനാല് അദ്ദേഹത്തിനൊപ്പമുള്ളവര്ക്ക് ആര്ക്കെങ്കിലും കുട്ടനാട് സീറ്റ് നല്കണമെന്ന ആവശ്യവും ഉയരുന്നുണ്ട്. മന്ത്രിപദവും അധ്യക്ഷപദവിയും ഒരുമിച്ച് കൊണ്ടുപോകാന് പാര്ട്ടി ഭരണഘടന അനുവദിക്കാത്തത് കൊണ്ടാണ് എ.കെ ശശീന്ദ്രന് മന്ത്രിസ്ഥാനം മാണി സി.കാപ്പന് നല്കി ഒത്തുതീര്്പ്പിന് തയ്യാറായതെന്നും അറിയുന്നു. കുട്ടനാട് സീറ്റിന് വേണ്ടി തോമസ് ചാണ്ടിയുടെ ബന്ധുക്കളില് ചിലര് അവകാശവാദമുന്നയിച്ചതും പാര്ട്ടിയെ കുഴയ്ക്കുന്നുണ്ട്. അങ്ങനെ ആളില്ലെങ്കിലും അടിക്ക് കുറവില്ല എന്ന അവസ്ഥയിലാണ് എന്.സി.പി സംസ്ഥാന ഘടകം. എന്ത് സംഭവിക്കുമെന്ന് കാത്തിരുന്ന് കാണാം.
https://www.facebook.com/Malayalivartha
