സംസ്ഥാനത്തെ റിയല് എസ്റ്റേറ്റ് തട്ടിപ്പിന് മണിച്ചിത്രപ്പൂട്ടിട്ട് സര്ക്കാര്, റിറ ഇനി തകര്ക്കും, നിര്മാണത്തിലുള്ളതും ഉടമസ്ഥാവകാശ സര്ട്ടിഫിക്കറ്റ് ലഭിച്ചിട്ടില്ലാത്തതുമായ എല്ലാ വന്കിട കെട്ടിട/ഫ്ളാറ്റ് നിര്മാണ പദ്ധതികളും വരാന് പോകുന്ന പദ്ധതികളും ഇനി മുതല് രജിസ്റ്റര് ചെയ്തേ മതിയാവൂ
നിര്മാണത്തിലുള്ളതും ഉടമസ്ഥാവകാശ സര്ട്ടിഫിക്കറ്റ് ലഭിച്ചിട്ടില്ലാത്തതുമായ എല്ലാ വന്കിട കെട്ടിട/ഫ്ളാറ്റ് നിര്മാണ പദ്ധതികളും വരാന് പോകുന്ന പദ്ധതികളും ഇനി മുതല് രജിസ്റ്റര് ചെയ്തേ മതിയാവൂ. കേരള റിയല് എസ്റ്റേറ്റ് റെഗുലേറ്ററി അതോറിട്ടി ചൊവ്വാഴ്ച മുതല് ഔദ്യോഗികമായി പ്രവര്ത്തിച്ചു തുടങ്ങുന്നതോടെയാണിത്. ഫ്ളാറ്റുകളും വില്ലകളും സംബന്ധിച്ച് ഉപഭോക്താക്കളുടെ മാത്രമല്ല ബില്ഡര്മാരുടേയും ഡെവലപ്പര്മാരുടേയും പരാതികള് സ്വീകരിക്കാനും പരിഹരിക്കാനും റിയല് എസ്റ്റേറ്റ് റെഗുലേറ്ററി അതോറിറ്റി എന്ന റിറയ്ക്ക് അധികാരമുണ്ട്.
രജിസ്ട്രേഷന് ഇല്ലാത്ത പദ്ധതികള് ഇനി മുതല് വില്ക്കാനാവില്ല എന്നതാണ് നിയമത്തിന്റെ ഏറ്റവും വലിയ പ്രത്യേകത. നിലവിലുള്ള പദ്ധതികള്ക്ക് ചതുരശ്ര മീറ്ററിന് 25 രൂപ വെച്ചും പുതിയവക്ക് 50 രൂപ വെച്ചുമാണ് രജിസ്ട്രേഷന് ഫീസ്. കാര്യമായ നിയന്ത്രണങ്ങളൊന്നുമില്ലാതെ പ്രവര്ത്തിച്ചിരുന്ന റിയല് എസ്റ്റേറ്റ് മേഖലയെ ക്രമപ്പെടുത്താനും നിയമത്തിന്റേയും ചട്ടങ്ങളുടേയും പരിധിയില് പൂര്ണമായും കൊണ്ടുവരാനും റെറ നിലവില് വരുന്നതോടെ സാധിക്കും. ഫല്റ്റുകളുടേയും അപ്പാര്ട്ട്മെന്റുകളുടേയും ബില്റ്റ് ഏരിയ, കാര്പ്പറ്റ് ഏരിയ, പാര്ക്കിംഗ് ഇടം, ഗാരിജ് തുടങ്ങി എല്ലാ കാര്യങ്ങള്ക്കും കൃത്യമായ നിര്വചനം ഇതിലുണ്ട്.
പുതിയ ഫ്ളാറ്റുകളുടെ പാര്ക്കിംഗ് ഏരിയ വില്ക്കുന്നതിനുള്പ്പെടെ റെറയില് കൃത്യമായ മാര്ഗനിര്ദേശങ്ങളുണ്ട്. ഫല്റ്റുകളും വില്ലകളും മറ്റും വാങ്ങുന്നതിന് മുമ്പ് എല്ലാ ചട്ടങ്ങളും നിയമങ്ങളും പാലിച്ചാണോ അവ നിര്മിക്കുന്നതെന്നും മറ്റും ഉപഭോക്താക്കള്ക്ക് പലപ്പോഴും ഉറപ്പാക്കാനാകില്ല. നിലവിലുള്ള എല്ലാ നിയമങ്ങളും ചട്ടങ്ങലും പാലിക്കുന്നവര്ക്കു മാത്രമേ റെറയില് രജിസ്റ്റര് ചെയ്യാന് സാധിക്കുകയുള്ളൂ. അനുമതികള് റിറ അധികൃതര് പരിശോധിച്ച് സുതാര്യത ഉറപ്പാക്കും. അതുകൊണ്ടു ഇത്തരം പ്രൊജക്ടുകള് വാങ്ങുന്നവര്ക്ക് നിയമപരിരക്ഷ ഉറപ്പായിരിക്കും. ബേങ്കുകളില് നിന്ന് വായ്പ ലഭിക്കാനും ഇനിമുതല് റെറ രജിസ്ട്രേഷന് നിര്ബന്ധമാണ്.
രജിസ്റ്റര് ചെയ്യുന്നവര്ക്ക് പരസ്യങ്ങള് നല്കുന്നതില് പോലും നിയന്ത്രണങ്ങളുണ്ട്. വസ്തുതാവിരുദ്ധമായ കാര്യങ്ങള് പരസ്യപ്പെടുത്തി ഉപഭോക്താക്കളെ തെറ്റിദ്ധരിപ്പിക്കാന് സാധിക്കില്ല. അങ്ങനെയെങ്കില് നടപടിയുണ്ടാകും. റിറ നിലവില് വന്നപ്പോള് തന്നെ പരാതികളും ലഭിച്ചുതുടങ്ങിയിട്ടുണ്ട്. വൈകാതെ രജിസ്ട്രേഷനും പരാതി സ്വീകരിക്കലുമെല്ലാം പൂര്ണമായും ഓണ്ലൈനാക്കും. റെറയില് രജിസ്റ്റര് ചെയ്യാത്ത പദ്ധതികളില് അഞ്ചുവര്ഷം മുമ്പുവരെയുള്ളവയിലും റെറ പരാതികള് സ്വീകരിക്കും. ചില ഘട്ടങ്ങളില് നിയമലംഘനങ്ങള്ക്കെതിരെ സ്വമേധയാ കേസെടുത്ത് അന്വേഷണം നടത്താനുള്ള അധികാരവും അതോറിറ്റിക്കുണ്ട്.
https://www.facebook.com/Malayalivartha
