നടന് കലാഭവന് മണിയുടെ മരണം കൊലപാതകമല്ലെന്ന് സിബിഐ റിപ്പോര്ട്ട്.... മണിയുടെ വയറ്റില് കണ്ടെത്തിയ വിഷാംശം മദ്യത്തില് നിന്നുള്ളതാണെന്ന് റിപ്പോര്ട്ടില് , മണിയുടെ ശരീരത്തില് കീടനാശിനിയുടെ അംശം കണ്ടെത്തിയെന്ന രാസപരിശോധന ഫലമാണ് ദുരൂഹതയ്ക്കു വഴിയൊരുക്കിയത്
നടന് കലാഭവന് മണിയുടെ മരണം കൊലപാതകമല്ലെന്ന് സിബിഐ റിപ്പോര്ട്ട്. സിബിഐ കോടതിയില് റിപ്പോര്ട്ട് സമര്പ്പിച്ചു. മണിയുടേത് കരള് രോഗം മൂലമുള്ള മരണമാണ്. തുടര്ച്ചയായ മദ്യപാനം രോഗത്തിന് കാരണമായെന്നും സിബിഐ സമര്പ്പിച്ച റിപ്പോര്ട്ടില് പറയുന്നു. 2016 മാര്ച്ച് ആറിനാണ് മണി മരിച്ചത്. 2017ല് മരണത്തിലെ ദുരൂഹത സംബന്ധിച്ച കേസിന്റെ അന്വേഷണം സിബിഐ ഏറ്റെടുത്തു.
മണിയുടെ ശരീരത്തില് കീടനാശിനിയുടെ അംശം കണ്ടെത്തിയെന്ന രാസപരിശോധന ഫലമാണ് ദുരൂഹതയ്ക്കു വഴിയൊരുക്കിയത്. മണിയുടെ വയറ്റില് കണ്ടെത്തിയ വിഷാംശം മദ്യത്തില് നിന്നുള്ളതാണെന്ന് റിപ്പോര്ട്ടില് പറയുന്നു.
കരള് രോഗം ബാധിച്ചതിനാല് മദ്യത്തിന്റെ അംശം വയറ്റില് അവശേഷിക്കുകയായിരുന്നു. അതാണ് മരണത്തിലേക്ക് നയിച്ചതെന്നും സിബിഐ റിപ്പോര്ട്ടില് ചൂണ്ടിക്കാട്ടുന്നു.
2016 മാര്ച്ച് ആറ്, കലാഭവന് മണി പെട്ടന്നില്ലാതായ അന്ന് മുതല് തുടങ്ങിയ ദുരൂഹതകളും ആശങ്കകളുമെല്ലാം അടിസ്ഥാനരഹിതമെന്ന് വിദഗ്ധ പഠനങ്ങളുടെ അടിസ്ഥാനത്തില് വ്യക്തമാക്കുകയാണ് സി.ബി.ഐ.. ചാലക്കുടിയിലെ പാടിയില് രക്തം ഛര്ദിച്ച് കുഴഞ്ഞ് വീണ് മണി മരിച്ചപ്പോള് ദുരൂഹതകള് വര്ധിപ്പിച്ചത് ശരീരത്തിലെ വിഷാംശവും ക്ളോര്പൈറിഫോസ് എന്ന കീടനാശിനിയുടെ സാന്നിധ്യവുമായിരുന്നു. ഇവയുടെ സാന്നിധ്യത്തിനും മണിയുടെ മരണത്തിനും കാരണമായത് അതിഗുരുതരമായിരുന്ന കര്ള്രോഗമെന്നാണ് സി.ബി.ഐയുടെ നിഗമനം. ശരീരത്തില് കണ്ട വിഷാംശമെത്തിയത് മദ്യത്തിലൂടെയാണ്. പച്ചക്കറികള് വേവിക്കാതെ കഴിച്ചതിലൂടെയാണ് കീടനാശിനി ശരീരത്തിലെത്തിയത്. കരള് പ്രവര്ത്തനം തടസപ്പെട്ടനിലയിലായിതിനാല് ഇവ ദഹിച്ച് പോകാതെ അടിഞ്ഞ് കൂടിയെന്നും പുതുച്ചേരിയിലെ ഡോക്ടര്മാരുടെ റിപ്പോര്ട്ടിന്റെ അടിസ്ഥാനത്തില് സി.ബി.ഐ സമര്ഥിക്കുന്നു.
പോസ്റ്റ്മോര്ട്ടം റിപ്പോര്ട്ടില് പറയുന്ന വിഷാംശം സംബന്ധിച്ച് പോണ്ടിച്ചേരി ജിപ്മെറിലെ വിദഗ്ധ ഡോക്ടര്മാരുടെ സംഘമാണ് പരിശോധന നടത്തി റിപ്പോര്ട്ട് സിബിഐക്ക് കൈമാറിയത്. കേസുമായി ബന്ധപ്പെട്ട് ഏഴു പേരെ നുണപരിശോധന നടത്തിയിരുന്നതായി സിബിഐ അറിയിച്ചു.
https://www.facebook.com/Malayalivartha
