കണ്ണൂരിലെ ചരിത്ര കോണ്ഗ്രസ് ഉദ്ഘാടന വേദിയില് ഗവര്ണര്ക്കെതിരെ ഉയര്ന്ന പ്രതിഷേധങ്ങളുടെ പശ്ചാത്തലത്തില് രാജ്ഭവനിലും അദ്ദേഹം പങ്കെടുക്കുന്ന പരിപാടികളിലും സുരക്ഷ വര്ദ്ധിപ്പിക്കാന് സംസ്ഥാന സര്ക്കാര് തീരുമാനിച്ചു
31 DECEMBER 2019 10:34 PM IST
മലയാളി വാര്ത്ത
കണ്ണൂരിലെ സംഭവങ്ങളുടെ പശ്ചാത്തലത്തില് രഹസ്യാന്വേഷണ വിഭാഗവും ഡി.ജി.പിയും കേന്ദ്രസര്ക്കാരിന് റിപ്പോര്ട്ട് നല്കും. കേന്ദ്രആഭ്യന്തരമന്ത്രാലയം അത് പരിശോധിക്കുമെങ്കിലും ക്രമസമാധാന പ്രശ്്നം സംസ്ഥാനസര്ക്കാരിന്റെ അധികാരപരിധിയില് വരുന്ന വിഷയമായതിനാല് കേന്ദ്രം ഇടപെടില്ല എന്നാണ് അറിയുന്നത്. പാര്ലമെന്റ് പാസാക്കിയ ബില്ലില് രാഷ്ട്രപതി ഒപ്പുവെച്ചു കഴിഞ്ഞാല് അത് രാജ്യത്തെ നിയമമാണെന്നും അതിനെതിരെ പ്രതികരിക്കുന്നത് ഭരണഘടനാവിരുദ്ധമാണെന്ന നിലപാടില് ഗവര്ണര് ഉറച്ചുനില്ക്കുകയാണ്. ഇന്നലെ ഒരു സ്വകാര്യ ചാനലിന് നല്കിയ അഭിമുഖത്തിലും അദ്ദേഹം ഇക്കാര്യം ആവര്ത്തിച്ചു. സംസ്ഥാന സര്ക്കാരിന്റെ കളിപ്പാവയായി കഴിയാന് തന്നെ കിട്ടില്ലെന്ന വ്യക്തമായ സൂചനയാണ് ഗവര്ണര് നല്കുന്നത്. അതില് സര്ക്കാരിന് ആശങ്കയുണ്ട്.
സംസ്ഥാനത്ത് ആദ്യമായാണ് ഗവര്ണര്ക്കെതിരെ പ്രതിഷേധം ഉണ്ടാകുന്നത്. സാധാരണ ഗവര്ണര്മാര് വിവാദവിഷയങ്ങളില് പ്രതികരണം നടത്താറില്ല. അങ്ങനെ ഒരു സാഹചര്യം ഉണ്ടാവുകയും നിയമസഭയില് ഭരണപ്രതിപക്ഷ അംഗങ്ങള് പൗരത്വഭേദഗതി നിയമത്തിനെതിരെ ഒറ്റക്കെട്ടായി പ്രമേയം പാസ്സാക്കുകയും ചെയ്തു. ഗവര്ണര് കേരളത്തിലെ ജനങ്ങളുടെ വികാരം മാനിക്കാനുള്ള ഔന്നത്യം കാണിക്കണമെന്നും അദ്ദേഹം രാഷ്ട്രീയം കളിക്കരുതെന്നും പ്രതിപക്ഷനേതാവ് നിയമസഭയില് മുന്നറിയിപ്പും നല്കി. ഗവര്ണറെ രാഷ്ട്രീയമായും അല്ലാതെയും ഒറ്റപ്പെടുത്താനുള്ള നീക്കമാണിതെന്ന് വ്യക്തമായതോടെ അദ്ദേഹത്തിന്റെ സുരക്ഷാക്രമീകരണങ്ങള് അവലോകനം ചെയ്യാന് കേന്ദ്രസര്ക്കാര് തയ്യാറായേക്കും. അങ്ങനെയെങ്കില് സംസ്ഥാന സര്ക്കാരിന് നാണക്കേടാകും.
കേരളം സുരക്ഷാപ്രശ്നങ്ങള് താരതമ്യേന കുറഞ്ഞ സംസ്ഥാനമാണ്. പ്രതിഷേധങ്ങളും വഴിതടയലുകളും ഉണ്ടാകുമെങ്കിലും അത് ഭരണത്തിലിരിക്കുന്നവര്ക്ക് നേരെയാകും. എന്നാല് കേന്ദ്രസര്ക്കാര് നിയമിച്ച ഭരണഘടനാ സ്ഥാനപതിയായ ഗവര്ണര്ക്കെതിരെ പ്രതിഷേധങ്ങള് ഉണ്ടാകുമ്പോള് അതിനെ എങ്ങനെ നേരിടണമെന്ന് ഗൗരവമായി ആലോചിക്കും. കാരണം ക്രമസമാധാന പ്രശ്നം ഫെഡറല് സംവിധാനത്തില് സംസ്ഥാനത്തിന്റെ അധികാരപരിധിയില് വരുന്നതാണ്. ഭരണഘടന തകര്ക്കുന്നു എന്നതാണ് കേന്ദ്രസര്ക്കാരിനെതിരായ പ്രധാനവിമര്ശനം. അതിന് പിന്നാലെ ഭരണഘടന അനുശാസിക്കുന്ന ഫെഡറല് സംവിധാനം കൂടി തകര്ക്കുന്നു എന്ന ആക്ഷേപവും ഉയരും. അതിനാല് വളരെ കരുതലോടെ മാത്രമേ കേന്ദ്രസര്ക്കാര് ഇടപെടൂ...
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
