ഇനി എണ്ണിക്കോ... കേട്ടത് പലതും സത്യമാണെന്ന് വെളിപ്പെടുത്തി ജസ്റ്റിസ് ഹേമ കമ്മിഷന്; അവസരങ്ങള്ക്കായി ലൈംഗിക ആവശ്യങ്ങള്ക്കു വഴങ്ങിക്കൊടുക്കേണ്ട അവസ്ഥ മലയാള സിനിമയിലുണ്ട്; മദ്യവും മയക്കുമരുന്നും നിറഞ്ഞാടുന്ന സിനിമാ സെറ്റില് അതിന്റെ പിന്നാലെ സ്ത്രീകള്ക്ക് നേരെ അതിക്രമവും; റിപ്പോര്ട്ട് കിട്ടിയതോടെ കര്ശന നടപടിയ്ക്കൊരുങ്ങി മുഖ്യമന്ത്രി പിണറായി വിജയന്
മറ്റ് ഭാഷാ സിനിമാമേഖലയെ അപേക്ഷിച്ച് മലയാള സിനിമ മാന്യമെന്നാണ് എല്ലാവരും കരുതിയിരുന്നത്. എന്നാല് മലയാള സിനിമയില് അവസരങ്ങള്ക്കായി പലപ്പോഴും വഴങ്ങിക്കൊടുക്കേണ്ട അവസ്ഥയുണ്ടെന്ന് പണ്ടേ മുതലുള്ള ആരോപണമാണ്. പ്രമുഖര്ക്കെതിരെ പല പരാതികള് വന്നാലും ചാന്സുകളെ കരുതി എല്ലാം കോപ്ലിമെന്റാക്കുകയാണ് പതിവ്. എന്നാല് കൊച്ചിയില് നടി ആക്രമിക്കപ്പെട്ടതോടെ സിനിമയില് സ്ത്രീ കൂട്ടായ്മ രൂപപ്പെട്ടു. അതോടെയാണ് മലയാള സിനിമയിലെ നാറുന്ന മുഖങ്ങള് അല്പമെങ്കിലും പുറത്തായത്. ഇതിനേ തുടര്ന്നാണ് മലയാള സിനിമയുടെ സ്ത്രീ സുരക്ഷ പഠിക്കാന് ജസ്റ്റിസ് ഹേമ കമ്മിഷനെ സര്ക്കാര് നിയോഗിച്ചത്. ആ കമ്മീഷന് റിപ്പോര്ട്ടാണ് ഏവരേയും അമ്പരപ്പിക്കുന്നത്.
ഇന്നലെ മുഖ്യമന്ത്രി പിണറായി വിജയന് മുന്നൂറോളം പേജു വരുന്ന റിപ്പോര്ട്ട് കമ്മീഷന് നല്കുമ്പോള് അക്ഷരാര്ത്ഥത്തില് ഞെട്ടിപ്പോയി. മലയാള സിനിമയിലെ അമ്പരപ്പിക്കുന്ന സംഭവങ്ങളാണ് ആ റിപ്പോര്ട്ട് നിറയെ. അവസരങ്ങള്ക്കായി ലൈംഗിക ആവശ്യങ്ങള്ക്കു വഴങ്ങിക്കൊടുക്കേണ്ട അവസ്ഥ മലയാളസിനിമയിലുണ്ടെന്നാണ് ജസ്റ്റിസ് ഹേമ കമ്മിഷന് പറയുന്നത്. മലയാളസിനിമാ വ്യവസായത്തില് സ്ത്രീകള് വിവേചനം നേരിടുന്നുണ്ടെന്നും പീഡനത്തിന് ഇരയാകുന്നുവെന്നും മുഖ്യമന്ത്രിക്ക് കമ്മിഷന് സമര്പ്പിച്ച റിപ്പോര്ട്ട് വ്യക്തമാക്കുന്നു. കുറ്റവാളികള്ക്ക് വിലക്ക് ഏര്പ്പെടുത്തണമെന്നും പ്രശ്നപരിഹാരത്തിന് ട്രിബ്യൂണല് രൂപീകരിക്കണമെന്നും മുന്നൂറോളം പേജു വരുന്ന റിപ്പോര്ട്ടില് ആവശ്യപ്പെടുന്നു.
ചലച്ചിത്ര വ്യവസായത്തിലെ സ്ത്രീകളുമായും അവരുടെ തൊഴില് സാഹചര്യങ്ങളുമായും ബന്ധപ്പെട്ട വിഷയങ്ങള് പഠിച്ച് പരിഹാരം നിര്ദേശിക്കാന് സര്ക്കാര് നിയോഗിച്ചതാണ് ജസ്റ്റിസ് കെ. ഹേമ കമ്മിഷനെ. ചലച്ചിത്രതാരം ടി. ശാരദ, കെ.ബി. വല്സല കുമാരി എന്നിവര് കമ്മിഷനില് അംഗങ്ങളായിരുന്നു. സിനിമാ മേഖലയിലെ ഉള്ളു കളികള് നന്നായി അറിയാവുന്ന വ്യക്തിയാണല്ലോ ശാരദ. കഴിഞ്ഞ ഏപ്രില് 11ന് സിനിമയിലെ വനിതാ കൂട്ടായ്മ (ഡബ്ല്യൂ.സി.സി.) അംഗങ്ങള് മുഖ്യമന്ത്രിയെ കണ്ടു സമര്പ്പിച്ച പരാതിയുടെ അടിസ്ഥാനത്തിലാണ് ഹേമ കമ്മിഷനെ നിയോഗിച്ചത്.
രാജ്യത്ത് ആദ്യമായാണ് ഇത്തരമൊരു കമ്മിഷന്. സിനിമയുമായി ബന്ധപ്പെട്ട വിവിധ മേഖലകളില് എത്തിപ്പെടുന്നതിന് പലപ്പോഴും ലൈംഗിക ആവശ്യങ്ങള് നിറവേറ്റിക്കൊടുക്കേണ്ട ദുരനുഭവങ്ങളുണ്ടായിട്ടുള്ളവരുമുണ്ട്. ഇത്തരം അനുഭവമുള്ളവര് പലപ്പോഴും പോലീസില് പരാതിപ്പെടാറില്ല. മദ്യം, മയക്കുമരുന്ന് തുടങ്ങിയവയുടെ ഉപയോഗത്തെത്തുടര്ന്ന് ഉണ്ടാകുന്ന അതിക്രമങ്ങളെയും അശ്ലീല പദപ്രയോഗങ്ങളെയും െസെബര് ഇടങ്ങളിലും സൈബര് മാര്ഗങ്ങള് ഉപയോഗിച്ചും ഉണ്ടാകുന്ന അക്രമങ്ങള് കമ്മിഷന് പ്രത്യേകം പരാമര്ശിക്കുന്നുണ്ട്. തെളിവെടുപ്പിനിടെ സംസാരിക്കാന് പുരുഷന്മാരും സ്ത്രീകളും വിമുഖത കാട്ടിയതും പലരും ഭയപ്പെട്ട് സംസാരിക്കാത്തതും റിപ്പോര്ട്ടില് ചൂണ്ടിക്കാട്ടി.
സിനിമാ വ്യവസായത്തിലെ സ്ത്രീകള് അഭിമുഖീകരിക്കുന്ന പൊതുവായ പ്രശ്നങ്ങളും റിപ്പോര്ട്ടില് ചൂണ്ടിക്കാട്ടുന്നുണ്ട്. ചിത്രീകരണ സ്ഥലങ്ങളില് സ്ത്രീകള് നേരിടുന്ന മനുഷ്യാവകാശ ലംഘനങ്ങളെക്കുറിച്ചും ശുചിമുറി, വസ്ത്രം മാറ്റാനുള്ള ഇടം തുടങ്ങിയവയുടെ അഭാവത്തെക്കുറിച്ചും ഗൗരവമായ കണ്ടെത്തലുകള് കമ്മിഷന്റേതായുണ്ട്. ഇത്തരം പ്രശ്നങ്ങള് പരിശോധിച്ച കമ്മിഷന് ശക്തമായ പരിഹാരമാര്ഗങ്ങള് മുന്നോട്ടു വെക്കുന്നുണ്ട്.
നിയന്ത്രണങ്ങള് പാലിക്കാത്തവര്ക്കും കുറ്റം ചെയ്യുന്നവര്ക്കും പിഴ ചുമത്തുന്നതിനും വ്യവസായത്തില്നിന്നു വിലക്കുകള് ഉള്പ്പെടെ ഏര്പ്പെടുത്തുന്നതിനും നിബന്ധനകള് വെച്ചിട്ടുണ്ട്. എന്തായാലും ശക്തമായ നടപടി സ്വീകരിക്കാനാണ് മുഖ്യമന്ത്രി ഒരുങ്ങുന്നത്.
https://www.facebook.com/Malayalivartha
