ബി.ജെ.പി ഭരിക്കുന്ന യു.പിയിലെ യോഗി ആദിത്യനാഥ് സര്ക്കാരിന് കീഴിലെ ആശുപത്രിയില് ഓക്സിജന് കിട്ടാതെ നവജാതശിശുക്കള് മരിച്ചപ്പോള് കേരളത്തില് പ്രതിഷേധം നടത്തിയവരെയും ചാനല് ചര്ച്ചകള് പൊടിപൊടിച്ചവരെയും അതേ സംഭവം കോണ്ഗ്രസ് ഭരിക്കുന്ന രാജസ്ഥാനില് സംഭവിച്ചിട്ടും കാണാനില്ല
ബി.ജെ.പി ഭരിക്കുന്ന യു.പിയിലെ യോഗി ആദിത്യനാഥ് സര്ക്കാരിന് കീഴിലെ ആശുപത്രിയില് ഓക്സിജന് കിട്ടാതെ നവജാതശിശുക്കള് മരിച്ചപ്പോള് കേരളത്തില് പ്രതിഷേധം നടത്തിയവരെയും ചാനല് ചര്ച്ചകള് പൊടിപൊടിച്ചവരെയും അതേ സംഭവം കോണ്ഗ്രസ് ഭരിക്കുന്ന രാജസ്ഥാനില് സംഭവിച്ചിട്ടും കാണാനില്ല. അന്ധമായ ബി.ജെ.പി വിരോധം സംസ്ഥാനത്തെ മാധ്യമങ്ങള് കാണിക്കുന്നതിന് വ്യക്തമായ തെളിവാണിതെന്ന് ബി.ജെ.പി നേതാക്കളും പ്രവര്ത്തകരും ആരോപിക്കുന്നു. രാജസ്ഥാനിലെ കോട്ടയില് ജെ കെ ലോണ് ആശുപത്രിയില് കഴിഞ്ഞ മാസം മാത്രം 91 നവജാതശിശുക്കളാണ് മരിച്ചത്. ഏതാനും ദിവസങ്ങള്ക്ക് മുമ്പാണ് ഈ വാര്ത്ത പുറംലോകം അറിഞ്ഞത്.
ഡിസംബര് 23നും 24നും ഈ ആശുപത്രിയില് 10 കുഞ്ഞുങ്ങള് മരിച്ചതോടെയാണ് സംഭവം വിവാദമായത്. ഒരു വര്ഷത്തിനിടെ 940 കുട്ടികള് മരിച്ചതായി സ്ഥിരീകരിക്കാത്ത റിപ്പോര്ട്ടുണ്ട്. ഡിസംബര് 25നും 29നും ഇടയില് 14 ശിശുക്കളാണ് മരിച്ചത്. ആറും നവജാതശിശുക്കളായിരുന്നു. മരണകാരണം ഇതുവരെ കണ്ടെത്താനായില്ല എന്നത് കോണ്ഗ്രസ് സര്ക്കാരിന്റെ കെടുകാര്യസ്ഥത വ്യക്തമാക്കുന്നു. ന്യുമോണിയ, മസ്തിഷ്ക ജ്വരം, ശ്വാസകോശ രോഗങ്ങള് എന്നിവയാണ് കൂട്ടമരണത്തിന് കാരണമെന്നാണ് പ്രാഥമികനിഗമനം. സംഭവം ശ്രദ്ധയില്പ്പെട്ട ദേശീയ ബാലാവകാശ സംരക്ഷണ കമീഷന് രാജസ്ഥാനിലെത്തി നടത്തിയ പരിശോധനയില് ഗുരുതരമായ വീഴ്ചകളാണ് കണ്ടെത്തിയത്. കുട്ടികളെ കിടത്തിയിരിക്കുന്ന വാര്ഡിലൂടെ പന്നികളും മറ്റും സൈ്വര്യവിഹാരം നടത്തുകയാണെന്ന വാര്ത്തകളും പുറത്തുവന്നു.
ആശുപത്രിയില് കുഞ്ഞുങ്ങളുടെ ഡോക്ടര്മാര് ഉള്പ്പെടെയുള്ള പ്രധാനപ്പെട്ട തസ്തികകള് ഒഴിഞ്ഞുകിടക്കുകയാണ്. കുഞ്ഞുങ്ങളെ കിടത്തി ചികിത്സിക്കുന്ന വാര്ഡിലെ ജനാലകള് നശിച്ചതിനാല് കടുത്ത തണുപ്പിലാണ് ശിശുക്കള് കഴിയുന്നതെന്ന് ദേശീയ ബാലാവകാശ കമ്മീഷന് പറയുന്നു. മാലിന്യ കൂമ്പാരം ഉള്ളതിനാലാണ് ആശുപത്രിവളപ്പിലും വാര്ഡുകളിലും പന്നികള് ചുറ്റിത്തിരിയുന്നത്. ശുചീകരണ തൊഴിലാളികളെ അടിയന്തരമായി നിയമിക്കണമെന്നും കമ്മീഷന് ആവശ്യപ്പെട്ടിട്ടുണ്ട്. ഇത്രയും ഗുരുതരമായ പ്രശ്നങ്ങള് ഉണ്ടായിട്ടും സംസ്ഥാന ആരോഗ്യവകുപ്പ് കാര്യക്ഷമമായി ഇടപെടാനോ നടപടികള് സ്വീകരിക്കാനോ തയ്യാറായിട്ടില്ലെന്ന് പ്രദേശവാസികളും ആരോപിക്കുന്നു.
2017ല് ഉത്തര്പ്രദേശിലെ ഗൊരഖ്പൂരിലെ ബി.ആര്.ഡി ആശുപത്രിയില് ഓക്സിജന് കിട്ടാതെ 30 കുട്ടികള് മരിച്ചിരുന്നു. ദേശീയതലത്തില് അത് വലിയ വിവാദമയിരുന്നു. ആദ്യം 20 കുട്ടികളാണ് മരിച്ചത്. തുടര്ന്ന് അധികൃതര് ഓക്സിജന് ലഭ്യത ഉറപ്പുവരുത്തിയെങ്കിലും അടുത്ത ദിവസം പത്ത് കുട്ടികള് കൂടി മരിക്കുകയായിരുന്നു. ഉത്തര്പ്രദേശില് മസ്തിഷ്കത്തിലുണ്ടാകുന്ന അണുബാധയ്ക്ക് ഏറ്റവും മികച്ച ചികിത്സാ കേന്ദ്രമെന്ന് പേരെടുത്ത ബി.ആര്.ഡി ആശുപത്രിയിലാണ് കുട്ടികളുടെ കൂട്ടമരണം നടന്നത്. വിതരണക്കാരന് ഓക്സിജന് സിലിണ്ടറുകള് എത്തിക്കാത്തതാണ് ഓക്സിജന് വിതരണം തടസപ്പെടാന് കാരണമായത്. ആശുപത്രി അധികൃതര് 66 ലക്ഷം രൂപ കുടിശ്ശിക നല്കാനുണ്ടെന്ന് പറഞ്ഞാണ് വിതരണക്കാര് വിതരണം നിര്ത്തിവച്ചത്. അന്ന് കുട്ടികളെ നോക്കിയ ഡോ.കഫീല്ഖാന് കേരളത്തില് പിന്നീട് സ്വീകരണം നല്കിയിരുന്നു. എന്നാല് കോണ്ഗ്രസ് ഭരിക്കുന്ന രാജസ്ഥാനില് ഇത്രയും ശിശുക്കള് മരിച്ചിട്ടും പല മാധ്യമങ്ങളും ചര്ച്ചകള് പോലും സംഘടിപ്പിക്കുന്നില്ലെന്ന് ബി.ജെ.പി സംസ്ഥാന ജനറല് സെക്രട്ടറി കെ.സുരേന്ദ്രന് ഫെയിസ് ബുക്കിലൂടെ ചൂണ്ടിക്കാട്ടി.
https://www.facebook.com/Malayalivartha
