അലന്റെ ചിന്തകളെ തടവിലിടാന് ഒരു ഭരണകൂടത്തിനും സാധിക്കില്ല; ചരിത്രം പരിശോധിച്ചാല് എല്ലാ സ്വേച്ഛാധിപതികളുടെയും അന്ത്യം ദയനീയമാണ്; മുഖ്യമന്ത്രി പിണറായി വിജയനെ കന്നാക്രമിച്ച് മാവോയിസ്റ്റ് ബന്ധത്തിന്റെ പേരില് അറസ്റ്റിലായ അലന് ഷുഹൈബിന്റെ അമ്മ
മുഖ്യമന്ത്രി പിണറായി വിജയനെ കന്നാക്രമിച്ച് മാവോയിസ്റ്റ് ബന്ധത്തിന്റെ പേരില് അറസ്റ്റിലായ അലന് ഷുഹൈബിന്റെ അമ്മ. മാവോയിസ്റ്റ് ബന്ധത്തിന്റെ പേരില് അറസ്റ്റിലായ വിദ്യാര്ത്ഥികള്ക്കെതിരെ യുഎപിഎ ചുമത്തിയത് ന്യായീകരിച്ച മുഖ്യമന്ത്രി പിണറായി വിജയനെതിരെ ശക്തമായ വിമര്ശനവുമായാണ് തടവിലുള്ള അലന് ഷുഹൈബിന്റെ അമ്മ രംഗത്തെത്തിയിരിക്കുന്നത്. എല്ലാ ഭരണകൂടങ്ങളും സ്വേച്ഛാധിപതികളെ സൃഷ്ടിക്കുന്നുവെന്ന് അലന്റെ അമ്മ സബിത പറഞ്ഞു. അവരുടെ ഈഗോകള് നിരപരാധികളെ തടവിലാക്കുന്നു.
ചരിത്രം പരിശോധിച്ചാല് എല്ലാ സ്വേച്ഛാധിപതികളുടെയും അന്ത്യം ദയനീയമാണ്. ശാരീരികമായി മാത്രമേ അലനെ ജയിലില് അടയ്ക്കാന് സാധിക്കുകയുള്ളൂ. അലന്റെ ചിന്തകളെ തടവിലിടാന് ഒരു ഭരണകൂടത്തിനും സാധിക്കില്ലെന്നും സബിത പറഞ്ഞു.
രാവിലെ നടത്തിയ വാര്്ത്താസമ്മേളനത്തിലാണ് അറസ്റ്റിലായ അലനേയും താഹയേയും തള്ളി മുഖ്യമന്ത്രി പിണറായി വിജയന് രംഗതെറ്റിയത്. അറസ്റ്റിലായവര് പരിശുദ്ധരാണെന്ന അഭിപ്രായം തനിക്കില്ലെന്ന് നേരത്തെ പറഞ്ഞതാണെന്ന് മുഖ്യമന്ത്രി പറഞ്ഞു. യുഎപിഎ ചുമത്തിയത് മഹാപരാധമാണെന്ന അഭിപ്രായം തനിക്കില്ല. അവരെന്തോ പരിശുദ്ധന്മാരാണെന്നും ഒരു തെറ്റും ചെയ്യാത്തവരാണെന്നുമുള്ള ധാരണവേണ്ട. ചായകുടിക്കാന് പോയപ്പോള് പിടിച്ചതാണെന്ന് ആരും കരുതേണ്ടതില്ലെന്നും പിണറായി പറഞ്ഞു.
കേരള പൊലീസിന്റെ പരിധിയിലുണ്ടായിരുന്ന കേസ് എന്ഐഎയ്ക്ക് എപ്പോള് വേണമെങ്കിലും ഏറ്റെടുക്കാമെന്നതാണ് യുഎപിഎ നിയമത്തിന്റെ ഏറ്റവും വലിയ അപകടം. കേസ് ഏറ്റെടുക്കാന് നമ്മള് ആവശ്യപ്പെട്ടിട്ടില്ലെന്നും നിയമവ്യവസ്ഥയനുസരിച്ചാണ് അവര് കേസെടുത്തതെന്നും പിണറായി പറഞ്ഞു. ഇടതുമുന്നണി യുഎപിഎയ്ക്കെതിരാണ്. എന്നാല് മുന്പും ഇടത് ഭരണകാലത്ത് യുഎപിഎ ചുമത്തി കേസെടുത്തിട്ടുണ്ടെന്ന് പിണറായി പറഞ്ഞു.
കോഴിക്കോട്ട് പന്തീരാങ്കാവിൽ മാവോവാദിബന്ധം ആരോപിച്ച് അലൻ,താഹ എന്നീ വിദ്യാർത്ഥികളെ യു.എ.പി.എ. ചുമത്തി അറസ്റ്റുചെയ്ത പോലീസ് നടപടി ജനാധിപത്യസമൂഹത്തിനുമുന്നിൽ ഉയർത്തുന്നത്ഒ ട്ടേറെ ചോദ്യങ്ങളാണ്. കോഴിക്കോട്ടെ പോലീസ് നടപടിക്കെതിരേ പുറത്തു ള്ളതുപോലെ തന്നെസി.പി.എമ്മിനകത്തും പൊതുവികാരം ഉയർന്നുവന്നത് സർക്കാരിനെ പ്രതിരോധത്തിലാക്കിയിരുന്നു.. പാർട്ടി സംസ്ഥാന സെക്രട്ടേറിയറ്റുതന്നെ ഈ ചെറുപ്പക്കാരുടെപേരിൽ യു.എ.പി.എ. ചുമത്തരുത് എന്നാവശ്യപ്പെട്ടു രംഗത്ത് വരികയും ചെയ്തിരുന്നു. അലനും താഹയ്ക്കുമെതിരായ യു.എ.പി.എ കേസ് കൊച്ചി എന്.ഐ.എ സംഘം ഡിസംബര് 19 നാണ് ഏറ്റെടുത്തത്. മാവോയിസ്റ്റ് ബന്ധം ആരോപിച്ചാണ് അലന്, താഹ എന്നിവരെ പന്തീരാങ്കാവ് പൊലീസ് അറസ്റ്റ് ചെയ്തത്. ജാമ്യാപേക്ഷ തള്ളിയതിനെ തുടര്ന്ന് ഇവര് ജുഡീഷ്യല് കസ്റ്റഡിയിലാണ്.
നിരോധിക്കപ്പെട്ട മാവോയിസ്റ്റ് സംഘടന പ്രസിദ്ധീകരിച്ച പുസ്തകവും ലഘുലേഖകളും ഇവരുടെ പക്കല് നിന്നും കണ്ടെടുത്തുവെന്ന് ചൂണ്ടിക്കാട്ടിയാണ് നവംബര് ഒന്നിന് ഇവരെ പൊലീസ് അറസ്റ്റ് ചെയ്തത്.
യുവാക്കള്ക്കെതിരെ യു.എ.പി.എ ചുമത്തിയ നടപടിക്കെതിരെ പോളിറ്റ്ബ്യൂറോ അംഗങ്ങളായി പ്രകാശ് കാരാട്ടും എം.എ. ബേബിയും അടക്കുമുള്ളവര് രംഗത്തെത്തിയിരുന്നു. എന്നാല് അലനും താഹയും മാവോയിസ്റ്റുകളാണെന്നും അവര് സി.പി.ഐ.എം പ്രവര്ത്തകരല്ലെന്നും മുഖ്യമന്ത്രി പിണറായി വിജയന് വാര്ത്താ സമ്മേളനത്തില് തുറന്നടിച്ചിരുന്നു.
’കോഴിക്കോട്ട് മാവോയിസ്റ്റ് പ്രവര്ത്തനവുമായി ബന്ധപ്പെട്ട് കേരള പോലീസ് ചാര്ജ് ചെയ്ത കേസ് കേന്ദ്ര സര്ക്കാര് ഇടപെട്ട് എന്ഐഎ യെ ഏല്പ്പിച്ചതിനെതിരെ വൻ പ്രതിഷേധമാണ് ഉയരുന്നത്. . ഈ കേസില് വ്യക്തമായ അന്വേഷണവുമായി സംസ്ഥാന പോലീസ് മുന്നോട്ടുപോകവെയാണ് കേന്ദ്ര സര്ക്കാര് അന്വേഷണം എന്ഐഎ യെ ഏല്പ്പിച്ചിരിക്കുന്നത്. ക്രമസമാധാനം സംസ്ഥാന സര്ക്കാരിന്റെ ചുമതലയായിരിക്കെ സംസ്ഥാന സര്ക്കാരുമായി ആലോചന പോലും നടത്താതെ കേസ് എന്ഐഎ യെ ഏല്പ്പിച്ച കേന്ദ്ര സര്ക്കാരിന്റെ നടപടിഎത്രത്തോളം സാധൂകരിക്കാന്സാധിക്കും. ഫെഡറല് സംവിധാനത്തെ ദുര്ബലപ്പെടുത്താന് മാത്രമേ ഇത് സഹായിക്കുകയുള്ളൂഎന്നായിരുന്നു സിപിഐ(എം) സംസ്ഥാന സെക്രട്ടറിയേറ്റിന്റെ പ്രസ്താവന.
https://www.facebook.com/Malayalivartha
