കുട്ടിയുമായി ചികിത്സതേടി എത്തിയ ആയൂര്‍വേദ ഡോക്ടറും സംഘവും അത്യാഹിതവിഭാഗത്തിലെ വനിതാ ഡോക്ടര്‍ക്ക് നേരെ പാഞ്ഞടുത്തത് സംഘര്‍ഷാവസ്ഥ സൃഷ്ടിച്ചു. ഇടുക്കി മെഡിക്കല്‍ കോളേജില്‍ വ്യാഴാഴ്ച വൈകുന്നേരമാണ് സംഭവം നടന്നത്. ഭക്ഷ്യ വിഷബാധയെ തുടര്‍ന്ന് ആയൂര്‍വ്വേദ ഡോക്ടര്‍ തന്റെ മൂന്നര വയസ്സുള്ള കുട്ടിയുമായി ആശുപത്രി അത്യാഹിത വിഭാഗത്തില്‍ രാവിലെ ചികില്‍സ തേടി എത്തിയിരുന്നു. ഡ്യുട്ടിയിലുണ്ടായിരുന്ന വനിതാ ഡോക്ടര്‍ കുട്ടിയെ പരിശോധിച്ചതിന് ശേഷം ഒ.പിയിലുള്ള ശിശുരോഗ വിദഗ്ധനെ കാണിക്കാന്‍ നിര്‍ദേശിച്ചു. എന്നാല്‍ ആയൂര്‍വ്വേദ ഡോക്ടര്‍ കുട്ടിയെ ശിശുരോഗ വിദഗ്ധനെ കാണിക്കാതെ ഓ.പിയില്‍ ഡ്യുട്ടിയില്‍ ഉണ്ടായിരുന്ന സര്‍ജനെ കാണിച്ച് മരുന്ന് കുറിച്ച് വാങ്ങി തിരികെ വീട്ടിലേയ്ക്ക് പോയി.

കുട്ടിയുടെ ആരോഗ്യ നില മോശമായതിനെ തുടര്‍ന്ന് ഉച്ചകഴിഞ്ഞ് ആയൂര്‍വേദ ഡോക്ടര്‍ കുട്ടിയുമായി വീണ്ടും അത്യാഹിത വിഭാഗത്തില്‍ എ ത്തി. ശിശുരോഗ വിദഗ്ധനെ കുട്ടിയെ കാണിക്കാതിരുന്നത് എന്താണെന്ന് ഡ്യൂട്ടിയിലുണ്ടായിരുന്ന വനിതാ ഡോക്ടര്‍ ചോദിച്ചു. തുടര്‍ന്ന് ശിശുരോഗ വിദഗ്ധനെ വിളിച്ചു വരുത്തി കുട്ടിക്ക് പ്രാഥമിക ചികില്‍സ നല്‍കുകയും ട്രിപ്പിടുകയും ചെയ്തു. കുട്ടിയെ ശിശുരോഗ വിദഗ്ധന്‍ പരിശോധിക്കുന്നതിനിടയില്‍ ആയൂര്‍വേദ ഡോക്ടറും കൂടെ വന്നിരുന്ന ആളുകളും വനിത ഡോക്ടറോട് കയര്‍ക്കുകയും വാക്ക് തര്‍ക്കം ഉണ്ടാക്കുകയും ചെയ്തു. തുടര്‍ന്ന ആയൂര്‍വ്വേദ ഡോക്ടറും കൂടെ വന്നവരും ചേര്‍ന്ന് അത്യാഹിത വിഭാഗ ത്തില്‍ ബഹളം വയ്ക്കുകയും അത്യാഹിത വിഭാഗ ത്തിന്റെ പ്രവര്‍ ത്തനം തടസ്സ െപ്പടുത്തുകയും ചെയ്തു.

അത്യാഹിത വിഭാഗ ത്തില്‍ സംഘര്‍ഷാവസ്ഥ രൂപ െപ്പട്ടതോടെ ആശുപത്രി സുരക്ഷാ ജീവനക്കാരെത്തി ആയൂര്‍വ്വദ ഡോക്ടറെയും കൂടെ വന്നവരെയും അത്യാഹിത വിഭാഗത്തില്‍ നിന്ന് പുറത്താക്കി. ഇവര്‍ പുറത്തിറങ്ങിയും ബഹളം തുടര്‍ന്നതായി ആശുപത്രി ജീവനക്കാര്‍ പറഞ്ഞു. ആയൂര്‍വ്വേദ ഡോക്ടറുടെ കൂടെ വന്നവര്‍ മദ്യലഹരിയില്‍ ആയിരുന്നുയെന്ന് വനിതാ ഡോക്ടര്‍ പറഞ്ഞു. മെഡിക്കല്‍ കോളേജില്‍ രാത്രിയില്‍ രോഗികളുടെ ഒപ്പം മദ്യപിച്ച് വരുന്നവര്‍ ഡോക്ടര്‍മാരോട് അസഭ്യപറയുന്നതും ഡ്യുട്ടി തടസ്സ െപ്പടുത്തുന്നതും നിത്യ സംഭവമാണെന്ന് ആര്‍.എം.ഓ ഡോ.അരുണ്‍ പറഞ്ഞു.അറുപത് കിലോ മീറ്റര്‍ ചുറ്റളവില്‍ ഹൈറേഞ്ചിലെ സധാരണക്കാരുടെ ഏക ചികില്‍സആശ്രയ കേന്ദ്രമാണ് മെഡിക്കല്‍ കോളേജ്.ഇവിടെ അടിയ ന്തിരമായി പോലീസ് എയ്ഡ് പോസ്റ്റ് സ്ഥാപിക്കണമെന്ന് നാട്ടുകാര്‍ ആവശ്യപ്പെട്ടു.