സിപിഐ എമ്മിന്റെ അത്ഭുത കുട്ടിയായിരുന്നു അബ്‌ദുള്ള കുട്ടി. കണ്ണൂർ പാര്ലമെന്റിൽസിപിഎം സ്ഥാനാർത്ഥിയായി മത്സരിച്ച് വൻ ഭൂരിപക്ഷത്തോടെ ജയിച്ചു വന്ന അബ്ദുള്ള കുട്ടിയ്ക് പ്രസ്ഥാനം ചാർത്തികൊടുത്തവിശേഷണമായിരുന്നു അത്ഭുതക്കുട്ടി എന്നത്. എന്നാൽസിപിഎമ്മിന്റെ ആ അത്ഭുത കുട്ടി പിന്നീട സിപിഎം ബന്ധമുപേക്ഷിച്ച് ,പരസ്യമായി തള്ളിപ്പറഞ്ഞ് കോൺഗ്രസിൽ ചേർന്നു .അവിടുന്ന് വീണ്ടും ബിജെപിയിലേക്ക്.ഇപ്പോഴിതാ പിണറായി വിജയനെ രൂക്ഷമായി കടന്നാക്രമിച്ചു അബ്ദുള്ളകുട്ടി വീണ്ടും രംഗത്തെത്തിയിരിക്കുന്നു.

പൗരത്വഭേദഗതി നിയമത്തിനെതിരെ നിലപാട് എടുത്തതിനാലാണ് മുഖ്യമന്ത്രി പിണറായി വിജയനെ അധിക്ഷേപിച്ച് ബി.ജെ.പി ഉപാധ്യക്ഷന്‍ എ.പി അബ്ദുള്ളക്കുട്ടി പരസ്യ പ്രസ്താവന നടത്തിയത്. പൗരത്വഭേദഗതി നിയമവും പൗരത്വ രജിസ്റ്ററും കേരളത്തില്‍ നടപ്പാക്കില്ലെന്നുപറയാന്‍ പിണറായിയുടെ ഭാര്യയുടെ ഉത്തരവല്ലെന്നായിരുന്നു അബ്ദുള്ളക്കുട്ടിയുടെ പരാമര്‍ശം.

ലോക്‌സഭയും രാജ്യസഭയും കടന്ന് രാഷ്ട്രപതി ഒപ്പിട്ട നിയമമാണിത് അതു നടപ്പിലാക്കാന്‍ കഴിയില്ലെങ്കില്‍ പഴയ പാര്‍ട്ടി സെക്രട്ടറി പണിക്കുപോകാമെന്നും അബ്ദുള്ളക്കുട്ടി കോഴിക്കോട് മുക്കത്ത് പറഞ്ഞു.
പൗരത്വഭേദഗതി നിയമവുമായി ബന്ധപ്പെട്ട വിവാദങ്ങളെ തുടര്‍ന്ന് ബി.ജെ.പി സംഘടിപ്പിച്ച ദേശഭക്തി സംഗമം ഉദ്ഘാടനം ചെയ്ത് സംസാരിക്കുകയായിരുന്നു അബ്ദുള്ളക്കുട്ടി. സംസ്ഥാനത്തെ മുസ്‌ലിം പള്ളികളില്‍ കേന്ദ്രസര്‍ക്കാരിനെതിരേയുള്ള പച്ചയായ രാഷ്ട്രീയമാണ് ഇമാമുമാര്‍ പറയുന്നതെന്നും വി.എസ്. അച്യുതാനന്ദനെപ്പോലെ മുസ്‌ലിം വിരോധമുള്ള രാഷ്ട്രീയക്കാരന്‍ കേരളത്തിലില്ലെന്നും അബ്ദുള്ളക്കുട്ടി ആരോപിച്ചു.

കേരളത്തില്‍ യു.ഡി.എഫും എല്‍.ഡി.എഫും മാറിമാറി ഭരിച്ച് സംസ്ഥാനത്തെ വികസനം മുരടിപ്പിച്ചെന്നും ഇതുമാറണമെങ്കില്‍ പുതിയ ഒരു ഭരണം കേരളത്തിലുണ്ടാകണമെന്നും അബ്ദുള്ളക്കുട്ടി പറഞ്ഞു.
ഇന്ത്യയിലെ ന്യൂനപക്ഷം ഭൂരിപക്ഷമായാല്‍ മതേതരത്വം തകരുമെന്നും ഹിന്ദുക്കള്‍ ഭൂരിപക്ഷമായി തുടരുന്നിടത്തോളം കാലം രാജ്യത്തെ മതേതരത്വം നിലനില്‍ക്കുമെന്നും അബ്ദുള്ളക്കുട്ടി അഭിപ്രായപ്പെട്ടു.
അതേസമയം പൗരത്വനിയമ ഭേദഗതിക്കെതിരെ നിയമസഭയില്‍ പ്രമേയം അവതരിപ്പിച്ച മുഖ്യമന്ത്രി പിണറായി വിജയനെതിരെ ബി.ജെ.പി അവകാശ ലംഘനത്തിന് നോട്ടീസ് നല്‍കി.മുഖ്യമന്ത്രി അവതരിപ്പിച്ച പ്രമേയം പാര്‍ലിമെന്റിന്റെ പരമാധികാരത്തിന് എതിരാണെന്നും അവകാശസമിതി യോഗം ചര്‍ച്ച ചെയ്യണമെന്നും ബി.ജെ.പി ആവശ്യപ്പെട്ടു.ബി.ജെ.പി എം.പി ജി.വി.എല്‍ നരസിംഹ റാവുവാണ് നോട്ടീസ് നല്‍കിയിരിക്കുന്നത്.

അതിനിടെ കേരളത്തിന്റെ പാത പിന്തുടർന്ന് പൗരത്വ ഭേദഗതി നിയമത്തിനെതിരെ പ്രമേയം അവതരിപ്പിക്കാന്‍ തീരുമാനിച്ച് പുതുച്ചേരി സര്‍ക്കാര്‍ രംഗത്തെത്തിയിരിക്കുകയാണ്. കേരളം അവതരിപ്പിച്ച സമാനമായ പ്രമേയമായിരിക്കും പുതുച്ചേരിയിലും അവതരിപ്പിക്കുകയെന്ന് മുഖ്യമന്ത്രി വി. നാരായണസ്വാമി പറഞ്ഞു.
സംസ്ഥാനത്തെ എല്ലാ രാഷ്ട്രീയ പാര്‍ട്ടികളോടും സംസാരിച്ച് ഈ മാസം അവസാനം പൗരത്വ ഭേദഗതി നിയമത്തിനെതിരെ പ്രമേയം അവതരിപ്പിക്കാനാണ് ആലോചിക്കുന്നതെന്ന് പി.ടി.ഐയോട് നാരായണ സ്വാമി പറഞ്ഞു.
ചൊവ്വാഴ്ചയാണ് പൗരത്വ ഭേദഗതി നിയമത്തിനെതിരായ കേരളാ നിയമസഭ പ്രമേയം പാസാക്കിയത്. നിയമത്തില്‍ മതരാഷ്ട്ര സമീപനമാണ് ഉള്‍ച്ചേര്‍ന്നിരിക്കുന്നതെന്നും അതിനാല്‍ റദ്ദാക്കണമെന്നും കേന്ദ്ര സര്‍ക്കാരിനോട് പ്രമേയത്തില്‍ ആവശ്യപ്പെട്ടുണ്ട്.