യുവാവിനെ കുത്തിക്കൊലപ്പെടുത്താന് ശ്രമിച്ച കേസിലെ പ്രതി കോടതിക്കു മുമ്പാകെ കീഴടങ്ങി
ഏരുവേശ്ശി വലിയ അരീക്കാമലയിലെ കോട്ടി വിനീതിനെ (25) കുത്തിക്കൊലപ്പെടുത്താന് ശ്രമിച്ച കേസിലെ പ്രതി കോടതിക്ക് മുമ്പാകെ കീഴടങ്ങി . വലിയ അരീക്കാമലയിലെ ചപ്പിലി പപ്പന് (51) ആണ് തളിപ്പറമ്ബ് കോടതിയില് കീഴടങ്ങിയത് . ഇയാളെ കോടതി റിമാന്ഡ് ചെയ്തു.കഴിഞ്ഞ 25-ന് രാത്രിയായിരുന്നു സംഭവം. വിനീതും സുഹൃത്തുംകൂടി ബൈക്കില് പോകവെ പപ്പന് ഇവരെ തടഞ്ഞുനിര്ത്തുകയും വാക്കുതര്ക്കത്തിലേര്പ്പെടുകയും ചെയ്തു .
അതിനിടയില് കൈവശമുണ്ടായിരുന്ന കത്തികൊണ്ട് പപ്പന് വിനീതിനെ കുത്തുകയായിരുന്നു . ഗുരുതരമായി പരുക്കേറ്റ വിനീത് പരിയാരം മെഡിക്കല് കോളേജ് ആശുപത്രിയില് ചികിത്സയിലാണ് .സംഭവത്തിന് ശേഷം പ്രതി ഒളിവില്പ്പോയി . പയ്യാവൂര് പോലീസ് വധശ്രമത്തിനാണ് ഇയാള്ക്കെതിരെ കേസെടുത്തിരിക്കുന്നത് .
L
https://www.facebook.com/Malayalivartha