പാലം നിർമ്മാണത്തെ ചൊല്ലിയുള്ള വാക്കുതർക്കം കലാശിച്ചത് അടിപിടിയിൽ. പഞ്ചായത്തിലെ ക്ഷേമകാര്യ സ്റ്റാന്‍റിംഗ് കമ്മിറ്റി ചെയര്‍മാനായ കെ പി രാജീവിനാണ് മർദ്ദനമേറ്റത്. കൈനകരി ബേക്കറി ജംഗ്ഷനിലെ പാലനിര്‍മ്മാണം ആയിരുന്നു തർക്ക വിഷയം. സമീപവാസിയായ ഐസക്ക് കാളാശേരിയാണ് മർദ്ദനത്തിന് പിന്നിൽ എന്നാണ് ആരോപണം. പാളം നിർമ്മിക്കുന്നതിൽ ഐസക്കിന് എതിർപ്പുണ്ടായിരുന്നു.

പാലനിര്‍മ്മാണം തടസപ്പെടുത്താന്‍ ഐസക് പലശ്രമങ്ങളും നടത്തുകയുണ്ടായി നടത്തിയിരുന്നു. പഞ്ചായത്തിലെ 4,5,7,8 വാര്‍ഡുകളിലെ രണ്ടായിരത്തിലധികം ജനങ്ങള്‍ക്ക് യാത്രാക്ലേശം പരിഹരിക്കുന്നതിനാണ് ബേക്കറി ജംഗ്ഷനില്‍ പാലം നിര്‍മ്മിക്കുന്നത്. ഇവിടെ താമസിച്ചിരുന്നവർ കടത്തുവള്ളത്തെയായിരുന്നു ആശ്രയിച്ചിരുന്നത്. പാലം നിര്‍മ്മാണ പ്രവൃത്തികളില്‍ തുടക്കം മുതല്‍ രാജീവ് സജീവമായതിനാലാണ് ഐസക് ആക്രമിച്ചത് എന്നാണ് ആരോപണം. പാലം പണി അവസാനഘട്ടത്തിലാണ്.

കൈനകരി പഞ്ചായത്തിലെ സെന്‍റ് മേരീസ് സ്കൂള്‍, ഹോളി ഫാമിലി സ്കൂള്‍, കുട്ടമംഗലം എസ് എന്‍ വി സ്കൂൾ എന്നിവിടങ്ങളിലെ വിദ്യാർത്ഥികൾക്ക് പാലം വരുന്നതോടെ കടത്തുവള്ളത്തെ ആശ്രയിക്കാതെ സ്‌കൂളിൽ പോകാനാകും. അപ്രോച്ച് നിര്‍മ്മാണം പൂര്‍ത്തീകരിച്ച് വാഹനങ്ങള്‍ക്ക് കടന്നു പോകുന്ന സൗകര്യത്തിനായുള്ള നിര്‍മ്മാണ പ്രവൃത്തികള്‍ മാത്രമാണ് ഇനി ബാക്കിയുള്ളത്.