തോമസ് ചാണ്ടിയുടെ നിര്യാണത്തെ തുടര്ന്ന് കുട്ടനാട് സീറ്റിനെ ചൊല്ലി കേരള കോണ്ഗ്രസ് എമ്മില് തര്ക്കം രൂക്ഷമായിരിക്കെ സ്ഥാനാര്ത്ഥിയെ നിര്ണ്ണയിച്ച് ജോസ് വിഭാഗം.... സീറ്റ് തങ്ങള്ക്കാണെന്ന് യുഡിഫ് നേതാക്കള് ഉറപ്പ് നല്കിയതായി ജോസ് കെ.മാണി എംപി
തോമസ് ചാണ്ടിയുടെ നിര്യാണത്തെ തുടര്ന്ന് ഒഴിവുവന്ന കുട്ടനാട് സീറ്റിനെ ചൊല്ലി കേരള കോണ്ഗ്രസ് എമ്മില് തര്ക്കം രൂക്ഷമായിരിക്കെ, സ്ഥാനാര്ത്ഥിയെ നിര്ണ്ണയിച്ച് ജോസ് വിഭാഗം. സീറ്റ് തങ്ങള്ക്കാണെന്ന് യുഡിഫ് നേതാക്കള് ഉറപ്പ് നല്കിയതായി ജോസ് കെ.മാണി എംപി. ഈ പാര്ട്ടി ചിഹ്നം സംബന്ധിച്ച് മാസം 13ന് തെരഞ്ഞെടുപ്പ് കമീഷന് നടത്തുന്ന അവസാന ഹിയറിങ് അനുകൂലമാകുമെന്ന പ്രതീക്ഷയിലാണ് ജോസ് വിഭാഗം. കുട്ടനാട്ടില് ഉപതെരഞ്ഞെടുപ്പിന്റെ പ്രവര്ത്തനങ്ങളിലേക്ക് കടക്കുകയാണ് ജോസ് കെ. മാണി വിഭാഗം.
സീറ്റില് അവകാശവാദം ഉന്നയിക്കുന്ന ജോസഫ് വിഭാഗത്തിന്റെ നീക്കങ്ങള് പൂര്ണ്ണമായും തടയുകയെന്നതാണ് ലക്ഷ്യം. തോമസ് ചാണ്ടിയുടെ കുടുംബത്തില് നിന്ന് എതിര്സ്ഥാനാര്ത്ഥി വന്നാല്, പാര്ട്ടി സംസ്ഥാന കമ്മിറ്റിയംഗവും ചമ്പക്കുളം ഡിവിഷന് ജില്ലാ പഞ്ചായത്ത് അംഗവുമായ ബിനു ഐസക്കിനെ മത്സരിപ്പിക്കാനാണ് തീരുമാനം.
അല്ലെങ്കില് സംസ്ഥാന കമ്മിറ്റിയംഗവും കോളേജ് അധ്യാപകനുമായ ഡോ. ഷാജോ കണ്ടകുടിയെ സ്ഥാനാര്ത്ഥിയാക്കും. ബൂത്ത് അടിസ്ഥാനത്തില് പ്രവര്ത്തനം തുടങ്ങാനും കുട്ടനാട്ടില് ചേര്ന്ന ജോസ് വിഭാഗത്തിന്റെ നേതൃയോഗം തീരുമാനിച്ചു. സീറ്റിന് വേണ്ടി ആരും അവകാശവാദം ഉന്നയിക്കേണ്ടെന്നും ജോസ് കെ മാണി പറഞ്ഞു. ഈ മാസം 13, 14 തീയതികളില് ചരല്ക്കുന്നില് ചേരുന്ന സംസ്ഥാന കമ്മിറ്റി കുട്ടനാട്ടിലെ തെരഞ്ഞെടുപ്പ് പ്രവര്ത്തനങ്ങള് വിലയിരുത്തും. അതേസമയം, കുട്ടനാട് സീറ്റ് തങ്ങള്ക്കാണെന്ന് കോണ്ഗ്രസ് നേതാക്കള് ഉറപ്പ് നല്കിയെന്ന അവകാശവാദവുമായി ജോസഫ് വിഭാഗവും രംഗത്തെത്തി.
"
https://www.facebook.com/Malayalivartha
