ജോയിന്റിനും ഹാള്‍ട്ടിനും ആവശ്യക്കാരേറെയും യുവതികള്‍; കഞ്ചാവ് പ്രതിയുടെ ഫോണിലേക്ക് വരുന്ന കാളുകൾ കണ്ടപ്പോൾ ഞെട്ടിയത് എക്സൈസ് ഉദ്യോഗസ്ഥർ ...കാര്യങ്ങൾ ഇത്രക്കങ്ങ് 'പുരോഗമിച്ചത് 'ഉദ്യോഗസ്‌ഥർ അറിഞ്ഞിട്ടില്ല

തൃശൂര്‍ ജില്ലയിൽ കഞ്ചാവ് വില്പന കൂടിവരുന്നു. കഞ്ചാവിന് ആവശ്യക്കാർ നിരവധി യാണെങ്കിലും പോലീസിനെ ഞെട്ടിച്ചത് മറ്റൊന്നാണ്. ആവശ്യക്കാരിൽ ഏറെയും സ്ത്രീകൾ ആയിരുന്നു

കഞ്ചാവ് വിതരണത്തിന്‍റെ കണ്ണികളെ കുടുക്കാൻ ജില്ലയിലാകെ എക്സൈസ് വിരിച്ച വലയിൽ ഒട്ടേറെ പ്രതികളാണ് കുടുങ്ങിയത്. ചില്ലറ വിതരണക്കാരിൽ മാത്രം നിൽക്കാതെ അന്വേഷണം മൊത്ത വിതരണക്കാരിലേക്ക് വ്യാപിപ്പിച്ചപ്പോൾ കുടുങ്ങിയത് വമ്പൻ സ്രാവുകൾ ..വൻ മാഫിയാ പ്രവര്‍ത്തനമാണ് കഞ്ചാവ് വിൽപ്പനയുമായി നടക്കുന്നത്

അന്വേഷണത്തിനിടക്ക് ജില്ലയിൽ കഞ്ചാവ് മൊത്തമായി വിതരണം നടത്തി വന്നിരുന്ന തൃശ്ശൂർ പള്ളിമൂല സ്വദേശി "പിഎം" വിഷ്ണു, കോലഴി സ്വദേശി കൃഷ്ണമൂർത്തി എന്നിവരെ പടിഞ്ഞാറെ കോട്ടയിൽ നിന്നും രണ്ടര കിലോ കഞ്ചാവുമായി പിടികൂടിയിരുന്നു. "പിഎം" എന്നത് വിഷ്ണുവിന്റെ ഇരട്ടപ്പേരാണ് .. ഉച്ച കഴിഞ്ഞ് മാത്രം കഞ്ചാവ് വിൽപ്പനക്ക് ഇറങ്ങിയിരുന്നത് കൊണ്ടാണത്രെ വിഷ്ണുവിന് പിഎം എന്ന ഇരട്ടപ്പേര് വന്നത്. PM എന്ന് പറഞ്ഞാൽ തൃശ്ശൂർ ജില്ലയിൽ കഞ്ചാവ് ഉപയോഗിക്കുന്ന എല്ലാവർക്കും അറിയാമെന്നാണ് എക്സൈസിന്‍റെ കണ്ടെത്തൽ.

PM പിടിയിലായതറിയാതെ പതിവ് സമയം കഴിഞ്ഞും കാണാത്തതിനാൽ അക്ഷമരായ ഇടപാടുകാർ വിഷ്ണുവിന്റെ ഫോണിലേക്ക് വിളിക്കാൻ തുടങ്ങിയപ്പോഴാണ് എക്സൈസ് ഉദ്യോഗസ്ഥർ ശരിക്കും ഞെട്ടിയത്.. ആവശ്യക്കാരിൽ ഏറെയും യുവതികൾ.... മാത്രമല്ല പലരും ആവശ്യപ്പെട്ടത് ജോയ്ന്റും ഹാൾട്ടും ആയിരുന്നു ...

യുവതികൾക്ക് ഉപയോഗിക്കുവാൻഉള്ള ലഹരിയുടെ പേരാണ് "ജോയിന്‍റ്" , കൂടെ സുരക്ഷിതമായി താമസിക്കുവാൻ "ഹാൾട്ട്" കൂടി ആവശ്യപ്പെടുന്നതായിരുന്നു ഫോൺവിളികളധികവും. കഞ്ചാവ് വലിച്ചു ലഹരിയിൽ വീട്ടിൽ പോകാൻ സാധികാത്ത കാരണമാണ് അവർക്കു താമസിക്കാൻ സൗകര്യം ഒരുക്കികൊടുക്കാറുള്ളത് എന്ന് പ്രതി പറഞ്ഞു. ഇതിനുള്ള പ്രതിഫലം അടക്കമുള്ള കാര്യങ്ങളിൽ ഇനിയും വ്യക്തത വരുത്താൻ എക്സൈസ് സംഘത്തിന് കഴിഞ്ഞിട്ടുമില്ല.

ഇത് വരെ കഞ്ചാവ് വിൽപ്പനയുമായി ബന്ധപ്പെട്ട് SCORE, JOINT, POST, എന്നീ വാക്കുകൾ മാത്രമാണ് കഞ്ചാവ് വിൽപ്പനക്കാരുടെ കോഡുകളായി കേട്ടിട്ടുളളത് .. "ഹാൾട്ട്" എന്ന വാക്ക് വില്പനകർക്കിടയിൽ കേൾക്കുന്നത് ആദ്യമാണെന്നാണ് എക്‌സൈസ് ഉദ്യോഗസ്ഥര്‍ പറയുന്നത്.

കഴിഞ്ഞ കുറച്ചു ദിവസങ്ങളിലായി തുടര്‍ച്ചയായി തൃശൂര്‍ നഗരത്തിലും ജില്ലയിലാകെയും നടക്കുന്ന പരിശോധനകളിലും റെയിഡുകളിലും പിടികൂടിയവരിൽ ഏറെയും യുവതികളും പ്രായപൂർത്തി ആകാത്ത യുവാക്കളും ആയിരുന്നു . ഇവരിൽ തന്നെ എച്ച്ഐവി വാഹകരും ഉണ്ടെന്ന ഞെട്ടിപ്പിക്കുന്ന വിവരങ്ങൾ ആണ് എക്‌സൈസിന് ലഭിച്ചിട്ടുള്ളത്. വരും ദിവസങ്ങളിൽ റൈഡുകൾ ശക്തമാക്കാനാണ് ഡെപ്യൂട്ടി എക്‌സൈസ് കമ്മിഷണർ പി കെ സനു നിർദ്ദേശം നൽകിയിട്ടുള്ളത്

കഴിഞ്ഞമാസം 11-)0 തീയ്യതി തൃശൂർ നടത്തറയിൽ നിന്നും കഞ്ചാവ് പ്രതികളെ അറസ്റ്റു ചെയ്യുന്ന സമയത്തു എക്‌സൈസ് ഉദ്യോഗസ്ഥർക്ക് നേരെ തോക്ക് ചൂണ്ടിയും കത്തികാട്ടിവിരട്ടിയും റോട്ട് വീലർ നായ്ക്കളെ അഴിച്ചുവിട്ടും പ്രതിരോധിച്ച് രക്ഷപ്പെടാൻ ശ്രമിച്ച കേസിന്റെ അന്വേഷണവും പുരോഗമിക്കുകയാണ്. ഇതിനിടെയാണ് മാഫിയ പ്രവര്‍ത്തനത്തിന്‍റെ ചുരുളഴിക്കുന്ന കൂടുതൽ വിവരങ്ങൾ പുറത്ത് വരുന്നത്. വന്‍തോതില്‍ ജില്ലയിലേക്ക് ക‍ഞ്ചാവ് ഇതരസംസ്ഥാനങ്ങളില്‍ നിന്ന് വരുന്നുണ്ട് എന്നും റിപ്പോർട്ടുകളുണ്ട്