ആര്‍എസ്എസ് സൈദ്ധാന്തികന്‍ പി പരമേശ്വരന്റെ നിര്യാണത്തില്‍ അനുശോചിച്ച് പ്രധാനമന്ത്രി നരേന്ദ്രമോഡി. ഭാരതമാതാവിന്റെ സമര്‍പ്പിതനായ പുത്രനായിരുന്നു പി പരമേശ്വരനെന്നും അദ്ദേഹത്തിന്റെ വിയോഗം വേദനയുളവാക്കുന്നു എന്നും മോഡി ട്വീറ്റ് ചെയ്തു. രാജ്യത്തിന്റെ സാംസ്‌കാരിക ഉണര്‍വിനും ആത്മിയ പരിഷ്‌കരണത്തിനും ദരിദ്രരെ സേവിക്കുന്നതിനും വേണ്ടി ഉഴിഞ്ഞുവെച്ച ജീവിതമായിരുന്നു അദ്ദേഹത്തിന്റേത്.

പരമേശ്വര്‍ജിയുടെ ചിന്തകള്‍ വിപുലവും രചനകള്‍ ശ്രദ്ധേയവുമായിരുന്നു. അദ്ദേഹം അജയ്യനായിരുന്നു മോഡി കുറിച്ചു.പി പരമേശ്വരനൊപ്പമുള്ള ചിത്രം പങ്കുവെച്ചുകൊണ്ടുള്ള മറ്റൊരു ട്വീറ്റില്‍ അദ്ദേഹവുമായി പലതവണ സംവദിക്കാന്‍ സാധിച്ചതില്‍ താന്‍ ഭാഗ്യവാനാണെന്നും മോഡി കുറിച്ചു. ഭാരതീയ വിചാര കേന്ദ്രം, വിവേകാനന്ദ കേന്ദ്രം തുടങ്ങിയ സ്ഥാപനങ്ങളെ പരിപോഷിപ്പിച്ചു. ഉയര്‍ന്ന ധീഷണാശാലിയായിരുന്നു. അദ്ദേഹത്തിന്റെ നിര്യാണം വേദനയുളവാക്കുന്നതാണ്. ഓം. ശാന്തി- മോഡി പറയുന്നു.