എറണാകുളത്ത് സൾഫ്യൂരിക് ആസിഡ് കയറ്റി വന്ന ടാങ്കർ ലോറിയിൽ തീപിടിത്തം. കൊച്ചി മട്ടാഞ്ചേരിയിലായിരുന്നു ഈ അപകടം ഉണ്ടായിരിക്കുന്നത്. ഷോർട്ട് സർക്യൂട്ടിനെ തുടർന്നായിരുന്നു ബാറ്ററിയോട് ചേർന്ന ഭാഗത്ത് തീപിടിച്ചത്. കൊച്ചിൻ പോർട്ട് ട്രസ്റ്റിലെ ഫയർ ഫോഴ്സ് യൂണിറ്റെത്തി തീയണക്കുകയും ചെയ്തു.

ഐലന്റിലെ പ്ലാൻറിൽ നിന്നുമായിരുന്നു സൾഫ്യൂരിക് ആസിഡ് നിറച്ച് പോയത്. ഈ ലോറിക്കായിരുന്നു തീപിടിച്ചത്. വാഹനത്തിന്റെ എഞ്ചിൻഭാഗം കത്തി നശിക്കുകയും ചെയ്തു . തീ പടർന്ന ഉടൻ ഡ്രൈവർ വാഹനത്തിൽ നിന്ന് പുറത്തേയ്ക്കിറങ്ങി. ആർക്കും പരിക്കില്ല. ഞായറാഴ്ച രാത്രി പത്തരയോടെ മട്ടാഞ്ചേരി ഹാൾട്ടിലാണ് സംഭവം. ടാങ്കറിന്റെ എഞ്ചിൻ ക്യാമ്പിനിലാണ് തീ പടർന്നത്. സമീപത്തെ പെട്രോൾ പമ്പിലെ തൊഴിലാളികൾ ഓടിയെത്തി തീ അണയ്ക്കാൻ ശ്രമിക്കുകയും ചെയ്തു . തുടർന്ന് മട്ടാഞ്ചേരി, ഐലന്റ് എന്നിവിടങ്ങളിൽ നിന്ന് ഫയർഫോഴ്സ് എത്തി തീ അണച്ചതിനാൽ വൻ അപകടം ഒഴിവായി. ലോറിയുടെ ടാങ്കറിൽ 16,500 ലിറ്റർ സൾഫ്യൂരിക് ആസിഡ് ഉണ്ടായിരുന്നു. എറണാകുളം ഭാഗത്തേയ്ക്ക് പോകുകയായിരുന്നു. ഷോർട്ട് സർക്യൂട്ടാണ് തീപിടിത്ത കാരണമെന്നാണ് പ്രാഥമിക വിലയിരുത്തൽ ഉള്ളത്.