ശ​ബ​രി​മ​ല കേ​സ് വി​ശാ​ല ബെ​ഞ്ചി​ന് വി​ട്ട​ത് ശ​രി​വ​ച്ച്‌ സു​പ്രീം​കോ​ട​തി. വിശാല ബെഞ്ചിന് വിട്ടത് ശരിയായ തീരുമാനം ആണെന്ന് സുപ്രീംകോടതി വ്യക്തമാക്കി. എന്നാല്‍ ഈ വിഷയം സംബന്ധിച്ച എതിര്‍പ്പുകളെല്ലാം സുപ്രീം കോടതി ചീഫ് ജസ്റ്റിസ് തള്ളി. കൂടാതെ ശബരിമല കേസിലെ പരിഗണനാ വിഷയങ്ങള്‍ തീരുമാനിച്ചു എന്നും കോടതി വ്യക്തമാക്കി. രണ്ട് വിഭാഗമായി കേസ് പരിഗണിക്കാനാണ് കോടതി തീരുമാനം. ചീഫ് ജസ്റ്റിസ് എസ് എ ബോബ്ഡെ അധ്യക്ഷനായ ഒമ്ബതംഗ ബെഞ്ചാണ് വിധി പ്രസ്താവിച്ചത്.

ഏഴ് വിഷയങ്ങളായിരിക്കും വിശാലബെഞ്ച് പരിഗണിക്കുന്നത്. ഭരണഘടന പ്രകാരമുള്ള മത സ്വാതന്ത്ര്യത്തിന്‍റെ പരിധി എന്താണ് എന്നതാണ് ആദ്യ പരിഗണനാവിഷയം മത സ്വാതന്ത്ര്യത്തിന്റെപരിധി ,മൊറാലിറ്റിയുടെ യുടെ അര്‍ത്ഥം., മതസ്വാതന്ത്ര്യത്തിനുള്ള അവകാശവും പ്രത്യേക മതവിഭാഗങ്ങള്‍ക്കുള്ള അവകാശവും മറ്റ് മൗലിക അവകാശവുമായി ബന്ധപ്പെടുന്നത് എങ്ങനെ? മത സ്വതന്ത്ര്യവും പ്രത്യേക മത വിഭാഗങ്ങള്‍ക്കുള്ള ( Religious denomination ) സ്വതന്ത്ര്യവും തമ്മിലുള്ള ബന്ധം?, പ്രത്യേക മതവിഭാഗങ്ങള്‍ക്ക് മൗലിക അവകാശം ഉന്നയിക്കാനാകുമോ?, മതവിഭാഗത്തിന് പുറത്തുള്ള ഒരാള്‍ക്ക് മതാചാരങ്ങളെ പൊതുതാല്പര്യ ഹര്‍ജിയിലൂടെ ചോദ്യം ചെയ്യാനാകുമോ?, തുടങ്ങിയവയാണ് പരിഗണനാ വിഷയങ്ങള്‍.

കോടതിയില്‍ ഉയര്‍ന്നു വന്ന നിയമപ്രശ്നങ്ങളെല്ലാം തള്ളിയാണ് സുപ്രീം കോടതി ഇത്തരത്തിലുള്ള നടപടിസ്വീകരിച്ചത് . 17ന് വാദം തുടങ്ങും. ഇരുവിഭാഗങ്ങള്‍ക്കും അഞ്ച് ദിവസം വീതമായിരിക്കും വാദത്തിന് ഉണ്ടാകുക.