തൃശ്ശൂര്‍ റൂറല്‍ കെ നയന്‍ സ്‌ക്വാഡിലെ ഹണി എന്ന നായ വീണ്ടും ഒരു നിർണ്ണായക പങ്ക് വഹിച്ചിരിക്കുന്നു . കുറ്റാന്വേഷണ മികവ് വീണ്ടും പുറത്തെടുത്ത ഹണി വീണ്ടും പോലീസ് സേനയ്ക്ക് പോൺ തിലകം ആയിരിക്കുകയാണ്. മണ്ണില്‍ പതിഞ്ഞ കാല്പാദത്തില്‍നിന്ന് മണംപിടിച്ചു പ്രതിയുടെ വീട്ടിലെത്തി കുടുക്കിയിരിക്കുകയാണ് ഹണി. തൃശ്ശൂര്‍ സിറ്റി പരിധിയിലായിരുന്നു ഈ സംഭവം നടന്നത്. ചാവക്കാട് വീട്ടുമുറ്റത്ത് നിര്‍ത്തിയിട്ടിരുന്ന രണ്ട് ഇരുചക്രവാഹനങ്ങള്‍ കത്തിച്ച കേസായിരുന്നു ഹണിയുടെ ഇടപെടലിലൂടെ കണ്ടെത്താൻ കഴിഞ്ഞത്. പ്രതിയുടെ മണ്ണില്‍ പതിഞ്ഞ കാല്പാദത്തില്‍ നിന്ന് മണം പിടിച്ച് ഹണി പ്രതിയുടെ വീട്ടിലെത്തുകയായിരുന്നു. ചാവക്കാട് തിരുവത്ര ദീനദയാല്‍ നഗറില്‍ കാഞ്ഞിരപ്പറമ്പില്‍ ജയപ്രകാശന്റെ വീട്ടുമുറ്റത്ത് നിര്‍ത്തിയിട്ടിരുന്ന സ്‌കൂട്ടറും ബൈക്കും കത്തിച്ച കേസായിരുന്നു അന്വേഷിച്ചത്. ശനിയാഴ്ചയായിരുന്നു ഹണിയുടെ കഴിവിലൂടെ പോലീസ് പ്രതി വാലിപ്പറമ്പില്‍ സുമേഷിനെ അറസ്റ്റുചെയ്തതും .വെള്ളിയാഴ്ച പുലര്‍ച്ചയായിരുന്നു ജയപ്രകാശിന്റെ വീട്ടുമുറ്റത്ത് നിര്‍ത്തിവെച്ചിരുന്ന രണ്ട് ഇരുചക്രവാഹനങ്ങള്‍ സാമൂഹികവിരുദ്ധര്‍ കത്തിച്ചത്.

തീ ആളിപ്പടര്‍ന്ന് ജനല്‍ ചില്ലുകള്‍ തകർന്നു പോയിരുന്നു. ജയപ്രകാശിന്റെ മകന്‍ കിടന്നിരുന്ന മുറിയിലെ കട്ടിലും ഭാഗികമായി കത്തിനശിക്കുകയും ചെയ്തിരുന്നു. സംഭവത്തെത്തുടര്‍ന്ന് എസ്.പി.യുടെ നിര്‍ദ്ദേശപ്രകാരമാണ് ഹണിയെ ഇരിങ്ങാലക്കുട കാട്ടുങ്ങച്ചിറയില്‍ പ്രവര്‍ത്തിക്കുന്ന റൂറല്‍ കെ. നയന്‍ (k9) സ്‌ക്വാഡ് ഇന്‍ചാര്‍ജ് പി.ജി. സുരേഷിന്റെ നേതൃത്വത്തില്‍ അന്വേഷണത്തിനായി എത്തിച്ചതും  സംഭവം നടന്ന വീടിന്റെ പിറകുവശത്ത് മണ്ണില്‍ പതിഞ്ഞുകിടന്ന പ്രതിയുടെ ഒരു കാല്പാദത്തില്‍നിന്നുമായിരുന്നു മണംപിടിച്ചതും. തുടർന്ന് ഹണി അന്വേഷണം തുടങ്ങുകയായിരുന്നു . കത്തിച്ച വണ്ടികള്‍ക്കുസമീപമെത്തിയ ഹണി അതിനുശേഷം വീടിനു പിറകിലുള്ള പറമ്പുകളിലൂടെയും പിന്നീട് റോഡിലൂടെയുമായി ഏകദേശം അഞ്ചൂറുമീറ്ററോളം സഞ്ചരിച്ചായിരുന്നു പ്രതിയുടെ വീട്ടില്‍ കയറിച്ചെന്നു നിന്നതും . വളരെ കുറച്ച കാലത്തിനുള്ളില്‍ ചാലക്കുടി ഇടശ്ശേരി ജൂവലറി മോഷണം നടത്തിയ ഹോളിഡേ റോബേഴ്സിനെ പിടികൂടുന്നതിനും മതിലകം കട്ടന്‍ ബസാര്‍ കൊലപാതകവുമടക്കം നിരവധി കേസുകള്‍ക്ക് തെളിവുകള്‍ കണ്ടെത്താന്‍ സഹായിച്ചതും ഹണിഎന്ന ഈ പോലീസ് നായയാണ്.