ഫ്രെബുവരി 14ന് പ്രണയ ദിനത്തില്‍ ആഘോഷങ്ങള്‍ നടത്താന്‍ അനുവദിക്കില്ലെന്ന ഭീഷണിയുമായി സംഘപരിവാര്‍ എത്തിയ സാഹചര്യത്തിൽ വ്യത്യസ്തമായ ആശയവുമായി ഡി വൈ എഫ് ഐ. മറ്റ് അനുകൂല സംഘടനകളും ഭീഷണിയുമായി രംഗത്തെത്തിയിരിക്കുകയാണ്. പക്ഷേ ഇത്തരം വെല്ലുവിളികളെ തള്ളിക്കളഞ്ഞ് പ്രണയദിനാഘോഷങ്ങള്‍ക്ക് ഡിവൈഎഫ്ഐ പാനൂരില്‍ നടത്തുന്ന പ്രണയലേഖന മത്സരം പ്രാധാന്യം അർഹിക്കുന്നു . . പൗരത്വ ഭേദഗതി നിയമത്തിനെതിരെ രാജ്യമെമ്പാടും പ്രതിഷേധങ്ങള്‍ തുടരുന്ന സാഹചര്യത്തിലാണ് ഡിവൈഎഫ്ഐ പ്രണയ ലേഖന മത്സരം നടത്തുന്നത്. വിഷയം 'സിഎഎ' (പൗരത്വ ഭേദഗതി നിയമം) ആണ് .

ഡിവൈഎഫ്ഐ കരിയാട് മേഖലാ കമ്മിറ്റിയുടെ നേതൃത്വത്തിലാണ് മത്സരം നടക്കുന്നത്. ഭിന്നിപ്പിക്കുന്നവരുടെ കാലത്തെ ചേര്‍ത്ത് പിടിക്കലുകളാണ് പ്രണയലേഖന മത്സരത്തിലൂടെ ഉദ്ദേശിക്കുന്നതെന്നും അവർ വ്യക്തമാക്കി . പൗരത്വ ഭേതഗതി നിയമത്തിനെതിരെയും പ്രണയിക്കുന്നവരെ തല്ലിയോടിക്കാനെത്തുന്നുവര്‍ക്കുമുള്ള സര്‍ഗാത്മകമായ പ്രതിഷേധമാണ് ഈ മത്സരമെന്നും ഡിവൈഎഫ്ഐ കരിയാട് മേഖലാ കമ്മിറ്റി സെക്രട്ടറി പറഞ്ഞു.