നിയമസഭാ തെരഞ്ഞെടുപ്പ് ഫല പ്രഖ്യാപനം വരുന്നതിനു തൊട്ടുമുന്‍പ് സത്യ പ്രതിജ്ഞാ ചടങ്ങിലേക്ക് പശ്ചിമ ബംഗാള്‍ മുഖ്യമന്ത്രി മമത ബാനര്‍ജിയെ ക്ഷണിച്ച് ആംആദ്മി പാര്‍ട്ടി അധ്യക്ഷന്‍ അരവിന്ദ് കേജരിവാള്‍. ടെലിഫോണിലൂടെയാണ് മമതയെ കേജരിവാള്‍ ക്ഷണിച്ചത്. ദേശീയ മാധ്യമമാണ് ഇക്കാര്യം റിപ്പോര്‍ട്ട് ചെയ്തത്.തങ്ങള്‍ തന്നെയാണ് ഇലക്ഷനില്‍ ജയിക്കുന്നതെന്ന ആത്മ വിശ്വാസം കൊണ്ടാണ് കെജ്രിവാള്‍ മമതയെ സത്യപ്രതിജ്ഞാ ചടങ്ങിലേക്ക് ക്ഷണിച്ചത്.
എക്സിറ്റ് പോള്‍ ഫലങ്ങള്‍ പുറത്ത് വന്നതിനു ശേഷമായിരുന്നു ഇരുവരും സംസാരിച്ചത്. ചടങ്ങില്‍ സംബന്ധിക്കാന്‍ മമത എത്തുമെന്ന് കേജരിവാളിന്റെ ഓഫീലെ ഉദ്യോഗസ്ഥരും അറിയിച്ചു.