കാറില് കടത്തുകയായിരുന്ന 60 വെടിയുണ്ടകള് എക്സൈസ് പിടിച്ചെടുത്തു; കാറിന്റെ ഡിക്കിക്കടിയില് ഒളിപ്പിച്ചുവച്ച നിലയിലായിരുന്നു വെടിയുണ്ടകള്
കണ്ണൂര് കിളിയന്തറയില് കാറില് കടത്തുകയായിരുന്ന 60 വെടിയുണ്ടകള് എക്സൈസ് പിടിച്ചെടുത്തു. ആറു പാക്കറ്റുകളിലായി കാറിന്റെ ഡിക്കിക്കടിയില് ഒളിപ്പിച്ച് കടത്തിയ വെടിയുണ്ടകളാണ് കര്ണാടക അതിര്ത്തിയിലെ ചെക്ക്പോസ്റ്റില് വച്ച് എക്സൈസ് പിടിച്ചത്. ആള്ട്ടോ കാറില് കടത്തുകയായിരുന്ന വെടിയുണ്ടകളാണ് എക്സൈസ് ഇന്സ്പെക്ടര് ബി. വിഷ്ണുവിന്റെ നേതൃത്വത്തിലുള്ള സംഘം കണ്ടെടുത്തത്. നാടന് തോക്കില് ഉപയോഗിക്കുന്ന വെടിയുണ്ടകളാണ് ഇവയെന്ന് പോലീസ് പറഞ്ഞു. സംഭവവുമായി ബന്ധപ്പെട്ട് തില്ലങ്കേരി മച്ചൂര്മല സ്വദേശി പ്രമോദിനെ കസ്റ്റഡിയിലെടുത്തു.നേരത്തെ, കൊല്ലം കുളത്തുപ്പുഴയില് ഉപേക്ഷിക്കപ്പെട്ട നിലയില് 14 വെടിയുണ്ടകള് പോലീസ് കണ്ടെടുത്തിരുന്നു. ചോഴിയാക്കോട് മുപ്പത്തടി പാലത്തിനടിയില് നിന്നുമാണ് വെടിയുണ്ടകള് ലഭിച്ചത്. സായുധ സേന ഉപയോഗിക്കുന്ന തോക്കിന്റെ തിരകളാണെന്നാണു പോലീസിന്റെ പ്രാഥമിക നിഗമനം.
https://www.facebook.com/Malayalivartha