ബന്ധുവീട്ടില്‍ ഉത്സവം കാണാനെത്തിയ യുവതിക്ക് മുന്നില്‍ 'രക്ഷകനായും വില്ലനായും എത്തിയത് മൊബൈല്‍ ഫോണ്‍'.വൈരങ്കോട് വലിയ തീയാട്ടുത്സവത്തിന്റെ വരവ് കാണാന്‍ ബന്ധുവീട്ടിലെത്തിയതായിരുന്നു എടക്കുളം സ്വദേശിയായ യുവതി. കഴിഞ്ഞ ദിവസം രാത്രി കുത്തുകല്ലില്‍നിന്ന് കാളവരവ് കാണുന്നതിനിടെ യുവതിയുടെ ഫോണിലേക്ക് കോല്‍ വരികയും ഫോണില്‍ സംസാരിച്ചു നടക്കുന്നതിനിടെ ആള്‍മറയില്ലാത്ത കിണറ്റില്‍ വീഴുകയുമായിരുന്നു.കിണറ്റിലകപ്പെട്ട യുവതി ഫോണില്‍ ബന്ധുക്കളെ വിവരമറിയിച്ചു. തുടര്‍ന്ന് തിരൂരില്‍നിന്നെത്തിയ അഗ്‌നിരക്ഷാ സേനയാണ് യുവതിയെ കരയ്‌ക്കെത്തിച്ചത്. യുവതി പരിക്കേല്‍ക്കാതെ രക്ഷപ്പെട്ടു.