ഒന്നരവയസ്സുകാരന്റെ കൊലപാതകം... കുഞ്ഞ് കൊല്ലപ്പെടും മുന്‍പ് ശരണ്യയുടെ കാമുകന്‍ വീടിനടുത്ത് വന്നു, കാമുകന്‍ ശരണ്യയുടെ വീടിന് പുറകുവശത്തായി നില്‍ക്കുന്നത് താന്‍ കണ്ടുവെന്ന് ദൃക്‌സാക്ഷി
തയ്യിലില്‍ ഒന്നരവയസ്സുകാരനെ കൊലപ്പെടുത്തിയ സംഭവത്തില്‍ പുതിയ വെളിപ്പെടുത്തലുകള്‍ പുറത്തുവരുകയാണ്. കുഞ്ഞിനെ മാതാവായ ശരണ്യ കൊലപ്പെടുത്തുന്നതിന് തൊട്ടുമുന്‍പത്തെ ദിവസം വലിയന്നൂര്‍ സ്വദേശിയായ ഇവരുടെ കാമുകന്‍ ശരണ്യയുടെ വീടിന്റെ സമീപം വന്നിരുന്നു എന്ന വിവരമാണ് ഇപ്പോള്‍ പുറത്തുവരുന്നത്. ശരണ്യയുടെ വീടിന് പുറകുവശത്തായി ഇയാള്‍ നില്‍ക്കുന്നത് താന്‍ കണ്ടുവെന്ന് ഒരു ദൃക്‌സാക്ഷിയാണ് പൊലീസിനെ അറിയിച്ചത്.
എന്തിനാണ് ഇവിടെ നില്‍കുന്നതെന്ന് ഇയാള്‍ ചോദിച്ചപ്പോള്‍ മെയിന്‍ റോഡില്‍ പൊലീസ് നില്‍ക്കുന്നുണ്ടെന്നും മദ്യപിച്ചതിനാല്‍ അതുവഴി പോകാന്‍ സാധിക്കില്ലെന്നും കാമുകന്‍ മറുപടി പറഞ്ഞു. തുടര്‍ന്ന് പൊലീസുകാര്‍ അവിടെനിന്നും പോയപ്പോള്‍ ഇയാളും സ്ഥലം വിട്ടുവെന്നാണ് ദൃക്‌സാക്ഷി പൊലീസിന് മൊഴി നല്‍കിയത്. ശരണ്യയുടെ കാമുകന്‍ ഇതുവഴി ബൈക്കിലൂടെ കടന്നുപോകുന്ന ദൃശ്യങ്ങള്‍ പൊലീസിന് ലഭിച്ചിട്ടുണ്ട്.
https://www.facebook.com/Malayalivartha
