ഇതര സംസ്ഥന തൊഴിലാളികൾ നിരവധിപേരാണ് നമ്മുടെ സംസ്ഥാനത്ത് ഉപജീവനത്തിനായി എത്തുന്നത്. അതിൽ ചിലരൊക്കെ കുറ്റവാസനകൾ ഉള്ളവരാണ് എങ്കിൽ പോലും ഭൂരിഭാഗം പേരും മാന്യമായ വേതനവും തൊഴിലും കേരളത്തിൽ ലഭ്യമായതിനാലാണ്‌ കേരളത്തെ അവരുടെ ആശ്രയമാക്കി മാറ്റിയതും.പക്ഷെ നമ്മൾ മലയാളികൾക്ക് പലപ്പോഴും ഇങ്ങനെ നമ്മുടെ നാട്ടിൽ ഉപജീവനത്തിന് എത്തുന്നവരോട്പുച്ഛ മനോഭാവമാണ് . അതുകൊണ്ടുതന്നെ പലപ്പോഴും പലവിധ ചൂഷണങ്ങൾക്കും അവരും വിധേയരാകാറുണ്ട്.അതിൽ ചിലതു മാത്രമേ പുറംലോകം അറിയാറുള്ളു എന്നതാണ് വസ്തുത. ഇപ്പോഴിതാ തിരുവനതപുരം മുക്കോലയിൽ പിറകോട്ട് എടുത്ത ഓട്ടോ ശരീരത്ത് തട്ടിയതിനെ ചോദ്യം ചെയ്ത ഇതര സംസ്ഥാന തൊഴിലാളിക്ക് ഡ്രൈവറുടെ മർദ്ദനമേറ്റു എന്ന വാർത്തയാണ് പുറത്തു വരുന്നത് . വിഴിഞ്ഞം മുക്കോലയിലാണ് സംഭവം. പൊതുജന മധ്യത്തിലായിരുന്നു അതിക്രമം. ഗൗതം മണ്ഡൽ എന്ന തൊഴിലാളിയെയാണ് മുക്കോല ഓട്ടോസ്റ്റാൻറിലെ കടല എന്നു വിളിപ്പേരുള്ള സുരേഷ് കയ്യേറ്റം ചെയ്തതും അസഭ്യവര്‍ഷ നടത്തിയതും.

മുക്കോലയിലെ മൊബൈൽ കടയിൽ റീചാർജ് ചെയ്യാൻ എത്തിയതായിരുന്നു ഗൗതം. ഇതിനിടെയാണ് അശ്രദ്ധമായി പിന്നിലേക്ക് എടുത്ത സുരേഷിന്റെ ഓട്ടോറിക്ഷ ഗൗതമിന്റെ ശരീരത്തിൽ തട്ടുന്നത്. എന്താ എന്ന് ഗൗതം ചോദിച്ചതോടെ പ്രകോപിതനായ സുരേഷ് ഗൗതമിനെ പൊതുരെ അസഭ്യം പറയുകയും കയ്യേറ്റം ചെയ്യുകയുമായിരുന്നു.പിന്നാലെ സ്വന്തം ഐഡി കാർഡ് പുറത്തെടുത്ത് താൻ‌ മുക്കോലക്കാരൻ ആണെന്നും നീയൊക്കെ എവിടെന്ന് വന്നെടാ എന്ന് അറിയണം എന്നും ആക്രോശിക്കുയും ഗൗതമിന്റെ ഐഡി കാര്‍ഡ് വാങ്ങിക്കുകയുമായിരുന്നു. പിന്നാലെ രണ്ട് തവണ ഇയാളുടെ മുഖത്ത് അടിക്കുകയും ചെയ്യുന്നുണ്ട്. ശേഷം ഗൗതമിന്‍റെ കാർഡ് പിടിച്ചു വാങ്ങിയ സുരേഷ് നീയിത് നാളെ പോലീസ് സ്റ്റേഷനിൽ വന്നു വാങ്ങെടാ " എന്നു പറഞ്ഞു അസഭ്യ വർഷത്തോടൊപ്പം പറയുന്നുണ്ട്.ഇതിന്റെ വീഡിയോ ദൃശ്യങ്ങളിലും ഇക്കാര്യങ്ങൾ വ്യക്തമാണ്. നേരത്തെയും ഇയാൾ ഇതര സംസ്ഥാന തൊഴിലാളികളെ കയ്യേറ്റം ചെയ്തിട്ടുണ്ടെന്നും ആരോപണമുണ്ട്.