ജില്ലാ അധ്യക്ഷ സ്ഥാനത്തെ ചൊല്ലി ബിജെപി കാസര്ഗോഡ് ജില്ലാ കമ്മിറ്റിയില് പൊട്ടിത്തെറി; രവീശതന്ത്രി കുണ്ടാര് രാജിവച്ചു; ഗ്രൂപ്പിന്റെ ഭാഗമല്ലാത്തവര്ക്ക് പാര്ട്ടിയില് വളരാനുള്ള സാഹചര്യമില്ലെന്ന് രവീശ തന്ത്രി കുണ്ടാറിന്റെ ആരോപണം
ജില്ലാ അധ്യക്ഷ സ്ഥാനത്തെ ചൊല്ലി ബിജെപി കാസര്ഗോഡ് ജില്ലാ കമ്മിറ്റിയില് പൊട്ടിത്തെറി. ബിജെപി സംസ്ഥാന സമിതി അംഗം രവീശതന്ത്രി കുണ്ടാര് പാര്ട്ടിയില്നിന്ന് രാജിവച്ചു. ഗ്രൂപ്പിന്റെ ഭാഗമല്ലാത്തവര്ക്ക് പാര്ട്ടിയില് വളരാനുള്ള സാഹചര്യമില്ലെന്ന് രവീശ തന്ത്രി കുണ്ടാര് ആരോപിച്ചു. തെരഞ്ഞെടുപ്പ് പരാജയത്തിനു കാരണം ബിജെപിയിലെ ഗ്രൂപ്പിസമാണ്.
പ്രശ്നങ്ങള് നേതൃത്വത്തെ അറിയിച്ചിട്ടും നടപടിയുണ്ടായില്ല. രാഷ്ടീയ പ്രവര്ത്തനം അവസാനിപ്പിക്കുകയാണെന്ന് രവീശതന്ത്രി കുണ്ടാര് പറഞ്ഞു. ജില്ലാപ്രസിഡന്റായി കെ. ശ്രീകാന്തിനെ നിയമിച്ചതിനെത്തുടര്ന്നാണ് ജില്ലാ കമ്മിറ്റിയില് പൊട്ടിത്തെറിയുണ്ടായത്. ജില്ലാ പ്രസിഡന്റ് സ്ഥാനത്തേക്ക് രവീശതന്ത്രിയേയും പരിഗണിച്ചിരുന്നു. എന്നാല് അപ്രതീക്ഷിതമായി കെ.ശ്രീകാന്ത് നാലാമതും ജില്ലാ പ്രസിഡന്റായി തെരഞ്ഞെടുക്കപ്പെടുകയായിരുന്നു.
https://www.facebook.com/Malayalivartha