തിരൂരില് കിണറ്റില് വീണ് യുവതിയെ രക്ഷിച്ച് എസ് ഐ ജലീല് കറുത്തേടത്തിന് മുഖ്യമന്ത്രിയുടെ അഭിനന്ദനം; ഫേയ്സബുക്ക് പോസ്റ്റലൂടെയാണ് അദ്ദേഹം പോലീസ് ഉദ്യേഗസ്ഥര്ക്ക് അഭിനന്ദനം അറിയിച്ചത്; ഒരു പ്രതിസന്ധി ഘട്ടത്തില് ധൈര്യം കൈവിടാതെ അദ്ദേഹം പ്രവര്ത്തിച്ചുവെന്നും അനുകരണീയമായ മാതൃകയാണിതെന്നും മുഖ്യമന്ത്രി
കഴിഞ്ഞ ദിവസം തിരൂര് വൈരങ്കോട് വേലയ്ക്കിടെയാണ് യുവതി അബദ്ധത്തില് ആള്മറയില്ലാത്ത കിണറ്റില് വീഴുന്നത്. ഫോണില് സംസാരിക്കുന്നതിനിടെ അബദ്ധത്തില് കിണറ്റില് വീഴുകയായിരുന്നു. തുടര്ന്ന് യുവതി തന്നെയാണ് മൊബൈലില് വിളിച്ച് ബന്ധുക്കളെ അറിയിക്കുന്നത്. തുടര്ന്ന് ബന്ധുക്കള് പോലീസില് അറിയിക്കുകയും. വിവരമറിഞ്ഞ് എത്തിയ എസ് ഐ യും പോലീസുകാരും അഗ്നിരക്ഷാ സേന വരുന്നതിന് മുമ്പ് തന്നെ കിണറ്റിലിറങ്ങാനുള്ള ഒരുക്കങ്ങള് തുടങ്ങിയിരുന്നു. തുടര്ന്ന് അഗ്നിരക്ഷാ സേന എത്തിയതോടെ എസ് ഐ യുടെ നേതൃത്വത്തില് തന്നെ യുവതിയെ കിണറ്റില് നിന്നും പുറത്തെടുക്കുകയായിരുന്നു.
തിരൂര് വൈരങ്കോട് ഉത്സവത്തിനിടെ കിണറ്റില് വീണ യുവതിയെ സാഹസികമായി രക്ഷപ്പെടുത്തിയ തിരൂര് എസ്. ഐ ജലീല് കറുത്തേടത്തിനും സഹപ്രവര്ത്തകര്ക്കും അവര്ക്കു പിന്തുണ നല്കിയ നാട്ടുകാര്ക്കും അഭിനന്ദനങ്ങള്. ഫോണ് ചെയ്യുന്നതിനിടയില് ആള്മറയില്ലാത്ത കിണറില് വീണുപോയ യുവതിയെ രക്ഷിക്കാനുള്ള ശ്രമങ്ങള്ക്ക് അദ്ദേഹം മനസ്സാന്നിദ്ധ്യത്തോടെ നേതൃത്വം നല്കുകയുണ്ടായി. ഫയര് ഫോഴ്സ് വരുന്നതിനു മുന്പു തന്നെ അദ്ദേഹം അവരുടെ സുരക്ഷിതത്വം ഉറപ്പു വരുത്തി. ഒരു പ്രതിസന്ധി ഘട്ടത്തില് ധീരത കൈവിടാതെ അദ്ദേഹം പ്രവര്ത്തിച്ചു. അനുകരണീയമായ മാതൃകയാണിത്.എന്നായിരുന്നു മുഖ്യമന്ത്രിയുടെ ഫേസ്ബുക് പോസ്റ്റ് .
വൈരങ്കോടുത്സവം കാണുവാൻ ബന്ധു വീട്ടിലെത്തിയ യുവതി ഫോൺ വന്നപ്പോൾ മാറി നിന്ന് സംസാരിക്കുന്നതിനിടെ ആൾമറയില്ലാത്ത കിണറ്റിലേക്ക് അബദ്ധത്തിൽ വീഴുകയായിരുന്നു. പരശ്ശേരി നാസറിൻറെ ഉടമസ്ഥതയിലുള്ള കിണറിലേക്കാണ് യുവതി വീണത്. അമ്പതടിയോളം താഴ്ചയുള്ള കിണറാണ്. കിണറ്റിനുള്ളിൽ ഉണ്ടായിരുന്ന മരങ്ങളുടെ വേരിൽ തടഞ്ഞ് നിന്ന യുവതി തന്നെയാണ് ഫോൺ ചെയ്ത് അപകട വിവരം ബന്ധുക്കളെ അറിയിച്ചത്.
ഫയർഫോഴ്സിനെ വിവരമറിയിച്ചെങ്കിലും വൈരങ്കോട് ഉത്സവത്തിന്റെ ഭാഗമായി വാഹനങ്ങൾ ബ്ളോക്കായതിനാൽ ആംബുലൻസിൽ സംഘം എത്താൻ വൈകി. ഈ സമയത്ത് ഉത്സവത്തിന് ഡ്യൂട്ടിയിലുണ്ടായിരുന്ന തിരൂർ എസ്.ഐ ജലീൽ കറുത്തേടത്ത് സംഭവ സ്ഥലത്തി.
കിണറിന് സമീപത്ത് ഉണ്ടായിരുന്ന പുൽകാടുകൾ നാട്ടുകാരും ഫയർഫോഴ്സും ചേർന്ന് വെട്ടിമാറ്റി. ഫയർഫോഴ്സിന്റെ കയർ ഉപയോഗിച്ച് എസ്.ഐ സാഹസികമായി കിണറ്റിലേക്ക് ഇറങ്ങി യുവതിയെ രക്ഷപ്പെടുത്തുകയായിരുന്നു.കുണ്ടിലങ്ങാടി സ്വദേശിനിയായ യുവതിയെ പിന്നീട് തിരൂരിലെ സ്വകാര്യ ആശുപത്രിയിലേക്ക് മാറ്റി.
എന്തായാലും ഫോൺ വിളി കൊണ്ടുണ്ടായ അപകടത്തിൽനിന്നും ഫോൺ തന്നെ യുവതിക്ക് രക്ഷയായിരിക്കുകയാണ്.കിണറിൽ വീണപ്പോൾ പതറാതെ അവസോരിചതമായ ഇടപെടൽ നടത്തിയതാണ് യുവതിക്ക് രക്ഷയായത്.
https://www.facebook.com/Malayalivartha