കേരളത്തില് വീണ്ടും ആത്മഹത്യ... മദ്യം ലഭിക്കാത്തതിനെ തുടര്ന്ന് കായംകുളത്ത് ഒരാള് തൂങ്ങിമരിച്ചു
മദ്യം കിട്ടാത്തതിനെ തുടര്ന്ന് കേരളത്തില് വീണ്ടും ആത്മഹത്യ. കായംകുളം പുതുപ്പള്ളി സ്വദേശി രമേശന് (40) ആണ് വീട്ടിനുള്ളില് തൂങ്ങിമരിച്ചത്. കഴിഞ്ഞ ദിവസം മദ്യം ലഭിക്കാത്തതിനെ തുടര്ന്ന് അസ്വസ്ഥത പ്രകടിപ്പിച്ച യുവാവ് തൂങ്ങി മരിച്ച നിലയില്. കണ്ണാടി വെളിച്ചം സ്റ്റേഡിയത്തിനു സമീപം തട്ടാന്റെ വളപ്പില് കെ സി വിജില് (28) ആണ് മരിച്ചത്. ഇയാള് സ്ഥിരം മദ്യപാനിയായിരുന്നു മദ്യം ലഭിക്കാത്തതിനെ തുടര്ന്ന് രാവിലെ മുതല് മാനസിക അസ്വസ്ഥത പ്രകചിപ്പിച്ചിരുന്നു. 10 മണിയോടെ വീട്ടിനകത്ത് തൂങ്ങി മരിച്ച നിലയില് കാണപ്പെടുകയായിരുന്നു. തൃശൂര് വെങ്ങിണിശ്ശേരിയില് മദ്യം ലഭിക്കാത്തതിലുള്ള മനോവിഷമത്തില് കെട്ടിട്ട നിര്മ്മാണ തൊഴിലാളിയും ജീവനൊടുക്കിയിരുന്നു. തൃശൂര് വെങ്ങിണിശേരി സ്വദേശി ഷൈബു (47) ആണ് മരിച്ചത്. ആറാട്ടുകടവ് ബണ്ട് ചാലില് മുങ്ങി മരിച്ച നിലയിലാണ് ഷൈബുവിനെ കണ്ടെത്തിയത്. ഇന്നലെ മണിക്കൂറുകളുടെ ഇടവേളയില് മദ്യം ലഭിക്കാത്തതിനെ തുടര്ന്ന് രണ്ടുപേരെയാണ് ആത്മഹത്യ ചെയ്ത നിലയില് കണ്ടെത്തിയത്. തിരുവനന്തപുരത്തും തൃശൂരുമാണ് മദ്യം ലഭിക്കാത്തതിനെ തുടര്ന്ന് ജീവനൊടുക്കിയത്.തിരുവനന്തപുരം മാരായമുട്ടം സ്വദേശി കൃഷ്ണന് കുട്ടിയും തൃശൂര് കൊടുങ്ങല്ലൂരില് നാരായണമംഗലം സ്വദേശി സുനീഷുമാണ് മരിച്ചത്. ഞായറാഴ്ച തന്നെ കോട്ടയത്ത് മദ്യം കിട്ടാത്തതിനെ തുടര്ന്ന് 45 കാരന്റെ ആത്മഹത്യ ശ്രമവും ഉണ്ടായി. ചങ്ങനാശേരിയില് കെട്ടിടത്തിന്റെ മുകളില് നിന്ന് ചാടുകയായിരുന്നു.
https://www.facebook.com/Malayalivartha