മലയാളികളുടെ പ്രിയ ഭക്ഷണമാണ് ഇഡലി. പതിവായി ഇഡ്‌ലി കഴിക്കുന്നവരാണെങ്കിലും ഇഡ്‌ലിക്കും ഒരു ദിനമുണ്ടെന്ന്ന് അധികം ആർക്കും അറിയാൻ വഴിയില്ല. എന്നാൽ മാര്‍ച്ച് 30 ആണ് ആ ദിനം. എന്നാൽ ഇഡ്‌ലി പ്രേമികളില്‍ പലരും സമൂഹമാധ്യമങ്ങളില്‍ തങ്ങളുടെ പ്രിയ വിഭവത്തിന്റെ ചിത്രം പങ്കുവെക്കുകയാണ്. ശശി തരൂര്‍ എംപിയും ആ കൂട്ടത്തിലുണ്ട്.

എന്നാലോ പ്ര ഭാത ഭക്ഷണം പങ്കുവച്ച തിരുവനന്തപുരം എംപി ശശി തരൂരിന് സോഷ്യല്‍ മീഡിയയില്‍ ട്രോള്‍ അഭിഷേകമാണ് ഏറ്റുവാങ്ങേണ്ടിവന്നത്. ലോക ഇഡലി ദിനമായ ഇന്ന് പോസ്റ്റ് ചെയ്ത ചിത്രത്തിന്റെ പേരിലാണ് തരൂരിന് ട്രോള്‍ അഭിഷേകം ലഭിച്ചിരിക്കുന്നത്. മൂന്ന് ഇഡലിക്കൊപ്പം പത്ത് കറികളുടെ ചിത്രമാണ് തരൂര്‍ പങ്കുവച്ചിരിക്കുന്നത്.

'എല്ലാ ദിവസവും ഇഡലി ദിനങ്ങളാണ്. പക്ഷേ മാര്‍ച്ച്‌ 30 ലോക ഇഡലി ദിനമാണ്. മനുഷ്യനോ ദൈവമോ നിര്‍മ്മിച്ച ഏറ്റവും മനോഹരമായ പ്രഭാത ഭക്ഷണം' എന്ന കുറിപ്പോടെയാണ് തരൂര്‍ ചിത്രം പോസ്റ്റ് ചെയ്തത്.

മൂന്ന് ഇഡലിക്ക് പത്ത് കറികളാണ് ചിത്രത്തില്‍ കാണുന്നത്. ഇതോടെ ട്രോളന്‍മാര്‍ രംഗത്തെത്തി. മൂന്ന് ഇഡലി കഴിക്കാന്‍ ഇത്രയും കറിയോ എന്നാണ് ഇവരുടെ പ്രധാന ചോദ്യം. മൂന്ന് ഇഡ്‌ലിയും വിവിധ തരം ചട്‌നികളും സാമ്പാറും രസവും തരൂര്‍ പങ്കുവെച്ച ചിത്രത്തില്‍ കാണാം. ചിത്രം പെട്ടന്ന് തന്നെ സമൂഹമാധ്യമങ്ങളില്‍ വൈറലായി. നിരവധി പേരാണ് ചിത്രം ലൈക്ക് ചെയ്തത്. രസകരമായ കമന്റുകളുമായും ചിലരെത്തി. ഇഡ്‌ലി ദിനമോ അതോ ചട്‌നി ദിനമോ എന്നാണ് കമന്റ് ചെയ്തതില്‍ അധികം പേരും ചോദിച്ചത്. ഞാന്‍ ഇഡ്‌ലി തിരയുകയായിരുന്നു എന്ന് മറ്റൊരാളുടെ കമന്റ്. ചിത്രത്തില്‍ കൊടുത്തിരിക്കുന്ന ചട്നികളും പൊടിയും കണ്ടെത്താനുള്ള ശ്രമവും ചിലര്‍ നടത്തി.

കോവിഡ് കാലത്ത് ജനങ്ങള്‍ ഭക്ഷണം കിട്ടാതെ അലയുമ്ബോള്‍ എംപി ഇഡലി ചിത്രം പോസ്റ്റ് ചെയ്തു രസിക്കുന്നു എന്നും വിമര്‍ശനമുണ്ട്. ഭക്ഷണം മറ്റുള്ളവര്‍ക്ക് വിതരണം ചെയ്യാനും എംപിയെ സോഷ്യല്‍ മീഡിയ ഉപദേശിക്കുന്നുണ്ട്. ശശി തരൂര്‍ ഈ സമയത്തും ആഡംബര ജീവിതമാണ് നയിക്കുന്നതെന്നും വിമര്‍ശനം ഉയര്‍ന്നിട്ടുണ്ട്.