ഹൃദയശസ്ത്രക്രിയ കഴിഞ്ഞ കുഞ്ഞിന് ജീവന്രക്ഷാ മരുന്ന് എത്തിച്ചുനല്കി
തിരുവനന്തപുരം ശ്രീചിത്ര മെഡിക്കല് സെന്ററില് നിന്നു ശസ്ത്രക്രിയ കഴിഞ്ഞു കരിങ്ങനാട് പ്രഭാപുരത്തെ വീട്ടില് ചികിത്സ തുടരുന്ന ആറു വയസ്സുകാരിക്ക് ആവശ്യമായ ജീവന്രക്ഷാ മരുന്ന് എത്തിച്ചു നല്കി. റെഡ് ഈസ് ബ്ലഡ് കേരള ചാരിറ്റബിള് സൊസൈറ്റി (ആര്ഐബികെ)-യാണ് മരുന്ന് എത്തിച്ചത്.
ആര്ഐബികെ സംസ്ഥാന സെക്രട്ടറി പ്രഖില് പട്ടാമ്പിയുടെ നേതൃത്വത്തില് കോഴിക്കോട് മെഡിക്കല് കോളജില് നിന്നാണ് മരുന്ന് എത്തിച്ചത്.
ആര്ഐബികെ കോഴിക്കോട്, മലപ്പുറം, പാലക്കാട് ജില്ലാ കമ്മിറ്റി അംഗങ്ങളായ സുനില്കുമാര് ഇരുമ്പുഴി, മനോജ് പൂക്കാട്, ഋഷികേഷ് മൂച്ചിക്കല്, റഹീസ് പുറമണ്ണൂര് എന്നിവരുടെ സഹകരണത്തോടെ കോഴിക്കോട് മെഡിക്കല് കോളജില് നിന്ന് എത്തിച്ച മരുന്ന് പ്രഖില് പട്ടാമ്പി, കെ. അബ്ദുസ്സലാം ബാപ്പുട്ടി എന്നിവര് ചേര്ന്നു പുലാമന്തോള് പാലത്തില് വച്ച് ഏറ്റുവാങ്ങി കുട്ടിയുടെ വീട്ടില് എത്തിച്ചു.
https://www.facebook.com/Malayalivartha